Connect with us

ព័ត៌មានអន្ដរជាតិ

ផ្ទុះហ្គាសក្នុងប្លុកផ្ទះល្វែងមួយកន្លែងនៅ កេនយ៉ា ស្លាប់ និងរបួសជាង ២២០ នាក់

បានផុស

នៅ

ហេតុការណ៍ផ្ទុះហ្គាសដ៏ធំមួយនៅរដ្ឋធានីណៃរ៉ូប៊ីប្រទេសកេនយ៉ា បានសម្លាប់មនុស្សយ៉ាងហោចណាស់ ២ នាក់ និងរបួសយ៉ាងតិច ២២២ នាក់ ។ នេះបើយោងតាមការចេញផ្សាយរបស់សារពត៌មាន BBC នៅថ្ងៃទី​២​ ខែកុម្ភៈនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមវីដេអូ​ដែល​បាន​បង្ហោះ​លើ​ប្រព័ន្ធ​ផ្សព្វផ្សាយ​សង្គម​បានបង្ហាញឲ្យឃើញ​ពី​ភ្លើង​ឆេះ​យ៉ាង​សន្ធោសន្ធៅ​នៅ​ជិត​ប្លុក​ផ្ទះល្វែង​ក្នុង​តំបន់ Embakasi ខណៈមនុស្សម្នាបានរត់ចាកចេញពីផ្ទះរបស់ពួកគេ ទៅរកកន្លែងមានសុវត្តិភាពទាំងភ័យរន្ធត់ ។

អ្នក​នាំពាក្យ​រដ្ឋាភិបាលលោក Isaac Mwaura ​បាន​និយាយ​ថា ធុង​ហ្គាស​ត្រូវបានដឹកជញ្ជូនទៅកាន់ប្លុកផ្ទះល្វែងនោះ ​នៅមុន​ពេលមាន​ភ្លើង​បាន​ឆាបឆេះ​កាលពី​ពាក់​កណ្តាល​អធ្រាត្រ​ថ្ងៃ​ព្រហស្បតិ៍ ។ អគ្គិភ័យនេះបានឆេះរាលដាល​យ៉ាង​សន្ធោសន្ធៅ ហើយបានបំផ្លាញឃ្លាំងសម្លៀកបំពាក់ និងវាយនភណ្ឌ រថយន្ត រួមទាំងអគារផ្ទះល្វែងជាច្រើនផងដែរ ដែលនាំឲ្យមានការភ័យខ្លាចថា ចំនួនអ្នកស្លាប់ និងរបួសអាចកើនឡើងបន្ថែមទៀត ខណៈមកដល់ពេលនេះមានអ្នករងរបួស និង រងផលប៉ះពាល់ផ្លូវដង្ហើមជាច្រើននាក់មកហើយ រួមទាំងកុមារយ៉ាងតិច ២៥ នាក់ផងដែរ ។

ពាក់ព័ន្ធនឹងបញ្ហានេះដែរ កាកបាទក្រហមកេនយ៉ាបាននិយាយនៅលើបណ្តាញសង្គមថា ក្រុមអ្នក​ពន្លត់​អគ្គិភ័យ​ជាច្រើននាក់ត្រូវបានបញ្ចូនទៅ​កន្លែង​កើត​ហេតុ​ដើម្បីប្រតិបត្តិការពន្លត់ និងជួយសង្គ្រោះជនរងគ្រោះយ៉ាងសស្រាក់សស្រាំ ។

ស្របពេលជាមួយគ្នានេះ ប្រជាជនកេនយ៉ាក៏ត្រូវបានណែនាំឲ្យនៅឆ្ងាយពីតំបន់កើតហេតុនេះ ដើម្បីផ្ដល់ភាពងាយស្រួលដល់បេសកកម្មជួយសង្គ្រោះ ខណៈមកដល់ពេលនេះមូលហេតុពិតប្រាកដនៃការផ្ទុះមិនទាន់ត្រូវគេដឹងនៅឡើយនោះទេ ៕

អត្ថបទ ៖ ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣៣ នាទី មុន

អ្នកវិទ្យាសាស្រ្តរកឃើញថ្នាំ ជួយអ្នកខ្ជិលហាត់ប្រាណ ឲ្យឡើងសាច់ដុំដូចគេដូចឯង

ព័ត៌មានជាតិ៤០ នាទី មុន

រដ្ឋបាលខេត្តបាត់ដំបងត្រៀមរៀបចំព្រឹត្តិការណ៍សង្ក្រាន្តរយៈពេល ៥ ថ្ងៃ

ព័ត៌មានអន្ដរជាតិ៦ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ១០ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ១០ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

Sokha Hotels

ព័ត៌មានពេញនិយម