ព័ត៌មានអន្ដរជាតិ

យន្តហោះក្រុមហ៊ុន Boeing ជាច្រើនគ្រឿង បានរកឃើញ កំពុងមានបញ្ហា

បានផុស

១ year មុន

នៅ

ថ្ងៃពុធ ២៤ មករា ២០២៤

ដោយ

មួយរយៈខ្លីចុងក្រោយនេះ គេកត់សម្គាល់ឃើញមានឧបទ្ទវហេតុផ្សេងៗកើតឡើងលើចំពោះយន្តហោះ នៃក្រុមហ៊ុនអាកាសចរណ៍មួយចំនួន ពិសេសកើតមានលើយន្តហោះប្រភេទ Boeing តែម្ដង ។ ដូច្នេះហើយទើកាលពីថ្ងៃទី ៥ ខែមករា កន្លងទៅនេះ រដ្ឋបាលអាកាសចរណ៍សហព័ន្ធអាមេរិក (FAA) បានហាមឃាត់ការហោះហើររបស់យន្តហោះ Boeing 737 MAX 9 ចំនួន ១៧១ គ្រឿង របស់ក្រុមហ៊ុន Alaska Airlines ដើម្បីត្រួតពិនិត្យឡើងវិញ ។

យន្តហោះក្រុមហ៊ុន Boeing រកឃើញមានបញ្ហាទ្វារ (រូបភាពពី Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្មីៗនេះ លោក Ben Minicucci នាយកប្រតិបត្តិនៃក្រុមហ៊ុនអាកាសចរណ៍ Alaska Airlines បានប្រាប់ សារព័ត៌មាន NBC ថា ក្រោយពីត្រួតពិនិត្យ បានរកឃើញថា មានយន្តហោះ Boeing 737 MAX 9 ជាច្រើនគ្រឿង មានបញ្ហារលុងវីស ជាពិសេសផ្នែកទ្វាររបស់វា។ ជាមួយគ្នានេះលោក Ben Minicucci បានអំពាវនាវឱ្យក្រុមហ៊ុន Boeing កែលម្អដំណើរការត្រួតពិនិត្យគុណភាពផ្ទៃក្នុងនៃយន្តហោះរបស់ខ្លួនឡើងវិញ ។

ជាមួយគ្នានេះផងដែរ ដោយសារតែកត្តាខាងលើ ទើបកាលពីពេលថ្មីៗនេះ ក្រុមហ៊ុន United Airlines ដែលជាអតិថិជនចាស់របស់ក្រុមហ៊ុន Boeing ពិបាកសម្រចចិត្ត និងពិចារណាឡើងវិញនូវគម្រោងបញ្ជាទិញរបស់ខ្លួនសម្រាប់យន្តហោះ 737 MAX 10 ដែលមានតម្លៃរាប់ពាន់លានដុល្លារ។

ទន្ទឹមគ្នានេះដែរ នៅថ្ងៃទី ២១ ខែមករា រដ្ឋបាលអាកាសចរណ៍សហព័ន្ធអាមេរិក (FAA) បានផ្តល់អនុសាសន៍ឱ្យក្រុមហ៊ុនអាកាសចរណ៍ពិនិត្យមើលទ្វារយន្តហោះ Boeing 737-900ER ឡើងវិញ ។ FAA បាននិយាយថា ក្រុមហ៊ុនអាកាសចរណ៍ជាច្រើនបានត្រួតពិនិត្យទ្វារយន្តហោះ 737-900ER ហើយជាលទ្ធផល បានរកឃើញបញ្ហាជាមួយនឹងវីសតែម្ដង ។

សូមរំឮកថា កាលពីថ្ងៃទី៥ ខែមករា កន្លងទៅនេះ មានករណីដ៏រន្ធត់មួយបានកើតឡើងនៅលើយន្តហោះ Boeing 737 MAX 9 របស់ក្រុមហ៊ុនអាកាសចរណ៍ Alaska Airlines ដោយយន្តហោះនេះបានរកឃើញរងសម្ពាធបរយាកាសយ៉ាងខ្លាំងអំឡុងពេលហោះហើរពាក់កណ្ដាលអាស ។ ឃើញដូចច្នេះ អាកាសយានិកបានធ្វើការចុះចតភ្លាមៗ ហើយអ្នកដំណើរចំនួន ១៧៧នាក់ មានសុវត្ថិភាព ៕

ប្រែសម្រួលដោយ÷ ប៉ោ កុសល

ប្រភព÷ Zingnews