រូបចម្លាក់នៅ ម៉ិកស៊ិក យំអាណិតមនុស្សដែលត្រូវអំពើហិង្សាដោយអយុត្តិធម៌

កាលពីថ្ងៃទី ១៥ ខែវិច្ឆិកា គេហទំព័រ NYPost បានរាយការណ៍អំពីរឿងដ៏រំជួលចិត្តមួយបានកើតឡើងនៅក្នុងប្រទេសម៉ិកស៊ិក។ បន្ទាប់ពីអ្នកទស្សនាព្រះវិហារមួយនៅ El Chanel ក្នុងរដ្ឋ Colima បានកត់សម្គាល់ឃើញថារូបចម្លាក់របស់ Virgin Mary កំពុងយំ ជាមួយនឹងទឹកហូរចេញពីភ្នែកហើយហូរកាត់ថ្ពាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Victor Ramos ដែលបានឃើញរូបចម្លាក់របស់ Weeping Virgin Mary បាននិយាយនៅក្នុងបទសម្ភាសន៍មួយថា វាជាបាតុភូតមិនគួរឲ្យជឿ។ លោកបាន​បញ្ជាក់​ផង​ដែរ​ថា ភ្នែក​របស់រូបចម្លាក់មាន​ឈាម ដូចជាពេលយើងយំ។ មនុស្សភាគច្រើននៅក្នុងតំបន់នេះជឿថា មូលហេតុដែលរូបចម្លាក់យំគឺដោយសារតែរដ្ឋធានីនៅក្នុងរដ្ឋកូលីម៉ា ជាប់ចំណាត់ថ្នាក់ជាទីក្រុងដែលមានអំពើហិង្សាបំផុតនៅលើពិភពលោកក្នុងឆ្នាំ២០២២។

រាប់ពីទិន្នន័យពីខែតុលាឆ្នាំនេះ ការិយាល័យរដ្ឋអាជ្ញា Colima បាននិយាយថា មានជនរងគ្រោះចំនួន ៧០២ នាក់រងនឹងអំពើហិង្សាដោយចេតនា។

ទោះជាយ៉ាងណាក៏ដោយ នេះអាចពន្យល់បានតាមបែបវិទ្យាសាស្ត្រ ដោយសាស្ត្រាចារ្យគីមីវិទ្យាជនជាតិអ៊ីតាលី Luigi Garlacelli ពន្យល់ថា វាទាំងអស់គឺមកលើសមត្ថភាពរបស់រូបចម្លាក់ ក្នុងការស្រូបយកសំណើមដោយសារតែ porosity នៅខាងក្នុងរបស់វា។

សាស្ត្រាចារ្យគីមីរូបនេះបាននិយាយថា “រូបចម្លាក់ប្រហោងដែលធ្វើពីម្នាងសិលា ឬសេរ៉ាមិច ហើយត្រូវតែគ្របដោយសម្ភារៈការពារទឹកជ្រាប នៅពេលវត្ថុប៉ះទឹក ដែលជាសមា្ភរៈ porous វានឹងស្រូបយកទឹក។ ប៉ុន្តែស្រទាប់ខាងក្រៅការពារមិនឲ្យទឹកហូរចេញ។ ប្រសិនបើថ្នាំកូតមិនជ្រាបទឹកត្រូវបានកោសនៅជិតភ្នែករបស់ Mary ទឹកដែលស្រូបចូលនឹងលេចចេញមក​ វាបង្កើតរូបភាពនៃរូបសំណាកយំឲ្យយើងបានឃើញ៕

ប្រែសម្រួល៖ សាង ស្រីល័ក្ខ

ចុចអាន៖ប្ដី​ប្រពន្ធ​មួយគូកើត​មហារីក​ថ្លើម  មូលហេតុ​​ចេញ​ពី​ផ្លែ​ឈើ​ដែល​ពួក​គេ​បរិភោគ​ញឹកញាប់