Connect with us

ព័ត៌មានអន្ដរជាតិ

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

បានផុស

នៅ

ថ្ងៃព្រហស្បតិ៍ ទី២៥ ខែមករានេះ តំណាងរដ្ឋាភិបាលនៃប្រទេសសិង្ហបុរី និងប្រទេសចិនបានចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ថ្ងៃ ហើយកិច្ចព្រមព្រៀងនេះនឹងរៀបចំចូលជាធរមានចាប់ពីថ្ងៃទី ៩ ខែកុម្ភៈ ឆ្នាំ ២០២៤ ដែលជាថ្ងៃបុណ្យចូលឆ្នាំចិន។

នៅក្រោមកិច្ចព្រមព្រៀងនេះ ប្រជាជនសិង្ហបុរី និងចិន ដែលកាន់លិខិតឆ្លងដែនធម្មតាអាចចូលប្រទេសចិន ឬសិង្ហបុរីបានដោយមិនមានទិដ្ឋាការក្នុងរយៈពេលមិនលើសពី ៣០ ថ្ងៃ ប្រសិនបើពួកគេធ្វើដំណើរជាលក្ខណៈអាជីវកម្ម ដំណើរកម្សាន្ត សួរសុខទុក្ខសាច់ញាតិ ឬកិច្ចការឯកជនផ្សេងទៀត។ ហើយចំពោះអ្នកដែលមានគម្រោងធ្វើដំណើរជាលក្ខណៈការងារ យកព័ត៌មាន ឬស្នាក់នៅរយៈពេលលើសពី៣០ថ្ងៃ នៅតែត្រូវការទាមទារទិដ្ឋាការដដែល ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះដែរ អាជ្ញាធរអន្តោប្រវេសន៍ និងប៉ុស្តិ៍ត្រួតពិនិត្យរបស់សិង្ហបុរី (ICA) បានបញ្ជាក់ថា សម្រាប់អ្នកដំណើរដែលបានចំណាយប្រាក់ទៅលើដំណើរការរៀបចំទិដ្ឋាការពីមុនមកនោះ នឹងមិនមានវិធានការសង់ត្រឡប់ទៅវិញឡើយ ។

អាជ្ញាធរអន្តោប្រវេសន៍ និងប៉ុស្តិ៍ត្រួតពិនិត្យរបស់សិង្ហបុរី បានបន្ថែមទៀតថា កិច្ចព្រមព្រៀងលើកលែងទិដ្ឋាការរយៈពេល ៣០ ថ្ងៃទៅវិញទៅមកនេះ នឹងផ្តល់ ភាពងាយស្រួលកាន់តែច្រើនដល់ពលរដ្ឋសិង្ហបុរី និងចិន ដែលធ្វើដំណើរទៅកាន់ប្រទេសរបស់គ្នាទៅវិញទៅមកសម្រាប់អាជីវកម្ម និងការកម្សាន្ត ។ លើសពីនេះ វាក៏នឹងពង្រឹងទំនាក់ទំនងរវាងប្រជាជន និងប្រជាជនរបស់ពួកគេ លើកកម្ពស់ការយល់គ្នាទៅវិញទៅមក និងនាំមកនូវឱកាសសេដ្ឋកិច្ចកាន់តែច្រើនសម្រាប់ប្រជាជនសិង្ហបុរី និងចិន ៕

ប្រែសម្រួលដោយ៖ ប៉ោ កុសល
ប្រភព៖ CNA

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម