អនុប្រធានសភាអ៊ីស្រាអែលឱ្យយោធាដុតកម្ទេចទីក្រុងហ្គាហ្សា

សមាជិកសភាជាន់ខ្ពស់ក្នុងប្រទេសអ៊ីស្រាអែលបានជំរុញឱ្យយោធា ដុតកម្ទេចទីក្រុងហ្គាហ្សា និងមិនអនុញ្ញាតឱ្យមានឥន្ធនៈណាមួយចូលទៅដល់ប៉ាឡេស្ទីន លុះត្រាតែចំណាប់ខ្មាំងទាំងអស់ដែលត្រូវបានកាន់កាប់ដោយក្រុមហាម៉ាសត្រូវបានដោះលែង។

លោក Nissim Vaturi សមាជិកនៃគណបក្ស Likud របស់នាយករដ្ឋមន្ត្រី Benjamin Netanyahu និងជាអនុប្រធានសភាអ៊ីស្រាអែល សរសេរធ្ងន់ៗនៅលើបណ្ដាញ X ថា ការដែលអ៊ីស្រាអែល​ខ្វល់ខ្វាយ​នឹងមតិ​នៅលើ​អ៊ីនធឺរណិតមិនបានជួយអ្វីសោះ ហើយអ៊ីស្រាអែលដូចជាមានមនុស្សធម៌ពេកហើយ។

អនុប្រធានសភារូបនេះបញ្ជាក់បន្ថែមថា “ដុត​ហ្កាហ្សាពេល​នេះ វាគ្មានរឿងអីនោះ​ទេ! កុំ​ឲ្យ​សាំង​ចូល កុំ​ឲ្យ​ទឹក​ចូល ​រហូត​ទាល់​តែ​ចំណាប់​ខ្មាំង​ត្រឡប់​មក​វិញ!” ។

យ៉ាងណាមិញ បន្ទាប់ពីមានការដាក់សម្ពាធដោយសហរដ្ឋអាមេរិក នៅថ្ងៃទី១៨​ ខែវិច្ឆិកានេះ អ៊ីស្រាអែល​ បានសម្រេចអនុញ្ញាតឲ្យរថយន្តដឹកប្រេងឥន្ធនៈពីរគ្រឿងក្នុងមួយថ្ងៃ ចូលទៅកាន់តំបន់ហ្គាហ្សាស្ទ្រីប៕

ប្រែសម្រួល៖ សន្យា

ប្រភព៖ RT

ចុចអាន៖ អ៊ីស្រាអែល យល់ព្រមឲ្យរថយន្តដឹកប្រេងឥន្ធនៈចូលតំបន់ហ្គាហ្សា ២គ្រឿងក្នុងមួយថ្ងៃ

ចុចអាន៖ លោក ហ្សេលេនស្គី ក្រពុលមុខកាន់តែខ្លាំង រឿងបានគ្រាប់កាំភ្លើងធំតិចទៅៗ តាំងពីសង្គ្រាម អ៊ីស្រាអែល ផ្ទុះឡើង