ព័ត៌មានអន្ដរជាតិ
ប្ដីប្រពន្ធមួយគូកើតមហារីកថ្លើម មូលហេតុចេញពីផ្លែឈើដែលពួកគេបរិភោគញឹកញាប់
យោងតាមវេជ្ជបណ្ឌិតនៅមន្ទីរពេទ្យក្នុងខេត្ត Henan ប្រទេសចិន បានបញ្ចាក់ថា ផ្លែឈើដែលរលួយ ឬបង្កើតផ្សិតនឹងបាត់បង់រសជាតិធម្មជាតិ ព្រមទាំងអាហារូបត្ថម្ភរបស់វាបង្កើតលក្ខខណ្ឌឲ្យជំងឺមហារីកលេចឡើងនាពេលបច្ចុប្បន្ន។
កាលពីថ្ងៃទី ១៤ ខែវិច្ឆិកា កាសែត Sohu របស់ប្រទេសចិនបានរាយការណ៍អំពីករណីនៃគូស្នេហ៍វ័យក្មេងមួយគូនៅក្នុងខេត្ត Henan ដែលត្រូវបានគេធ្វើរោគវិនិច្ឆ័យថា មានជំងឺមហារីកថ្លើមក្នុងពេលដំណាលគ្នា។ ព័ត៌មាននេះភ្លាមៗទទួលបានការចាប់អារម្មណ៍ពីសហគមន៍អនឡាញ។
ព័ត៌មានដែលបានបង្ហោះនោះបានឲ្យដឹងថា គូស្នេហ៍មួយគូនេះជាម្ចាស់ហាងលក់ផ្លែឈើ។ ដើម្បីសន្សំប្រាក់ ពួកគេតែងតែបរិភោគផ្លែឈើដែលខូច ឬផ្សិតមួយផ្នែក ដែលគ្រួសាររបស់ពួកគេមិនអាចលក់បាន។ ពេលខ្លះពួកគេកាត់ផ្សិតចេញ ហើយបន្ទាប់មកបរិភោគផ្នែកដែលល្អនៃផ្លែឈើ។ លុះពេលគេមានរោគសញ្ញា ក្តៅខ្លួន ឈឺពោះ ស្បែកលឿង ទើបគេទៅពេទ្យពិនិត្យ។ លទ្ធផលតេស្តអ៊ុលត្រាសោនបានបង្ហាញថា អ្នកទាំងពីរមានជំងឺមហារីកថ្លើម។
ពេលឮរឿងប្ដីប្រពន្ធកើតជំងឺមហារីកពីការញ៉ាំផ្លែឈើខូចខាត មហាជនជាច្រើនសម្ដែងការភ្ញាក់ផ្អើល។ ព្រោះស្ទើរតែគ្រប់គ្នាបានធ្វើអញ្ចឹង។ ជាពិសេសគ្រួសារដែលមានមនុស្សចាស់ និងមនុស្សវ័យកណ្តាលគឺសន្សំសំចៃ។
យោងតាមវេជ្ជបណ្ឌិតនៅមន្ទីរពេទ្យបញ្ចាក់ថា ផ្លែឈើដែលស្អុយរលួយឬដុះផ្សិតនឹងបាត់បង់រសជាតិធម្មជាតិ បាត់បង់អាហារូបត្ថម្ភ ហើយថែមទាំងបណ្តាលឲ្យមានបញ្ហារំលាយអាហារទៀតផង។ អតិសុខុមប្រាណដែលឈ្លានពានផ្លែឈើ និងធ្វើឲ្យពួកវាក្លាយទៅជាផ្សិតគឺ Penicillium និង Aspergillus ។ ពួកវានឹងទាញយកប្រយោជន៍ពីការខូចខាត និងគុណនៅក្នុងផ្លែ ដែលបណ្តាលឲ្យផ្លែឈើក្លាយទៅជាផ្សិត និងរលួយ។
ផ្សិត Aspergillus ផលិតសារធាតុ aflatoxin ដែលមានជាតិពុលច្រើនជាងអាសេនិច ៦៨ ដង និងពុលជាងប៉ូតាស្យូម cyanide ១០ ដង ដែលមានសមត្ថភាពបំផ្លាញជាលិកាថ្លើមយ៉ាងធ្ងន់ធ្ងរ។ វាគឺជាការឆ្លងជាតិពុលនេះ បូករួមនឹងកត្តាផ្សេងៗទៀតដូចជា ស្ថានភាពសុខភាពមូលដ្ឋាន កត្តាគ្រួសារ ទម្លាប់រស់នៅ ដែលបណ្តាលឲ្យប្តីប្រពន្ធវ័យក្មេងខាងលើកើតជំងឺមហារីកថ្លើម។
វេជ្ជបណ្ឌិតក៏បានបញ្ជាក់ដែរថា ក្នុងផ្លែឈើដែលមានផ្សិត សារធាតុពុលពិតជាសាយភាយទៅខាងក្នុង។ ទោះបីយើងកាត់ផ្នែកដែលរលួយចេញក៏ដោយ ក៏យើងមិនអាចធានាថាផ្នែកដែលនៅសល់មិនមានសារធាតុពុលដែរ។ ជាតិពុលទាំងនេះមើលមិនឃើញដោយភ្នែកទទេ និងមិនត្រូវបានប៉ះពាល់ដោយកំដៅ។ ដូច្នេះហើយបើរកឃើញផ្លែខូចគួរបោះចោលទាំងអស់ល្អបំផុត។
បន្ថែមពីលើផ្លែឈើដែលមានផ្សិត គ្រូពេទ្យក៏ណែនាំថា ប្រសិនបើគ្រាប់មានរសជាតិល្វីង អ្នកមិនគួរបរិភោគវាឡើយ។ ថ្វីត្បិតតែគ្រាប់ផ្លែឈើមានសុខភាពខ្លាំងក៏ដោយ នៅពេលដែលវាក្លាយទៅជាជូរចត់ ពួកវាងាយនឹងឆ្លងមេរោគ aflatoxin ជាពិសេសសណ្តែកដី និងអាល់ម៉ុន។ លើសពីនេះ អង្ករដែលមានក្លិនស្អុយ ប្រែទៅជាពណ៌លឿង ឬបៃតង គឺងាយនឹងទទួលរងនូវសារធាតុ aflatoxins ពីព្រោះជាតិពុលប្រភេទនេះ មានទំនោរលូតលាស់លើអាហារម្សៅ៕
ប្រែសម្រួល៖ សាង ស្រីល័ក្ខ
ចុចអាន៖កូនក្រមុំនៅចិនជូនថ្លៃបណ្ណាការនិងឡាន Land Rover ទៅកូនកំលោះ តាមពិតមានរឿងហេតុនៅពីក្រោយ
តើការបោះពុម្ពក្រដាសប្រាក់ថ្មី នឹងអាចប៉ះពាល់ដល់តម្លៃក្រដាសប្រាក់មានស្រាប់ដែរ ឬយ៉ាងណា?
Barcelona នឹងអវត្តមានកីឡាករជម្រើសដំបូងម្នាក់ទល់នឹង Inter Milan ជើងទី ២
ធន់ រិទ្ធី មួយព្រឹត្តិការណ៍នៅសហរដ្ឋអាមេរិកចំណេញក្នុងការផ្សព្វផ្សាយវប្បធម៌ និងគុនខ្មែរច្រើន
តម្លៃមាសអន្តរជាតិកើនឡើងថ្ងៃសុក្រនេះ ប៉ុន្តែរំពឹងធ្លាក់ចុះក្នុងអត្រាប្រចាំសប្ដាហ៍
ច្រកទ្វារព្រំដែនអានសេះ នឹងបើកដំណើរការជាធម្មតាឡើងវិញ
ស្គាល់អត្តសញ្ញាណអ្នកបើកបររថយន្តបង្កគ្រោះថ្នាក់ស្លាប់មនុស្ស ៤ នាក់ នៅស្រុកស្នួល
ថៃបិទច្រកអានសេះ ដោយមិនជូនដំណឹងប្រាប់មុន
បាតុករថៃចេញតវ៉ា ខណៈគណៈកម្មាធិការព្រំដែនទូទៅកម្ពុជា-ថៃជួបប្រជុំនៅបាងកក
សមត្ថកិច្ចចាត់ទុកការចែកចាយលុយបង្កប់សារប្រឆាំងរដ្ឋជាសកម្មភាពបដិវត្តន៍ព័ណ៌ និងកំពុងចាត់វិធានការ
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ ខណៈកម្ដៅក៏កើនឡើងដែរ
-
សន្តិសុខសង្គម១៧ ម៉ោង agoស្គាល់អត្តសញ្ញាណអ្នកបើកបររថយន្តបង្កគ្រោះថ្នាក់ស្លាប់មនុស្ស ៤ នាក់ នៅស្រុកស្នួល
-
ព័ត៌មានជាតិ៤ ថ្ងៃ agoបន្ថែមពីថវិកា៧០លានរៀល កុមារី ស៊ុន ស្រីតី ទទួលបានផ្ទះ ដីទំហំជាងកន្លះហិកតា ដែលដាំស្វាយរួចរាល់
-
សន្តិសុខសង្គម៦ ថ្ងៃ agoព័ត៌មានបឋម ៖ បាក់ស្រុតផ្លូវអមមាត់ប្រឡាយលូស្ទឹងមានជ័យធ្លាក់កង់បីឥណ្ឌា ១ គ្រឿង ក្រោយភ្លៀងមួយមេ
-
ព័ត៌មានជាតិ១ សប្តាហ៍ agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
សន្តិសុខសង្គម២០ ម៉ោង agoថៃបិទច្រកអានសេះ ដោយមិនជូនដំណឹងប្រាប់មុន
-
ព័ត៌មានអន្ដរជាតិ៧ ថ្ងៃ agoមិនដល់២៤ម៉ោងផង រន្ទះបាញ់ជាង ២៣ ០០០លើក វាយប្រហារភាគខាងជើងប្រទេស វៀតណាម
-
ព័ត៌មានអន្ដរជាតិ៧ ថ្ងៃ agoហ្សេលេនស្គី៖ មីស៊ីលដែលរុស្ស៊ីប្រើបាញ់ស្រោចលើក្រុងកៀវ គឺជារបស់កូរ៉េខាងជើង
-
សេចក្ដីជូនដំណឹង៦ ថ្ងៃ agoក្រុមហ៊ុន វឌ្ឍនៈ ហ៊ានចេញមុខប្រកាសគាំទ្រ “ចំណាត់ការ របស់សម្តេចធិបតី ហ៊ុន ម៉ាណែត ផ្អាកការផ្តល់រង្វាន់តាមរយៈក្រវិលកំប៉ុងស្រាបៀរនិងគម្របភេសជ្ជៈ”