យេម៉ែន បាញ់យន្តហោះគ្មានមនុស្សបើក ប្រឆាំងអ៊ីស្រាអែល

ក្រុមឧទ្ទាម Houthis របស់ប្រទេសយេម៉ែន បានបាញ់បង្ហោះយន្តហោះគ្មានមនុស្សបើក ប្រឆាំងអ៊ីស្រាអែល ដើម្បីជួយដល់ប៉ាឡេស្ទីន ខណៈក្រុមនេះធ្លាប់បាញ់បង្ហោះយន្តហោះគ្មានមនុស្សបើកផ្ទុកគ្រឿងផ្ទុះជាច្រើនគ្រឿង កាលពីសប្ដាហ៍មុន។

បើយោងតាមសេចក្តីថ្លែងការណ៍ ពីកងកម្លាំងប្រដាប់អាវុធរបស់ក្រុមឧទ្ទាម Houthis ដែលផ្សាយដោយប៉ុស្តិ៍ទូរទស្សន៍ Al Masirah បានឱ្យដឹងថា ក្រុមអ៊ីស្លាមនិយមមួយនេះបាញ់យន្តហោះគ្មានមនុស្សបើកប្រឆាំងនឹងគោលដៅដ៏រសើបក្នុងប្រទេសអ៊ីស្រាអែល កាលពីថ្ងៃចន្ទកន្លងទៅ។

ការបាញ់បង្ហោះយន្តហោះគ្មានមនុស្សបើក បានធ្វើឡើងក្រោយពេលអ៊ីស្រាអែលបន្តវាយប្រហារកាន់តែខ្លាំងលើតំបន់ហ្គាហ្សា ហើយការជួយជ្រោមជ្រែងពីក្រុមឧទ្ទាម Houthi គឺដើម្បីជួយបញ្ឈប់ចលនានៅក្នុងមូលដ្ឋានគោលដៅ ជាពិសេសផ្ដោតលើអាកាសយានដ្ឋានរបស់អ៊ីស្រាអែល៕

ប្រែសម្រួល៖ សន្យា

ប្រភព៖  Reuters

ចុចអាន៖ អ៊ីស្រាអែល មានផែនការទម្លាក់គ្រាប់បែកនុយក្លេអ៊ែរលើតំបន់ហ្គាហ្សា