Connect with us

ព័ត៌មានអន្ដរជាតិ

លោក គីម ជុងអ៊ុន ស្រក់ទឹកភ្នែក អង្វរករឲ្យស្រ្តីកូរ៉េខាងជើង យកកូនច្រើន

បានផុស

នៅ

លោក គីម ជុងអ៊ុន បានសម្រក់​ទឹក​ភ្នែក ខណៈ​លោកធ្វើការអង្វរករដល់ស្រ្តីកូរ៉េខាងជើងឲ្យយកកូនច្រើន ដោយថា វាជាកាតព្វកិច្ច ក្នុងការពង្រឹងអត្រាកំណើតខ្ពស់សម្រាប់ប្រទេស ដើម្បីជួយជាតិ។

(រូបថត៖ GBN)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេបានឃើញលោក គីម យកកន្សែងជូតភ្នែក ពេលគាត់និយាយទៅកាន់ស្ត្រីរាប់ពាន់នាក់ដែលជួបជុំនៅឯកិច្ចប្រជុំមាតាជាតិ ក្នុងទីក្រុងព្យុងយ៉ាងកាលពីចុងសប្តាហ៍ ខណៈការ​អង្វរកររបស់គាត់ ហាក់ដូចជាទាញក្តីអាណិតអាសូរយ៉ាងពន់ពេក ពីសំណាក់អ្នកចូលរួម។

លោក គីម និយាយថា “ការទប់ស្កាត់ការធ្លាក់ចុះនៃអត្រាកំណើត និងការថែទាំកូនល្អ គឺជាភារកិច្ច ដែលយើងទាំងអស់គ្នាត្រូវដោះស្រាយ ជាមួយម្តាយរបស់យើង”។

ថ្វីបើប្រទេសកូរ៉េខាងជើង បង្ហាញព័ត៌មានលម្អិតខ្លះៗពាក់ព័ន្ធនឹងចំនួនប្រជាជនរបស់ខ្លួនក៏ដោយ ប៉ុន្តែរដ្ឋាភិបាលកូរ៉េខាងត្បូងបានប៉ាន់ស្មានថា អត្រាមានកូនរបស់ប្រទេសនេះ បានធ្លាក់ចុះជាលំដាប់ក្នុងទសវត្សរ៍កន្លងមក ហើយវាគឺជាបញ្ហាប្រឈមចំពោះរបបមួយ ដែលពឹងផ្អែកខ្លាំងលើការងារដោយដៃ និងការបម្រើយោធា។

(រូបថត៖ Latestly)

ក្រសួងបង្រួបបង្រួមកូរ៉េខាងត្បូងនិយាយថា សុន្ទរកថារបស់លោក គីម គឺជាលើកដំបូងហើយ ដែលគាត់ទទួលស្គាល់ជាសាធារណៈអំពីការធ្លាក់ចុះនៃអត្រាកំណើតរបស់ប្រទេសខ្លួន។

យោងតាមមូលនិធិប្រជាជនរបស់អង្គការសហប្រជាជាតិ និងធនាគារពិភពលោក, អត្រាមានកូនរបស់កូរ៉េខាងជើង គឺប្រហែល ១.៧៩ ទៅ ១.៨ ក្នុងស្ត្រីម្នាក់ ចាប់តាំងពីឆ្នាំ២០២០មក។

នេះគឺជាការធ្លាក់ចុះពីកម្រិតខ្ពស់ ៤.០៥នាក់នៅចុងទសវត្សរ៍ឆ្នាំ១៩៦០ មកនៅក្រោម២.១នាក់នៅចុងទសវត្សរ៍ឆ្នាំ១៩៩០ បន្ទាប់ពីការដាក់ចេញកម្មវិធីគ្រប់គ្រងកំណើតនៅទសវត្សរ៍ឆ្នាំ១៩៧០និង៨០ ដើម្បីពន្យឺតកំណើនប្រជាជនក្រោយសង្គ្រាម និងគ្រោះទុរ្ភិក្សដ៏ធំនៅពាក់កណ្តាលទសវត្សរ៍ឆ្នាំ១៩៩០។

ជំរឿនចុងក្រោយរបស់កូរ៉េខាងជើង ដែលចេញផ្សាយក្នុងឆ្នាំ២០០៨ គឺបង្ហាញថា ប្រជាជនរបស់ខ្លួនមានចំនួន២៤លាននាក់។ យ៉ាងណា តាមការប៉ាន់ស្មានបច្ចុប្បន្ន ប្រជាជនកូរ៉េខាងជើងមានប្រហែល ២៥.៧លាននាក់ ប៉ុន្តែទិន្នន័យនេះ មិនច្បាស់ទេ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ GB News, Yahoo

ចុចអាន៖ លោក គីម ជុងអ៊ុន បញ្ចប់ទស្សនកិច្ចនៅ រុស្ស៊ី ហើយត្រលប់ទៅ កូរ៉េខាងជើង វិញមិនមែនដោយដៃទទេ (មានវីដេអូ)

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៦ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៧ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៧ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ១០ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១១ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម