ព័ត៌មានអន្ដរជាតិ

ម៉ារ៉ុក រកឃើញរូបចម្លាក់គ្មានក្បាលកប់ក្នុងប្រាសាទបុរាណ អាយុកាលតាំងពីសតវត្សទី ២

បានផុស

៨ ខែ មុន

នៅ

ថ្ងៃអាទិត្យ ៥ វិច្ឆិកា ២០២៣

ដោយ

ប្រទេសម៉ារ៉ុកបានប្រទះឃើញរូបចម្លាក់គ្មានក្បាល ដែលកប់នៅក្នុងប្រាសាទបុរាណ ខណៈអ្នកជំនាញប៉ានស្មានថាមានអាយុកាលតាំងពីសតវត្សរ៍ទី ២ រួមទាំងផែ ផ្ទះងូតទឹក និងទីបញ្ចុះសព។

ទីភ្នាក់ងារព័ត៌មានស៊ីនហួរបានរាយការណ៍នៅថ្ងៃសុក្រ ទី៣ ខែវិច្ឆិកានេះថា ក្រុមបុរាណវិទ្យានៃប្រទេសម៉ារ៉ុក បានប្រកាសពីការរកឃើញអដ្ឋិធាតុនៃទីក្រុងបុរាណរ៉ូម៉ាំងមួយ ស្ថិតក្នុងសតវត្សទី២នៃគ.ស ក្នុងក្រុងរ៉ាបាត នៃរដ្ឋធានីម៉ារ៉ុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍ដដែលថែមទាំងបានបញ្ជាក់ទៀតថា ទីតាំងបុរាណវិទ្យាដែលទើបរកឃើញថ្មីនេះមានទីតាំងនៅជិតកន្លែងបុរាណវត្ថុដ៏ល្បីឈ្មោះ Chellah ជាទីបញ្ចុះសពម៉ូស្លីមមជ្ឈិមសម័យ និងជាកន្លែងទាក់ទាញភ្ញៀវទេសចរក្នុងក្រុង Rabat។

លោក Abdelaziz El Kayari អ្នកបុរាណវិទ្យាម៉ារ៉ុក បង្ហាញថា ទីតាំងបុរាណវត្ថុថ្មីមានតំបន់កំពង់ផែ, កន្លែងងូតទឹកសាធារណៈដ៏ធំ និងកន្លែងបញ្ចុះសព វាផ្តល់ព័ត៌មានអំពីជីវិតរបស់មនុស្សនៅម៉ារ៉ុកបុរាណប្រហែល ១,៨០០ ឆ្នាំមុន។

លោកនិយាយបន្ថែមថា ផ្នែកមួយនៃអាងងូតទឹកគ្របដណ្តប់លើផ្ទៃដីប្រហែល ២,០០០ ម៉ែត្រការ៉េ ដែលធ្វើឲ្យវាក្លាយជាកន្លែងងូតទឹកសាធារណៈដ៏ធំបំផុតមួយនៅក្នុងប្រទេសម៉ារ៉ុកបុរាណ រួមទាំងការរកឃើញរូបចម្លាក់ថ្មម៉ាបគ្មានក្បាលពីសម័យរ៉ូម៉ាំង។

សេចក្តីថ្លែងការណ៍របស់ក្រសួងយុវជន វប្បធម៌ និងសារគមនាគមន៍របស់ប្រទេសម៉ារ៉ុក បង្ហាញថា គម្រោងស្រាវជ្រាវបុរាណវត្ថុដែលជាការជីកកកាយ និងស្ទាបស្ទង់ផ្នែកបុរាណវត្ថុត្រូវបានចាប់ផ្តើមនៅខែមេសា ដោយវិទ្យាស្ថានជាតិបុរាណវិទ្យា និងបេតិកភណ្ឌ។ ការស្ទង់មតិបាននាំឲ្យមានការរកឃើញដោយមានសារៈសំខាន់ដែលមិននឹកស្មានដល់៕