Connect with us

ព័ត៌មានអន្ដរជាតិ

ភ្នាក់ងារ UN ប្រាប់ដើមចមដែលមនុស្សនៅតំបន់ហ្គាហ្សាស្លាប់ច្រើនឡើងៗ ក្រៅពីការវាយប្រហាររបស់ អ៊ីស្រាអែល

បានផុស

នៅ

ទីភ្នាក់ងារជំនួយរបស់អង្គការសហប្រជាជាតិសម្រាប់ជនភៀសខ្លួនប៉ាឡេស្ទីនបានព្រមានកាលពីពេលថ្មីៗនេះថា កង្វះប្រេងឥន្ធនៈនឹងក្លាយជា “ហេតុផលចម្បង” សម្រាប់ការស្លាប់បាត់បង់ជីវិតរបស់ពលរដ្ឋនៅក្នុងតំបន់ហ្គាហ្សាស្ទ្រីប ប្រសិនបើជំនួយប្រភេទនេះមិនត្រូវបានផ្គត់ផ្គង់ចូលទៅក្នុងតំបន់ដែលកំពុងឡោមព័ទ្ធមួយនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Philippe Lazzarini អគ្គស្នងការទទួលបន្ទុកទីភ្នាក់ងារជំនួយ និងកិច្ចការងាររបស់អង្គការសហប្រជាជាតិសម្រាប់ជនភៀសខ្លួនប៉ាឡេស្ទីននៅតំបន់ជិតបូព៌ា (UNRWA) បាននិយាយនៅក្នុងសន្និសីទសារព័ត៌មាននៅទីក្រុងហ្សឺណែវថា “យើងត្រូវការបទឈប់បាញ់ឥឡូវនេះភ្លាម ហើយជំនួសមកវិញនូវការបញ្ជូនចូលប្រេងឥន្ធនៈទៅក្នុងតំបន់ហ្គាហ្សា” ។

លោក Lazzarini បានបន្ថែមថា ការបង្កើតឲ្យមានបទឈប់បាញ់ គឺមិនទាន់ហួសពេលនោះទេ ជាពិសេសការសម្រេចចិត្តលើការផ្គត់ផ្គង់ប្រេងឥន្ធនៈ គួរតែត្រូវបានធ្វើឡើងជាយូរមកហើយ ប៉ុន្តែនៅពេលដែលយើងកាន់តែរង់ចាំ ការឡោមព័ទ្ធក៏កាន់តែធ្ងន់ធ្ងរ ដូច្នេះហើយទើបវាក្លាយជាមូលហេតុចម្បងដែលធ្វើឲ្យមនុស្សស្លាប់ច្រើនឡើងៗនៅក្នុងតំបន់ហ្គាហ្សាស្ទ្រីប ។

អគ្គស្នងការរូបនេះលើកឡើងទៀតថា ពលរដ្ឋហ្គាហ្សាទទួលបានប្រេងឥន្ធនៈតិចតួច ឬពាក់កណ្ដាលនៃឡានដឹកប្រេងប៉ុណ្ណោះ ជាពិសេសអ៊ីស្រាអែលថែមទាំងរឹតបន្តឹងលើការប្រើប្រាស់ប្រេងឥន្ធនៈដើម្បីជួយដល់រថយន្តដឹកជំនួយមនុស្សធម៌ដែលមកផ្លូវឆ្លងកាត់ព្រំដែន Rafah នៅអេហ្ស៊ីប ។

ចាប់តាំងពីថ្ងៃទី៧ ខែតុលាមក មានជំនួយមនុស្សធម៌ ឬប្រេងឥន្ធនៈប្រមាណ ១០ ភាគរយប៉ុណ្ណោះ ដែលបានចូលដល់តំបន់ហ្គាហ្សា ស្របពេលដែលលោក Lazzarini ក៏បានព្រមានដែរថា ប្រសិនបើនៅតែបន្តសកម្មភាពបែបនេះទៀត នោះទាំងនៅតំបន់ភាគខាងជើង ខាងត្បូង និងកណ្ដាលតំបន់ហ្គាហ្សា គឺគ្មានសេចក្ដីសុខ និងសុវត្ថិភាពឡើយ ។

រហូតមកដល់ពេលនេះ អ៊ីស្រាអែលនៅតែបន្តធ្វើការវាយប្រហារទាំងតាមផ្លូវអាកាស និងផ្លូវគោកដោយមិនប្រណីដៃលើតំបន់ហ្គាហ្សាស្ទ្រីប រួមទាំងមន្ទីរពេទ្យ កន្លែងស្នាក់នៅ និងវិហារឥស្លាមផងដែរ ចាប់តាំងពីក្រុមហាម៉ាសប៉ាឡេស្ទីនបើកការរវាយប្រហារឆ្លងព្រំដែនកាលពីថ្ងៃទី៧ ខែតុលា និងបានចាប់ចំណាប់ខ្មាំងប្រហែល ២៤០ នាក់ ។

យោងតាមក្រសួងសុខាភិបាលនៅតំបន់ហ្គាហ្សាបានឲ្យដឹងថា ចាប់តាំងពីពេលនោះមក ជនស៊ីវិលលើស ១២,០០០ នាក់ត្រូវបានសម្លាប់ រួមទាំងកុមារ និងស្ត្រីជាង ៨,៣០០ នាក់ ខណៈខាងអ៊ីស្រាអែលវិញមានមនុស្សជិត ១,២០០ នាក់បានបាត់បង់ជីវិត ។

ក្រៅ​ពី​ចំនួន​អ្នក​ស្លាប់ដ៏ច្រើនសន្ធឹកសន្ធាប់នេះ ក្រសួងសុខាភិបាលដែលគ្រប់គ្រងដោយក្រុមហាម៉ាសបាននិយាយថា ការវាយប្រហារសងសឹករបស់អ៊ីស្រាអែលលើតំបន់ហ្គាហ្សា ក៏បានបណ្ដាលឲ្យមនុស្សជាង ៣០,០០០ នាក់ រងរបួសផងដែរ ខណៈប្រជាជន ២.៣ លាននាក់កំពុងខ្វះជំនួយមនុស្សធម៌ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ អ៊ីស្រាអែល យល់ព្រមឲ្យរថយន្តដឹកប្រេងឥន្ធនៈចូលតំបន់ហ្គាហ្សា ២គ្រឿងក្នុងមួយថ្ងៃ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៧ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៧ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ១០ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១១ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម