ព័ត៌មានអន្ដរជាតិ
ផ្ទុះភ្នំភ្លើងឥណ្ឌូណេស៊ី ស្លាប់អ្នកឡើងភ្នំ ១១នាក់
អ្នកឡើងភ្នំចំនួន១១នាក់ ត្រូវបានគេរកឃើញស្លាប់ នៅក្បែរមាត់ភ្នំភ្លើង Marapi ក្នុងប្រទេសឥណ្ឌូណេស៊ី បន្ទាប់ពីវាផ្ទុះឡើងកាលពីចុងសប្តាហ៍។
យ៉ាងណាក្តី មនុស្សចំនួនបីនាក់ ត្រូវបានជួយសង្គ្រោះកាលពីថ្ងៃចន្ទ ខណៈការស្វែងរកអ្នកបាត់ខ្លួន១២នាក់ផ្សេងទៀត ត្រូវផ្អាកដោយសារតែការផ្ទុះជាបន្តបន្ទាប់។
តាមរបាយការណ៍ មានអ្នកឡើងភ្នំចំនួន៧៥នាក់នៅក្នុងតំបន់ ពេលការផ្ទុះកើតឡើង ប៉ុន្តែភាគច្រើនត្រូវបានជម្លៀសដោយសុវត្ថិភាព។
Marapi ដែលជាភ្នំភ្លើងសកម្មមួយក្នុងចំណោមភ្នំភ្លើងសកម្មទាំង ១២៧របស់ប្រទេសឥណ្ឌូណេស៊ី បានបាញ់ផេះកម្ពស់ដល់ទៅ ៣គីឡូម៉ែត្រទៅលើអាកាសកាលពីថ្ងៃអាទិត្យទី៣ខែធ្នូ។
អាជ្ញាធរ បានចេញសេចក្តីប្រកាសអាសន្នកម្រិតខ្ពស់លំដាប់ទីពីរ ហើយហាមឃាត់អ្នកស្រុកមិនឲ្យចូលទៅក្នុងរង្វង់ចម្ងាយ ៣គីឡូម៉ែត្រពីមាត់រណ្ដៅ។
លោក Abdul Malik ប្រធានទីភ្នាក់ងារស្វែងរក និងជួយសង្គ្រោះ Padang និយាយថា មនុស្សទាំងបីនាក់ដែលជួយសង្គ្រោះបាន គឺមានរលាកខ្លួនប្រាណនិងអស់កម្លាំងល្ហិតល្ហៃ។ អ្នកឡើងភ្នំមួយចំនួន ដែលជម្លៀសបានក៏រងការរលាកផងដែរ។
សូមបញ្ជាក់ ភ្នំ Marapi កម្ពស់២៨៩១ម៉ែត្រ គឺស្ថិតនៅលើកោះ Sumatra ភាគខាងលិចបំផុតរបស់ប្រទេសឥណ្ឌូណេស៊ី៕
ប្រែសម្រួល៖ Vann Vann
ប្រភព៖ BBC
ចុចអាន៖ ភ្នំភ្លើង Semeru ផ្ទុះឡើង ខណៈអាជ្ញាធរ ព្រមានប្រជាជន ឲ្យប្រយ័ត្ន
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ