ព័ត៌មានអន្ដរជាតិ

ថៃពន្យាវីសារយៈពេលវែងដល់ទេសចរដែលចង់រៀនក្បាច់ប្រដាល់ក្នុងប្រទេស

បានផុស

២ years មុន

នៅ

ថ្ងៃអាទិត្យ ១៤ មករា ២០២៤

ដោយ

ទីប្រឹក្សានាយករដ្ឋមន្រ្តីថៃមួយរូប គឺលោក Pimol Sriwikorn ថ្មីៗនេះបានជំរុញផែនការដាក់ប្រដាល់ “មួយថៃ” ជាផ្នែកសំខាន់មួយសម្រាប់ទាក់ទាញទេសចរ ពោលគឺការផ្តល់វីសារយៈវែង ដល់អ្នកទេសចរបរទេសដែលចង់រៀនក្បាច់គុននេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានក្នុងស្រុកថៃ Khaosod បានឲ្យដឹងថា ទីប្រឹក្សារបស់លោកនាយករដ្ឋមន្ត្រៃថៃ ថាវីស៊ីន សេដ្ឋា ខាងលើបានស្នើទៅកាន់កិច្ចប្រជុំអនុគណៈកម្មការនៃគណរដ្ឋមន្ត្រី ដោយលើកពីការពន្យាវិសាស្នាក់នៅដល់ទេសចរផ្សារភ្ជាប់នឹងមួយថៃ ពីរយៈពេល ៦០ ទៅដល់ ៩០ ថ្ងៃ ។ ដោយឡែកសម្រាប់គ្រូបង្វឹកបណ្តុះបណ្តាលក្បាច់គុននេះនឹងត្រូវទទួលបានជំនួយគាំទ្រផងដែរ ។

ជាលទ្ធផលកិច្ចប្រជុំ ក៏បានអនុម័តសម្រេចស្របតាមសំណើនេះ ដោយអនុញ្ញាតឲ្យចេញវីសាប្រភេទ Non-Immigrant Visa ED សម្រាប់ទេសចរដែលរៀនក្បាច់គុនមួយថៃនៅក្នុងក្លិបកីឡាណាមួយដែលទទួលស្គាល់ដោយអជ្ញាធរកីឡាថៃ SAT។ ដូចនេះ នៅពេលដែលទេសចរបានមកដល់ប្រទេសថៃភ្លាម ពួកគេអាចស្នាក់នៅរយៈពេលដល់៩០ថ្ងៃ ករណីដែលពួកគេចូលហាត់នៅក្លិបកីឡាដែលបានទទួលស្គាល់នោះ ។

បន្ថែមពីដំណើរការខាងលើ កិច្ចប្រជុំក៏បានសម្រេចគាំទ្រនូវបច្ចេកវិទ្យាវេទិកាកម្មវិធីមួយឈ្មោះ Now Muaythai ដែលជាប្រភេទកម្មវិធី អាចកក់នូវថ្នាក់ និងវគ្គរៀនក្បាច់គុនមួយថៃនេះ មិនថាភ្ញៀវជាតិ ឬអន្តរជាតិ ដែលនេះស្របទៅនឹងនិន្នាការជ្រុងមួយនៃនយោបាយរបស់រដ្ឋាភិបាលថៃក្នុងការយកក្បាច់គុនបុរាណនេះជាឥទ្ធិពលលើសកម្មភាពផ្សេងៗ ជាក់ស្តែងគឺចំណូលជាតិតាមរយៈវិស័យទេសចរនាឆ្នាំ២០២៤នេះ៕