ព័ត៌មានអន្ដរជាតិ
ចាប់ខ្លួនសមាជិក ក្រុមហាម៉ាស សង្ស័យមានផែនការវាយប្រហារភេរវកម្មនៅ អឺរ៉ុប
ប្រទេសអាល្លឺម៉ង់ និងដាណឺម៉ាកបានចាប់ឃុំខ្លួនជនសង្ស័យជាភេរវករមួយចំនួន ក្នុងនោះរួមមានទាំងសមាជិកក្រុមប្រដាប់អាវុធប៉ាឡេស្ទីនហាម៉ាសផងដែរ ពីបទសង្ស័យរៀបចំផែនការវាយប្រហារភេរវកម្មប្រឆាំងនឹងស្ថាប័នជ្វីហ្វនៅអឺរ៉ុប ។
រដ្ឋអាជ្ញាអាល្លឺម៉ង់បាននិយាយកាលពីថ្ងៃព្រហស្បតិ៍ថា សមាជិកក្រុមហាម៉ាសចំនួន ៤ នាក់ត្រូវបានចាប់ឃុំខ្លួននៅក្នុងប្រទេសអាល្លឺម៉ង់ និងហូឡង់ បន្ទាប់ពីជនសង្ស័យទាំង ៤ នាក់នោះរួមមាន ជនជាតិលីបង់ និងអេហ្ស៊ីបទទួលបញ្ជាពីមេដឹកនាំក្រុមហាម៉ាសឲ្យដឹកជញ្ជូនអាវុធទៅកាន់ទីក្រុងប៊ែរឡាំងក្នុងខែតុលា ។
ចំណែកមន្ត្រីប៉ូលិសដាណឺម៉ាកបានឃាត់ខ្លួនមនុស្ស ៣ នាក់ពីបទសង្ស័យរៀបចំផែនការវាយប្រហារភេរវកម្ម ប៉ុន្តែមិនបាននិយាយថាតើជនសង្ស័យទាំងបីនាក់នោះមានទំនាក់ទំនងជាមួយក្រុមហាម៉ាស ឬពាក់ព័ន្ធនឹងក្រុមប្រដាប់អាវុធដទៃទៀតឬយ៉ាងណានោះទេ ។
ស្របពេលជាមួយគ្នានេះ ប៉ូលិសដាណឺម៉ាកក៏បាននិងកំពុងពង្រឹងសន្តិសុខក្នុងរដ្ឋធានី Copenhagen និងសហគមន៍ជ្វីហ្វនៅក្នុងប្រទេស ខណៈកាលពីថ្ងៃព្រហស្បតិ៍ ដាណឺម៉ាកក៏បានប្រកាសលុបចោលពិធីបុណ្យប្រពៃណីរបស់ជនជាតិយូដាផងដែរ ។
ពាក់ព័ន្ធនឹងបញ្ហានេះដែរ នាយករដ្ឋមន្ត្រីដាណឺម៉ាក លោកស្រី Mette Frederiksen បាននិយាយថា “រឿងនេះពិតជាធ្ងន់ធ្ងរណាស់ ហើយវាក៏មិនអាចទទួលយកបានផងដែរ ដែលមានអ្នកយកជម្លោះរវាងអ៊ីស្រាអែល និងក្រុមហាម៉ាស ឬជម្លោះនៅកន្លែងផ្សេងទៀតក្នុងពិភពលោក ចូលមកក្នុងសង្គមដាណឺម៉ាក” ។
ដោយឡែកទីភ្នាក់ងារស៊ើបការណ៍សម្ងាត់អ៊ីស្រាអែល Mossad ក៏បានចេញសេចក្តីថ្លែងការណ៍មួយផងដែរថា “ក្រុមប្រដាប់អាវុធហាម៉ាសបាននិងកំពុងធ្វើការដោយមិនឈប់ឈរ និងមិនខ្លាចហត់នឿយដើម្បីពង្រីកប្រតិបត្តិការដ៏សាហាវ និងឃោរឃៅមកកាន់ទ្វីបអឺរ៉ុប ហេតុនេះហើយទើបបង្កើតជាការគំរាមកំហែងដល់សន្តិសុខលើប្រទេសទាំងនេះ” ។
គួរបញ្ជាក់ថា ការចាប់ឃុំខ្លួនទាំងនេះកើតមានឡើង បន្ទាប់ពីស្នងការកិច្ចការមហាផ្ទៃសហភាពអឺរ៉ុប (EU) បានព្រមានខ្លាំងៗពាក់ព័ន្ធនឹងការវាយប្រហារភេរវកម្ម អំឡុងថ្ងៃបុណ្យណូអែល ។ ទន្ទឹមនោះ ការព្រមាននេះគឺក្រោយពេលដែលបុរសសញ្ជាតិបារាំងអាយុ ២៦ ឆ្នាំម្នាក់ មកពីគ្រួសារអ៊ីរ៉ង់គ្មានសាសនា បានចាក់សម្លាប់អ្នកទេសចរកូនកាត់អាល្លឺម៉ង់-ហ្វីលីពីន ក្នុងទីក្រុងប៉ារីស ខណៈមនុស្ស ២ នាក់ទៀតក៏រងរបួសផងដែរ ក្រោយត្រូវវាយដោយញញួរ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ មេបក្សប្រឆាំង អ៊ីស្រាអែល ព្រមានមិនសំចៃមាត់ទៅលោកនាយករដ្ឋមន្ត្រី Netanyahu
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ