ព័ត៌មានអន្ដរជាតិ
បញ្ហាធំមួយ នឹងត្រូវលើកយកមកពិភាក្សា ក្នុងជំនួបកំពូល បៃដិន-ស៊ី
ទីប្រឹក្សាសន្តិសុខជាតិសេតវិមានលោក Jake Sullivan បាននិយាយកាលពីថ្ងៃអាទិត្យទី១២ខែវិច្ឆិកាថា ប្រធានាធិបតីអាមេរិកលោក ចូ បៃដិន ចង់បង្កើតទំនាក់ទំនងយោធានិងយោធាជាមួយប្រទេសចិនឡើងវិញ ហើយបញ្ហានេះនឹងលើកយកមកពិភាក្សាក្នុងជំនួបកំពូលរវាងមេដឹកនាំនៃប្រទេសទាំងពីរ។
លោក បៃដិន នឹងជួបជាមួយប្រធានាធិបតីចិន ស៊ី ជីនពីង ដោយផ្ទាល់ជាលើកដំបូងក្នុងរយៈពេលមួយឆ្នាំ នៅថ្ងៃពុធទី១៥ខែវិច្ឆិកា ក្នុងអំឡុងពេលនៃកិច្ចប្រជុំកំពូលកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC) នៅទីក្រុង San Francisco។ នេះក៏ជាជំនួបផ្ទាល់លើកទី២ រវាងមេដឹកនាំទាំងពីរផងដែរ ចាប់តាំងពីលោក បៃដិន ចូលកាន់តំណែងក្នុងខែមករាឆ្នាំ២០២១។
លោក Sullivan បាននិយាយក្នុងបទសម្ភាសជាមួយទូរទស្សន៍ CBS ថា “លោកប្រធានាធិបតីបានប្តេជ្ញាចិត្តថា នឹងមានការបង្កើតឡើងវិញនូវទំនាក់ទំនងយោធានិងយោធា ពីព្រោះគាត់ជឿថា វាគឺជាផលប្រយោជន៍សន្តិសុខជាតិរបស់សហរដ្ឋអាមេរិក។ យើងត្រូវការខ្សែទំនាក់ទំនងទាំងនោះ ដើម្បីកុំឲ្យមានកំហុសឬការគណនាខុសណាមួយ”។
លោក Sullivan បន្តថា ទំនាក់ទំនងយោធាដែលស្តារឡើងវិញ អាចកើតឡើងនៅគ្រប់កម្រិតចាប់ពីថ្នាក់ដឹកនាំជាន់ខ្ពស់ រហូតដល់កម្រិតប្រតិបត្តិការយុទ្ធសាស្ត្រ ក៏ដូចជានៅលើដែនទឹក និងអាកាសនៃតំបន់ឥណ្ឌូប៉ាស៊ីហ្វិកផងដែរ។
ក្រៅពីបញ្ហាខាងលើ, កិច្ចប្រជុំ បៃដិន-ស៊ី ត្រូវបានគេរំពឹងថា នឹងគ្របដណ្តប់លើបញ្ហាសកលចាប់ពីសង្គ្រាមអ៊ីស្រាអែល-ហាម៉ាស ដល់ការវាយលុករបស់រុស្ស៊ីនៅអ៊ុយក្រែន, ទំនាក់ទំនងរបស់កូរ៉េខាងជើងជាមួយរុស្ស៊ី, បញ្ហាតៃវ៉ាន់, ឥណ្ឌូប៉ាស៊ីហ្វិក, សិទ្ធិមនុស្ស, ការផលិតថ្នាំញៀន Fentanyl, AI ក៏ដូចជា ទំនាក់ទំនងពាណិជ្ជកម្មនិងសេដ្ឋកិច្ចប្រកបដោយតម្លាភាពផងដែរ។
សូមបញ្ជាក់ ទំនាក់ទំនងរវាងប្រទេសទាំងពីរ មានភាពល្អក់កកររឹតតែខ្លាំងក្នុងខែកុម្ភៈ បន្ទាប់ពីលោក បៃដិន បញ្ជាឲ្យបាញ់ទម្លាក់បាឡុងដែលសង្ស័យថាយកការណ៍ឲ្យចិន ខណៈវាហោះលើទឹកដីសហរដ្ឋអាមេរិក៕
ប្រែសម្រួល៖ Vann Vann
ប្រភព៖ CNA
ចុចអាន៖ ច្បាស់ការណ៍ពីថ្ងៃដែលលោក ស៊ី ជីនពីង ជួបពិភាក្សាជាមួយលោក បៃដិន នៅទឹកដី អាមេរិក
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ