ព័ត៌មានអន្ដរជាតិ

អ៊ីស្រាអែលថា ទីបញ្ជាការក្រុមហាម៉ាស់នៅខាងជើងហ្គាហ្សាត្រូវបានបំផ្លាញ

បានផុស

៣ years មុន

នៅ

ថ្ងៃអាទិត្យ ៧ មករា ២០២៤

ដោយ

ទាហានរបស់ប្រទេសអ៉ីស្រាអែលបានអះអាងពីការបំផ្លាញទីបញ្ជាការដ្ឋានរបស់ក្រុមហាម៉ាស់នៅភាគខាងជើងតំបន់ហ្គាហ្សា។

អ្នកនាំពាក្យទាហានអ៉ីស្រាអែល លោក Daniel Hagari បានប្រាប់អ្នកសារព័ត៌មានថា ក្រុមសកម្មប្រយុទ្ធប៉ាឡេស្ទីឥឡូវនេះកំពុងប្រតិបត្តិការនៅក្នុងតំបន់បន្តិចៗម្តង និងគ្មានមេបញ្ជាការទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបាននិយាយថា កម្លាំងការពារជាតិអ៉ីស្រាអែលឥឡូវនេះកំពុងផ្តោតលើការបំផ្លាញក្រុមហាម៉ាស់នៅភាគខាងត្បូង និងភាគកណ្តាលនៃតំបន់ហ្គាហ្សាបន្តទៀត។

តាមការឲ្យដឹងពីក្រសួងសុខាភិបាលដែលគ្រប់គ្រងដោយក្រុមហាម៉ាស់ថា អ៉ីស្រាអែលបានសម្លាប់មនុស្សជាង២២០០០នាក់ចាប់តាំងពីសង្គ្រាមបានកើតឡើង។ កាលពីថ្ងៃសៅរ៍ ទី៦ ខែមករា ឆ្នាំ២០២៤ ក្រសួងបាននិយាយថា ខ្លួនបានកត់ត្រាមនុស្សជាង១២០នាក់បានស្លាប់ក្នុងរយៈពេល២៤ម៉ោងចុងក្រោយ។

ទឹកដីនេះត្រូវបានបំផ្លិចបំផ្លាញ ហើយភាគច្រើននៃប្រជាជន២.៣លាននាក់ត្រូវបានផ្លាស់ទីលំនៅ។

ការវាយប្រហាររបស់អ៉ីស្រាអែលបានចាប់ផ្តើម បន្ទាប់ពីក្រុមហាម៉ាស់បានបើកការវាយប្រហារដ៏ភ្ញាក់ផ្អើលមួយនៅភាគខាងត្បូងអ៉ីស្រាអែលកាលពីថ្ងៃទី៧ ខែតុលា ឆ្នាំ២០២៣ ដែលបានសម្លាប់មនុស្ស១២០០នាក់ ភាគច្រើនជាជនស៊ីវិល និងមានចំណាប់ខ្មាំងប្រហែល២៤០នាក់។

កាលពីថ្ងៃសៅរ៍ម្សិលមិញ លោកនាយករដ្ឋមន្ត្រី Benjamin Netanyahu បានបញ្ជាក់សាជាថ្មីថា អ៉ីស្រាអែលនៅតែបន្តប្រតិបត្តិការរបស់ខ្លួនដើម្បីលុបបំបាត់ក្រុមហាម៉ាស់ នាំយកចំណាប់ខ្មាំងមកវិញ និងធានាបាននូវតំបន់ហ្គាហ្សាដែលលែងក្លាយជាការគំរាមកំហែងដល់អ៉ីស្រាអែលទៀត៕

អត្ថបទ៖ វីរបុត្រ
ប្រភព៖ BBC

Related Topics:សង្គ្រាមអ៊ីស្រាអែល-ប៉ាឡេស្ទីន