ព័ត៌មានអន្ដរជាតិ
Oxfam៖ មនុស្សជាងកន្លះផែនដី កាន់តែក្រទៅៗ
របាយការណ៍ប្រចាំឆ្នាំរបស់អង្គការ Oxfam អន្តរជាតិ ដែលចេញផ្សាយកាលពីចុងសប្តាហ៍ បានបង្ហាញថា មនុស្ស៥ពាន់លាននាក់លើពិភពលោក (លើសពាក់កណ្តាលនៃប្រជាជនសរុប) កាន់តែក្រទៅៗ ខណៈមហាសេដ្ឋីកំពូល៥រូបកាន់តែមានទ្វេគុណ ពោលគឺទ្រព្យរបស់ពួកគេបានកើនឡើង១១៤% ស្មើនឹង៨៦៩ពាន់លានដុល្លារអាមេរិក ក្នុងរយៈពេល៣ឆ្នាំកន្លងមកនេះ។
តាមរបាយការណ៍ មនុស្ស៥ពាន់លាននាក់លើពិភពលោក កាន់តែក្រទៅៗ ដោយសារអតិផរណា សង្គ្រាមនិងបម្រែបម្រួលអាកាសធាតុ ហើយបើតាមអត្រាបច្ចុប្បន្ននេះ ពិភពលោកនឹងត្រូវចាយពេលជិត២៣០ឆ្នាំទៀតឯណោះ ទើបអាចលុបបំបាត់ភាពក្រីក្របាន។
អង្គការ Oxfam លើកឡើងថា ក្នុងរយៈពេល២ឆ្នាំមកនេះ កម្មករជិត៨០០លាននាក់ជុំវិញពិភពលោក មិនអាចទទួលបានប្រាក់ឈ្នួលសមល្មមដើម្បីទប់ទល់នឹងអតិផរណាបានទេ។ កត្តានេះ បណ្តាលឲ្យពួកគេបាត់បង់ប្រាក់ចំណូលជាមធ្យម២៥ថ្ងៃក្នុងមួយឆ្នាំ។ ក្នុងចំណោម អាជីវកម្មធំៗប្រមាណ ១៦០០នៅលើពិភពលោក មានតែ០.៤%ប៉ុណ្ណោះ ដែលហ៊ានធានាប្រាក់ឈ្នួលគ្រប់គ្រាន់ដើម្បីផ្គត់ផ្គង់សម្រាប់ការរស់នៅរបស់កម្មករ និងផ្តល់ការគាំទ្រដល់ពួកគេ។
ដោយឡែក បើនិយាយពីអ្នកមានវិញ, អ្នកមានបំផុតទាំង៥របស់ពិភពលោកនាពេលបច្ចុប្បន្នគឺ នាយកប្រតិបត្តិក្រុមហ៊ុន Tesla លោក Elon Musk, នាយក LVMH លោក Bernard Arnault, នាយកក្រុមហ៊ុន Amazon លោក Jeff Bezos, សហស្ថាបនិក Oracle លោក Larry Ellison និងមហាសេដ្ឋីវិនិយោគ Warren Buffett។
លើសពីនេះ Oxfam ជឿថា ប្រសិនបើនិន្នាការបែបនេះនៅតែបន្ត នោះពិភពលោក អាចនឹងមានសេដ្ឋីដែលមានទ្រព្យសម្បត្តិទ្រីលានដុល្លារលើកដំបូង នៅទសវត្សរ៍ក្រោយ ជាក់ជាមិនខាន។
សូមបញ្ជាក់ថា របាយការណ៍របស់ Oxfam គឺប្រមូលទិន្នន័យពីអង្គការពលកម្មអន្តរជាតិ (ILO), ធនាគារពិភពលោក (WB), វិទ្យាស្ថាន Wealth-X និងទស្សនាវដ្តី Forbes ខណៈអង្គការអន្តរជាតិមួយនេះត្រូវបានបង្កើតឡើងក្នុងឆ្នាំ១៩៥៥ ដោយមានគោលដៅស្វែងរកដំណោះស្រាយចំពោះភាពក្រីក្រ និងអយុត្តិធម៌ក្នុងពិភពលោក៕
អត្ថបទ៖ សុខ សុវណ្ណ
ចុចអាន៖ លោក ប៉ែន បូណា ៖ ខ្ជិលអាចជាមូលហេតុនៃភាពក្រីក្រ ប៉ុន្តែអ្នកក្រទាំងអស់មិនមែនសុទ្ធតែខ្ជិលទេ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ