Connect with us

ព័ត៌មានអន្ដរជាតិ

លោក ហ្សេលេនស្គី ក្រពុលមុខកាន់តែខ្លាំង រឿងបានគ្រាប់កាំភ្លើងធំតិចទៅៗ តាំងពីសង្គ្រាម អ៊ីស្រាអែល ផ្ទុះឡើង

បានផុស

នៅ

លោកប្រធានាធិបតី វ្ល៉ាឌីមៀរ ហ្សេលេនស្គី អះអាងថា អ៊ុយក្រែន បានទទួលគ្រាប់កាំភ្លើងធំតិចជាងមុន ចាប់តាំងពីអ៊ីស្រាអែល បើកប្រតិបត្តិការយោធារបស់ខ្លួនប្រឆាំងនឹងក្រុមហាម៉ាស។ លោក​បន្ត​ថា ប្រទេសទាំងឡាយ​កំពុងប្រកួត​ប្រជែង​គ្នា ដើម្បីទទួលបានគ្រាប់កាំភ្លើង ជា​ពិសេស​គ្រាប់ ១៥៥ មិល្លីម៉ែត្រ។

លោកប្រធានាធិបតី វ្ល៉ាឌីមៀរ ហ្សេលេនស្គី (រូបថត៖ AP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីដើមសប្តាហ៍នេះ ទីភ្នាក់ងារព័ត៌មាន Bloomberg រាយការណ៍ថា មន្ទីរបញ្ចកោណបានបង្កើនការបញ្ជូនសព្វាវុធទៅឲ្យអ៊ីស្រាអែល ចំពេលយុទ្ធនាការរបស់ខ្លួននៅហ្គាហ្សា។ នៅកន្លែងផ្សេង ប្រធានគោលនយោបាយការបរទេសសហភាពអឺរ៉ុប លោក Josep Borrell ក៏បានព្រមានទីក្រុងកៀវដែរថា រដ្ឋជាសមាជិក មិនអាចផ្តល់អាវុធ ចេញពីឃ្លាំងដែលមានស្រាប់ទៀតទេ។

ថ្លែងទៅកាន់អ្នកសារព័ត៌មាននៅទីក្រុងកៀវ កាលពីថ្ងៃសុក្រទី១៧ខែវិច្ឆិកា លោក ហ្សេលេនស្គី បានកត់សម្គាល់ថា “ជំនួយផ្តល់ឲ្យយើងកាន់តែថយចុះ។ មិនដូចអាមេរិកនិយាយទេ ពេលនេះអ្នកគ្រប់គ្នាកំពុងតស៊ូ ដើម្បីស្តុកអាវុធរបស់ខ្លួនគេដែរ”។

ដោយដកស្រង់ប្រភពពីបញ្ជីរបស់ក្រសួងការពារជាតិអាមេរិក ដែលចុះកាលបរិច្ឆេទកាលពីចុងខែតុលា, ទីភ្នាក់ងារព័ត៌មាន Bloomberg បានរាយការណ៍ថា ទីក្រុងវ៉ាស៊ីនតោន បានបង្កើនជំនួយការពារជាតិដល់អ៊ីស្រាអែល គ្រាន់តែមិនបានប្រកាសជាសាធារណៈប៉ុណ្ណោះ។

ប្រព័ន្ធផ្សព្វផ្សាយខាងលើអះអាងថា ក្នុងចំណោមសព្វាវុធដែលត្រូវបានផ្តល់ពីស្តុកផ្ទាល់របស់មន្ទីរបញ្ចកោណ គឺរួមមានគ្រាប់កាំភ្លើងធំ១៥៥មិល្លីម៉ែត្រ ចំនួន៥៧០០០គ្រាន់៕

ប្រែសម្រួល៖ Vann Vann

ប្រភព៖ RT

ចុចអាន៖ ប្រទេសមួយទៀត ប្រកាសឈប់ផ្តល់ជំនួយយោធា ឲ្យអ៊ុយក្រែន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៣ នាទី មុន

មេទ័ពជើងគោក៖ ពលិកម្មរបស់យោធិនចូលនិវត្តន៍ បានរួមចំណែកដ៏សំខាន់ក្នុងកិច្ចការពារទឹកដី

ព័ត៌មានជាតិ២៣ នាទី មុន

មហោស្រពសិល្បៈ “ប្រាំពីរពណ៌” បង្កើតឡើងដើម្បីលើកកម្ពស់ភាពចម្រុះ និងបរិយាបន្នសង្គមប្រកបដោយភាពច្នៃប្រតិដ្ឋ

ព័ត៌មានអន្ដរជាតិ២៩ នាទី មុន

លោក ហ្សេលេនស្គី ក្រពុលមុខកាន់តែខ្លាំង រឿងបានគ្រាប់កាំភ្លើងធំតិចទៅៗ តាំងពីសង្គ្រាម អ៊ីស្រាអែល ផ្ទុះឡើង

ព័ត៌មានជាតិ៣៨ នាទី មុន

អាកាសធាតុផ្តើមចុះត្រជាក់​នៅខេត្តចំនួន ៤

ព័ត៌មានជាតិ១ ម៉ោង មុន

កម្ពុជាប្ដេជ្ញា​ចូល​រួម​យ៉ាង​សកម្ម​ក្នុង​សហប្រតិបត្តិការ​ពហុភាគី និងគាំទ្រពាណិជ្ជកម្មដោយ​សេរី

Sokha Hotels

ព័ត៌មានពេញនិយម