ព័ត៌មានអន្ដរជាតិ
ចិន ដកតំណែងមន្ត្រីយោធាជាន់ខ្ពស់ ៩ រូប
ប្រទេសចិនបានដកតំណែងមន្ត្រីយោធាជាន់ខ្ពស់ចំនួន ៩ នាក់ចេញពីគណៈកម្មាធិការអចិន្ត្រៃយ៍នៃសភាប្រជាជនជាតិ (NPC) ស្របពេលដែលរដ្ឋាភិបាលទីក្រុងប៉េកាំងកំពុងបង្កើនការបង្ក្រាបលើមន្ត្រីពុករលួយគ្រប់ប្រភេទទាំងអស់ ។
ប្រព័ន្ធផ្សព្វផ្សាយហុងកុងបានរាយការណ៍ថា អ្នកដែលត្រូវបណ្តេញចេញទាំងនោះក៏រួមមាន មេបញ្ជាការជាន់ខ្ពស់នៃកងកម្លាំងរ៉ុកកែតចិនផងដែរ ខណៈការជម្រះមន្ត្រីទាំងនោះអាចជាប់ទាក់ទងនឹងការស៊ើបអង្កេតលើអំពើពុករលួយនៅក្នុងជួរកងកម្លាំងដែលគ្រប់គ្រងឃ្លាំងអាវុធនុយក្លេអ៊ែរ និងមីស៊ីល ។
ទន្ទឹមនោះ សារព័ត៌មានបរទេសមួយចំនួនបានរាយការណ៍ថា អតីតរដ្ឋមន្ត្រីការពារជាតិលោក Li Shangfu ក៏ជាប់ពាក់ព័ន្ធនឹងអំពើពុករលួយផងដែរ ទើបលោកត្រូវបានបណ្ដេញចេញពីតំណែងកាលពីតុលា ខណៈចាប់តាំងពីពេលនោះគេក៏មិនបានប្រទះឃើញមេទ័ពរូបនេះនោះដែរ ។
ពាក់ព័ន្ធនឹងតំណែងរដ្ឋមន្ត្រីការពារជាតិនេះដែរ កាលពីថ្ងៃសុក្រចិនបានតែងតាំងអតីតមេទ័ពជើងទឹកលោក Dong Jun ឲ្យមកអង្គុយកៅអីដែលកំពុងទំនេរមួយនេះ ចំពេលមានភាពតានតឹងផ្នែកយោធាបានឈានដល់កម្រិតខ្ពស់ ជាពិសេសទាក់ទងនឹងបញ្ហាកោះតៃវ៉ាន់ ។
ស្របពេលជាមួយគ្នានេះ ការតែងតាំងលោក Dong Jun ក៏កើតមានឡើង ចំពេលចិនកំពុងប្រឹងប្រែងពង្រឹងសមត្ថភាពយោធាដែលជាផ្នែកមួយនៃយុទ្ធសាស្ត្រកណ្ដាប់ដៃដែករបស់ប្រធានាធិបតី Xi Jinping ក្នុងការលើកតម្កើងប្រទេសចិនឲ្យក្លាយជាមហាអំណាចពិភពលោក ។
គួរបញ្ជាក់ថា ក្នុងរយៈពេលប៉ុន្មានខែចុងក្រោយនេះ រដ្ឋាភិបាលចិនបានប្រកាសបង្ក្រាបលើមន្ត្រីពុករលួយគ្រប់ប្រភេទទាំងអស់ បន្ទាប់ពីមានសារព័ត៌មានចុះផ្សាយជាហូរហែ និងចោទសួរថាតើអតីតរដ្ឋមន្ត្រីការពារជាតិលោក Wei Fenghe ដែលត្រូវដកតំណែងកាលពីខែមីនា បាត់មុខនៅទីណា ៕
ប្រែសម្រួលដោយ ៖ ជីវ័ន្ត
ប្រភព ៖ NHK
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ