អ៊ីរ៉ង់បង្ហាញទូកល្បឿនលឿនបាញ់មីស៊ីលថ្មី ៣៤០ គ្រឿង ដើម្បីបង្កើនឥទ្ធិពលនៅឈូងសមុទ្រពែក្ស

ទូកល្បឿនលឿនបាញ់មីស៊ីលចុងក្រោយបង្អស់របស់យោធាអ៊ីរ៉ង់ដែលមានសមត្ថភាពធ្វើដំណើរ ១៦៦ គីឡូម៉ែត្រក្នុងមួយម៉ោងត្រូវបានគេដាក់បង្ហាញនៅចំពោះមុខកងកម្លាំងប្រដាប់អាវុធកំពូលៗកាលពីថ្ងៃចន្ទ ចំពេលមានការបង្កើនសមត្ថភាពពីកងទ័ពជើងទឹកបរទេសនៅឈូងសមុទ្រពែក្ស ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមនាវី Tangsiri បានប្រាប់អ្នកយកព័ត៌មានកាលពីថ្ងៃចន្ទមុនពិធីបើកសម្ពោធទូកល្បឿនលឿនបាញ់មីស៊ីលរបស់កងទ័ពជើងទឹកចំនួន ៣៤០ គ្រឿងនៅទីក្រុងកំពង់ផែ Bandar Abbas ថា “នាវាកងទពជើងទឹកដែលមានសមត្ថភាពធ្វើដំណើរ ១៦៦ គីឡូម៉ែត្រក្នុងមួយម៉ោងនឹងត្រូវដាក់បង្ហាញ ហើយយើងនឹងឆ្ពោះទៅរកកសាងល្បឿនរបស់វារហូតដល់ ១៨៥ គីឡូម៉ែត្រក្នុងមួយម៉ោង” ។

ទូកល្បឿនលឿនជាផ្នែកមួយនៃកងនាវាចរអ៊ីរ៉ង់ ហើយនឹងប្រតិបត្តិការនៅឈូងសមុទ្រពែក្ស សមុទ្រអូម៉ង់ និងសមុទ្រកាស្ពៀន ។

អ៊ីរ៉ង់មានចំណាប់អារម្មណ៍ចង់បង្ហាញកម្លាំងយោធារបស់ខ្លួននៅដើមឆ្នាំ ២០២១ ដោយបង្ហាញពីការធ្វើសង្គ្រាមជាបន្តបន្ទាប់នៅតាមបណ្តោយឈូងសមុទ្រពែរ្ស និងធ្វើការសាកល្បងមីស៊ីលជាដើម ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ អ៊ីរ៉ង់ដាក់ទណ្ឌកម្មមន្ត្រីកំពូលៗរបស់អាមេរិកមានទាំង Trump ផងដែរ

ចុចអាន ៖ អ៊ីរ៉ង់ឲ្យកងកម្លាំងអាកាស IRGC បាញ់ទម្លាក់រាល់ការឈ្លានពានរបស់យន្តហោះ B-52 អាមេរិក