លោក Netanyahu ព្រមានក្រុមហេសបូឡា ខ្លាំងៗ

នាយករដ្ឋមន្ត្រី​អ៊ីស្រាអែលលោក Benjamin Netanyahu ​បាន​ចេញ​ការ​ព្រមាន​ខ្លាំងៗ ​ទៅ​កាន់​ក្រុម​ហេសបូឡា​របស់ប្រទេស​លីបង់ បន្ទាប់​ពី​រដ្ឋមន្ត្រី​ការពារជាតិ​របស់លោក ចេញការព្រមានដូចគ្នានេះ កាលពីប៉ុន្មានថ្ងៃមុន។

មេដឹកនាំរូបនេះព្រមានថា “សូមកុំសាងកំហុស ដោយចូលរួមក្នុងសង្គ្រាមឲ្យសោះ។ នោះនឹងក្លាយជាកំហុសពេញមួយជីវិតរបស់អ្នក ការចូលទៅក្នុងសង្រ្គាម នឹងបំផ្លាញជោគវាសនានៃប្រទេសលីបង់ទាំងមូល”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រឿងនេះកើតឡើង បន្ទាប់ពីមេដឹកនាំក្រុម ហេសបូឡា និយាយថា ក្រុមប្រដាប់អាវុធនេះ បានប្រើប្រាស់អាវុធប្រភេទថ្មី និងវាយប្រហារគោលដៅថ្មីៗនៅក្នុងប្រទេសអ៊ីស្រាអែល ហើយប្តេជ្ញាថា ការប្រយុទ្ធប្រឆាំងអ៊ីស្រាអែលនឹង នៅតែបន្ត។

កាលពីថ្ងៃព្រហស្បតិ៍ទី៩ខែវិច្ឆិកា ក្រុមហេសបូឡា បានបើកការវាយប្រហារដោយគ្រាប់រ៉ុកកែតទៅលើអង្គភាពថ្មើរជើងរបស់អ៊ីស្រាអែល នៅក្នុងទីក្រុង Shomera ដែលមានទីតាំងនៅព្រំដែនជាប់ លីបង់។

ដោយឡែក មេដឹកនាំក្រុមហេសបូឡាលោក Hassan Nasrallah ក៏និយាយដែរថា សេណារីយ៉ូសង្រ្គាមទ្រង់ទ្រាយធំរវាងក្រុមប្រដាប់អាវុធរបស់ខ្លួនជាមួយអ៊ីស្រាអែល អាចកើតមានគ្រប់ពេល ហើយលោកថែមទាំងប្រកាសឲ្យក្រុមហេសបូឡា ត្រៀមខ្លួនសម្រាប់ការប្រឈមណាមួយជាមួយអ៊ីស្រាអែលផងដែរ៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ លោក Netanyahu ចេញមុខបកស្រាយ រឿងដែលថា អ៊ីស្រាអែល ចង់គ្រប់គ្រងតំបន់ហ្គាហ្សា