ព័ត៌មានអន្ដរជាតិ
ក្រុមហ៊ុន Hyundai ចំណាយ ១.៥១ ពាន់លានដុល្លារ ផលិតរថយន្តអគ្គិសនី ក្នុងទីក្រុង Ulsan
ក្រុមហ៊ុន Hyundai Motor Co. ដែលជាក្រុមហ៊ុនផលិតរថយន្តធំជាងគេរបស់កូរ៉េខាងត្បូងនៅថ្ងៃចន្ទបានរៀបចំពិធីបើកការដ្ឋានសាងសង់រោងចក្រផលិតរថយន្តអគ្គិសនី (EV) នៅទីក្រុងឧស្សាហ៍កម្ម Ulsan ដោយមានគោលដៅផលិតរថយន្តចំនួន ២០ ម៉ឺនគ្រឿងក្នុងមួយឆ្នាំ ដោយចាប់ផ្តើមនៅឆ្នាំ ២០២៦ តទៅ ។
ក្រុមហ៊ុន Hyundai នឹងចំណាយប្រាក់ ១.៥១ ពាន់លានដុល្លារ ដើម្បីសាងសង់រោងចក្រ EV ទំហំ ៥៤៨,០០០ ម៉ែត្រការ៉េនៅទីក្រុង Ulsan។ នៅពេលបញ្ចប់សាងសង់ វានឹងក្លាយជារោងចក្រផលិតក្នុងស្រុកដំបូងរបស់ Hyundai ក្នុងរយៈពេល ២៩ ឆ្នាំ ចាប់តាំងពីរោងចក្រ Asan របស់ខ្លួនដែលបានសាងសង់ក្នុងឆ្នាំ ១៩៩៦ ។
ប្រធានប្រតិបត្តិក្រុមហ៊ុន Hyundai Motor Group លោក Euisun Chung លើកឡើងថា រោងចក្រផលិតរថយន្តអគ្គិសនីថ្មីនេះ គឺជាការចាប់ផ្តើមនៃអនាគតដ៏ជោគជ័យមួយសម្រាប់ ៥០ ឆ្នាំខាងមុខ និងជាយុគសម័យនៃការប្រើប្រាស់រថយន្តអគ្គិសនី ។
ស្របពេលជាមួយគ្នានេះ ការសាងសង់របស់ក្រុមហ៊ុន Hyundai កើតមានឡើង ចំពេលក្រុមហ៊ុនផលិតរថយន្តជាច្រើននៅទូទាំងពិភពលោក បានប្រកាសពីការបញ្ឈប់ ឬពន្យារពេលក្នុងការវិនិយោគលើរថយន្ត EV ដោយសារតែតម្រូវការធ្លាក់ចុះ។
គួរឲ្យដឹងថា ក្រុមហ៊ុន Hyundai ធ្លាប់បានប្រកាសពីគោលដៅរយៈពេលមធ្យម និងរយៈពេលវែងក្នុងការផលិត និងលក់រថយន្ត EV ចំនួន ៩៤ ម៉ឺនគ្រឿងនៅឆ្នាំ ២០២៦ និង ២ លានគ្រឿងនៅឆ្នាំ ២០៣០ ៕
ប្រែសម្រួល៖ នាង រតនៈ
ប្រភព៖ Yonhap
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ