លោក បៃដិន៖ ប៉ុន្មានឆ្នាំខាងមុខ នឹងកំណត់ជោគវាសនាពិភពលោក

លោកប្រធានាធិបតីអាមេរិក ចូ បៃដិន អះអាងថា ពិភពលោកកំពុងស្ថិតនៅលើផ្លូវបំបែក ហើយប៉ុន្មានឆ្នាំខាងមុខ នឹងកំណត់ជោគវាសនារបស់ខ្លួនសម្រាប់មនុស្សជំនាន់ក្រោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការព្យាកររបស់លោក កើតឡើងចំពេលទីក្រុងវ៉ាស៊ីនតោនកំពុងប្រឈមមុខជាមួយរុស្ស៊ី ជុំវិញបញ្ហាអ៊ុយក្រែន និងទំនាក់ទំនងកាន់តែតានតឹងរបស់សហរដ្ឋអាមេរិក ជាមួយប្រទេសចិន។

ថ្លែងមុនកិច្ចប្រជុំជាមួយប្រធានាធិបតីឈីលី ហ្គាប្រ៊ីអេល បូរិច កាលពីថ្ងៃសុក្រទី៣ខែវិច្ឆិកា លោក បៃដិន និយាយថា មានពេលមួយ ប្រហែលជារៀងរាល់ប្រាំមួយទៅប្រាំបីជំនាន់ ដែលពិភពលោកផ្លាស់ប្តូរ។ អ្វីដែលនឹងកើតឡើងក្នុងរយៈពេលត្រឹម២ទៅ៣ឆ្នាំខាងមុខ នឹងកំណត់ថាតើពិភពលោកនឹងមើលទៅប្រែក្លាយជាបែបណា។

យោងតាមសេតវិមាន, លោក បៃដិន និង បូរិច បានពិភាក្សាគ្នា អំពីបញ្ហានៃក្តីព្រួយបារម្ភជារួម ដូចជាកិច្ចខិតខំប្រឹងប្រែងដើម្បីប្រយុទ្ធប្រឆាំងនឹងបម្រែបម្រួលអាកាសធាតុ ជាដើម។

កាលពីខែមុន លោក បៃដិន ក៏បាននិយាយផងដែរ អំពីតម្រូវការសម្រាប់សណ្តាប់ធ្នាប់ពិភពលោកថ្មី ដោយលើកឡើងថា ប្រព័ន្ធក្រោយសង្គ្រាមលោកលើកទី២ បានដំណើរការអស់រយៈពេលជាច្រើនទសវត្សមកហើយ ហើយវាបានចាប់ផ្តើមអស់ឥទ្ធិពល៕

ប្រែសម្រួល៖ Vann Vann

ប្រភព៖ RT

ចុចអាន៖ លោក ចូ បៃដិន ប្រកាសការពារហ្វីលីពីន បើចិន វាយប្រហារ