ព័ត៌មានអន្ដរជាតិ

ឧបទ្ទវហេតុរទេះភ្លើងបុកគ្នានៅ ឥណ្ឌូណេស៊ី ស្លាប់មនុស្ស ៤ នាក់ និងរបួស ២២ នាក់

បានផុស

៣ years មុន

នៅ

ថ្ងៃសុក្រ ៥ មករា ២០២៤

ដោយ

មនុស្ស ៤ នាក់បានស្លាប់បាត់បង់ជីវិត និង ២២ នាក់បានរងរបួស ក្រោយមានឧបទ្ទវហេតុរថភ្លើង ២ គ្រឿងបុកគ្នា នៅខេត្ត West Java ខាងកើតរដ្ឋធានីហ្សាកាតា ប្រទេសឥណ្ឌូណេស៊ី នាថ្ងៃសុក្រ ទី០៥ ខែមករា ឆ្នាំ២០២៤នេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានពី Channel News Asia របាយការណ៍បឋមពីអជ្ញាធរបង្ហាញថា អ្នកដែលបានបាត់បង់ជីវិតទាំង៤នាក់គឺជាបុគ្គលិកក្រុមការងាររថភ្លើង នៅក្នុងចំណោមចំនួនអ្នកដំណើរជិះក្នុងរថភ្លើងទាំងពីរសរុបប្រមាណជិត ៥០០ នាក់ ខណៈចំពោះមូលហេតុដែលបង្កឡើងឱ្យរថភ្លើងទាំងពីរបុកគ្នានេះ នៅពុំទាន់កំណត់ឲ្យដឹងច្បាស់ពីអាជ្ញាធរនៅឡើយទេ ។

បុគ្គលិកប្រតិបត្តិការតំណាងក្រុមហ៊ុនស្ថានីយផ្លូវដែកឈ្មោះ PTKAI ប្រចាំតំបន់កើតហេតុខាងលើ បានបន្ថែមថា រថភ្លើងទាំងពីរខ្សែ ១ផ្ទុកមនុស្សប្រមាណ ២៨៧ នាក់ និង១ខ្សែទៀត ប្រមាណ ១៩១ នាក់ បានប៉ះទង្គិចគ្នា នាម៉ោងប្រមាណ ៦ព្រឹក។ គេឃើញ បំណែកខាងមុខរថភ្លើងទាំងពីរគឺខ្ទេចខ្ទីគ្មានសល់ ឯចំណែកតួរថភ្លើងមួយផ្នែកធ្លាក់ចូលទៅវាលស្រែ៕