ព័ត៌មានអន្ដរជាតិ
តើលោក ចូ បៃដិន និង ស៊ី ជីនពីង ពិភាក្សាគ្នាលើបញ្ហាអ្វីខ្លះ ក្នុងជំនួបកំពូលនៅ កាលីហ្វ័រញ៉ា?
ប្រធានាធិបតីអាមេរិកលោក ចូ បៃដិន បានជួបជាមួយប្រធានាធិបតីចិន ស៊ី ជីនពីង នៅក្រៅកិច្ចប្រជុំកំពូលសេដ្ឋកិច្ច (APEC) ក្នុងរដ្ឋកាលីហ្វ័រញ៉ា។

កិច្ចប្រជុំនេះ ធ្វើឡើងកាលពីថ្ងៃពុធទី១៥ខែវិច្ឆិកា ហើយកើតឡើងចំពេលមានភាពតានតឹងកាន់តែខ្លាំងរវាងទីក្រុងវ៉ាស៊ីនតោន និងទីក្រុងប៉េកាំង។
ក្នុងជំនួបនោះ លោក បៃដិន និយាយថា ប្រទេសទាំងពីរ គួរតែខិតខំធ្វើឲ្យប្រាកដថា ពួកគេមិន មានជម្លោះ និងត្រូវគ្រប់គ្រងទំនាក់ទំនង ប្រកបដោយទំនួលខុសត្រូវ។
ជាការឆ្លើយតប លោក ស៊ី បានហៅទំនាក់ទំនងអាមេរិក-ចិន ថាជាទំនាក់ទំនងទ្វេភាគីដ៏សំខាន់បំផុតនៅក្នុងពិភពលោក ហើយនិយាយថា លោកនិងលោក បៃដិន ជាអ្នកផ្តល់ការទទួលខុសត្រូវដ៏ធំ សម្រាប់ប្រជាជនទាំងពីរ សម្រាប់ពិភពលោក និងសម្រាប់ប្រវត្តិសាស្រ្ត។

ក្នុងចំណោមប្រធានបទដែលមេដឹកនាំទាំងពីរលើកយកមកពិភាក្សាគ្នា រួមមានបញ្ហាកោះតៃវ៉ាន់ សមុទ្រចិនខាងត្បូង សង្គ្រាមអ៊ីស្រាអែលនិងក្រុមហាម៉ាស ការលុកលុយរបស់រុស្ស៊ីលើអ៊ុយក្រែន បញ្ហាកូរ៉េខាងជើង សារធាតុញៀន fentanyl និងសិទ្ធិមនុស្ស។
មិនត្រឹមប៉ុណ្ណឹង ក្រុមមន្ត្រីបាននិយាយថា ប្រធានបទសំខាន់ផ្សេងទៀតក្នុងជំនួបនេះបញ្ហាទំនាក់ទំនងយោធា ហើយជាលទ្ធផល ប្រទេសទាំងពីរ បានឯកភាពគ្នាស្តារទំនាក់ទំនងរវាងយោធានិងយោធាឡើងវិញ។
ក្រៅពីនេះ លោក បៃដិន ក៏ដាក់សម្ពាធប្រទេសចិនឲ្យប្រើឥទ្ធិពលរបស់ខ្លួន ដើម្បីបញ្ចុះបញ្ចូលអ៊ីរ៉ង់ ឲ្យបញ្ឈប់តំណាងរបស់ខ្លួនពីការវាយប្រហារលើកងកម្លាំងអាមេរិកនៅមជ្ឈិមបូព៌ា និងបញ្ឆេះជម្លោះរវាងអ៊ីស្រាអែល និងក្រុមហាម៉ាស ឲ្យកាន់តែក្តៅផងដែរ។
លោក បៃដិន ថែមទាំងអំពាវនាវដល់ចិន កុំឲ្យផ្គត់ផ្គង់សព្វាវុធដល់រុស្ស៊ី ដើម្បីជួយក្នុងការលុកលុយអ៊ុយក្រែន និងដាក់សម្ពាធលើកូរ៉េខាងជើងកុំឲ្យធ្វើដូច្នេះទៀតផង៕
ប្រែសម្រួល៖ Vann Vann
ចុចអាន៖ បញ្ហាធំមួយ នឹងត្រូវលើកយកមកពិភាក្សា ក្នុងជំនួបកំពូល បៃដិន-ស៊ី

-
ព័ត៌មានអន្ដរជាតិ៤ ថ្ងៃ ago
ពលរដ្ឋថៃ រាប់ពាន់នាក់រត់ភៀសខ្លួន បន្ទាប់ពីយន្តហោះមីយ៉ាន់ម៉ា ទម្លាក់គ្រាប់បែកនៅព្រំដែន
-
ព័ត៌មានអន្ដរជាតិ១ ថ្ងៃ ago
ផែថងថាន លើកយកជម្លោះព្រំដែនកម្ពុជា-ថៃនិងឧក្រិដ្ឋកម្មអនឡាញ ពិភាក្សាជាមួយ ម៉ាក្រុង
-
សន្តិសុខសង្គម២ ថ្ងៃ ago
អាជ្ញាធរខេត្តព្រះវិហារ ដុតកម្ទេចចោលដូងក្រអូប១៥០០គីឡូក្រាម ដែលលួចនាំចេញពីថៃ ឆ្លងកាត់ប្រទេសឡាវចូលមកកម្ពុជាដោយខុសច្បាប់
-
ព័ត៌មានអន្ដរជាតិ៦ ថ្ងៃ ago
រុស្ស៊ី អះអាងថា ប្រទេសមួយចំនួន ត្រៀមបញ្ជូនក្បាលគ្រាប់នុយក្លេអ៊ែរ ឲ្យអ៊ីរ៉ង់ ដោយផ្ទាល់
-
ព័ត៌មានជាតិ៥ ថ្ងៃ ago
កម្ពុជា ទទួលរងឥទ្ធិពលពីព្យុះមួយទៀត គឺព្យុះទី២ ឈ្មោះ សេពផេត
-
ព័ត៌មានជាតិ៦ ថ្ងៃ ago
ជប៉ុន ប្រកាសពង្រឹងទំនាក់ទំនងកងទ័ពជាមួយកម្ពុជាឱ្យកាន់តែរឹងមាំ
-
នយោបាយ៦ ថ្ងៃ ago
ក្រោយបិទនាំចូលឥន្ធនៈនាយករដ្ឋមន្ត្រីថានៅអាចឆ្លើយតបថែមទៀតបើថៃចង់លេង
-
ព័ត៌មានអន្ដរជាតិ៦ ថ្ងៃ ago
PTT៖ ការផ្អាកនាំចូលប្រេងថៃរបស់កម្ពុជា មិនប៉ះពាល់ធ្ងន់ធ្ងរដល់ចំណូលក្រុមហ៊ុនទេ