Connect with us

ព័ត៌មានអន្ដរជាតិ

ចំនួនអ្នកស្លាប់នៅហ្គាហ្សាកាន់តែច្រើន ខណៈអ៊ីស្រាអែលក៏មិនបន្ថូរដៃ​វាយលុក

បានផុស

នៅ

យោងតាមការចេញផ្សាយរបស់សារពត៌មាន Al Jazeera​ នៅថ្ងៃទី​២២​ ខែមករាបានឲ្យដឹងថា ចំនួនពលរដ្ឋប៉ាឡេស្ទីនដែលអ្នកស្លាប់បាត់បង់ជីវិតនៅក្នុងការវាយលុករបស់អ៊ីស្រាអែលលើតំបន់ហ្គាហ្សា បានកើនឡើងលើសពី ២៥,០០០ នាក់ ខណៈអ៊ីស្រាអែលក៏មិនបន្ថូរដៃក្នុងការវាយលុកនោះដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យក្រសួងសុខាភិបាលប៉ាឡេស្ទីនលោក Ashraf al-Qudra បាននិយាយកាលពីថ្ងៃអាទិត្យថា មនុស្ស ១៧៨ នាក់ត្រូវបានសម្លាប់ក្នុងរយៈពេល ២៤ ម៉ោងចុងក្រោយ ដោយបង្កើនចំនួនអ្នកស្លាប់ក្នុងរយៈពេលជាង ៣ ខែនៃភ្លើងសង្គ្រាមរបស់អ៊ីស្រាអែលនៅលើតំបន់ហ្គាហ្សាបានឡើងដល់ ២៥,១០៥ នាក់ ។

ទន្ទឹមនោះ យ៉ាងហោចណាស់មនុស្ស ៦២,៦១៨ នាក់បានរងរបួស និងប្រហែល ៨៥ ភាគរយភាគរយនៃចំនួនប្រជាជនប៉ាឡេស្ទីនត្រូវបានផ្លាស់ទីលំនៅ ខណៈមនុស្សរាប់ពាន់នាក់ទៀតកំពុងជ្រកកោននៅក្នុងជំរំរបស់អង្គការសហប្រជាជាតិក្នុងស្ថានភាពដ៏អាក្រក់ ។

ពាក់ព័ន្ធនឹងបញ្ហានេះដែរ អគ្គលេខាធិការអង្គការសហប្រជាជាតិលោក Antonio Guterres បានថ្កោលទោសអ៊ីស្រាអែលចំពោះការសម្លាប់ជនស៊ីវិលប៉ាឡេស្ទីនដ៏ឃោឃៅនៅតំបន់ហ្គាហ្សា ។ លោកបាននិយាយនៅឯការបើកកិច្ចប្រជុំកំពូល G77+China នៅរដ្ឋធានី Kampala ប្រទេសអូហ្គង់ដាថា “ប្រតិបត្តិការយោធារបស់អ៊ីស្រាអែល បានបន្តបំផ្លិចបំផ្លាញធំទៅៗ និងបានសម្លាប់ជនស៊ីវិលក្នុងកម្រិតដែលមិនធ្លាប់មានពីមុនមកផងដែរ ចាប់តាំងពីលោកធ្វើជាអគ្គលេខាធិការ UN” ។

លោកបានប្រាប់សារព័ត៌មាន Al Jazeera ទៀតថា “ដំណោះស្រាយចំពោះជម្លោះរវាងអ៊ីស្រាអែល និងប៉ាឡេស្ទីន គឹការទទួលយកសិទ្ធិរបស់ប៉ាឡេស្ទីន និងការទទួលយកដំណោះស្រាយរដ្ឋពីរជាដើម” ។

គួរបញ្ជាក់ថា ការ​អះអាង​នេះ​កើតមាន​ឡើង​មួយ​ថ្ងៃ​ប៉ុណ្ណោះ បន្ទាប់​ពី​នាយក​រដ្ឋមន្ត្រី​អ៊ីស្រាអែលលោក Benjamin Netanyahu បាន​​ប្រឆាំង​ការបង្កើតរដ្ឋពីរ ហើយលោកបានប្តេជ្ញាបន្តការវាយលុករហូតទាល់តែកម្ចាត់បានក្រុមហាម៉ាស ខណៈអ៊ីស្រាអែលក៏បានបង្កើនការប្រយុទ្ធទៅលើកងកម្លាំងផ្សេងទៀតផងដែរ ដែលកាន់តែបង្កភាពតានតឹងនៅក្នុងតំបន់ ៕

អត្ថបទ ៖ ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ២ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ៥ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ៥ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ៥ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

Sokha Hotels

ព័ត៌មានពេញនិយម