Connect with us

ព័ត៌មានអន្ដរជាតិ

ប្រេស៊ីលបញ្ឈប់ការនាំចូលត្រីទីឡាព្យាពីវៀតណាម ដោយសាររកឃើញហានិភ័យឆ្លងនៃវីរុសដ៏សាហាវមួយ

បានផុស

នៅ

ប្រទេសប្រេស៊ីលបានបញ្ឈប់ការនាំចូលត្រីទីឡាព្យា ពីប្រទេសវៀតណាម ដោយសារតែរកឃើញហានិភ័យនៃជំងឺបង្កឡើងដោយមេរោគ Tilapia Lake Virus (TiLV) ដែលជាមេរោគបង្កជំងឺដ៏កាចសាហារនៅក្នុងត្រីនេះ។ នេះបើយោងតាមការផ្សាយពី Zingnews សារព័ត៌មានមានដ៏ធំរបស់វៀតណាម នៅរាត្រីថ្ងៃទី២១ ខែកុម្ភៈ ។

រូបថត÷ Zingnews
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពបានឱ្យដឹងទៀតថា ភ្នាក់ងារសត្វ និងរុក្ខជាតិ ក្រសួងកសិកម្ម និងបសុសត្វប្រេស៊ីល (MAPA) ប្រេស៊ីល បានប្រកាសបញ្ឈប់ការនាំចូលប្រភេទត្រីខាងលើ តាំងពីថ្ងៃទី១៤ ខែកុម្ភៈ មកម្ល៉េះ ហើយនៅថ្ងៃទី២១ ទើបនាយកដ្ឋានអភិវឌ្ឍន៍គុណភាព កែច្នៃ និងទីផ្សារ ប្រទេសវៀតណាម បានចេញសេចក្ដីប្រកាស និងផ្តល់អនុសាសន៍ដល់ រោងចក្រកែច្នៃអាហារសមុទ្រ បញ្ឈប់ការនាំចេញត្រីទីឡាព្យាទៅកាន់ទីផ្សារប្រេស៊ីល រហូតដល់ថ្ងៃណាដែលមានការប្រកាសឡើងវិញនូវការរកឃើញហានិភ័យនៃជំងឺដែលបង្កឡើងដោយមេរោគ TiLV ជាក់លាក់។ទន្ទឹមនឹងនេះ នាយកដ្ឋានអភិវឌ្ឍន៍គុណភាព កែច្នៃ និងទីផ្សារបានណែនាំថា ចំពោះគ្រឿងបរិក្ខារកែច្នៃអាហារសមុទ្រក្នុងបញ្ជីនាំចេញទៅកាន់ប្រទេសប្រេស៊ីល ចាំបាច់ត្រូវធ្វើបច្ចុប្បន្នភាព ស្រាវជ្រាវ និងរៀបចំការអនុវត្តត្រឹមត្រូវនៃបទប្បញ្ញត្តិក្នុងដំណើរការផលិត និងកែច្នៃផលិតផលសមុទ្រ និងជលផល។

មេរោគបង្កជំងឺ TiLV ត្រូវបានរកឃើញដំបូងនៅក្នុងប្រទេសអ៊ីស្រាអែល ក្នុងឆ្នាំ ២០១៤ នៅក្នុងត្រីទីឡាព្យា ។ TiLV ជាជំងឺដ៏គ្រោះថ្នាក់មួយ ហើយនៅពេលដែលវារីករាលដាលយ៉ាងឆាប់រហ័ស និងខ្លាំងក្លារ អាចបណ្តាលឱ្យមានការខាតបង់យ៉ាងខ្លាំងដល់ផលិតកម្ម និងសេដ្ឋកិច្ចរបស់បសុសត្វ។ ជាងនេះទៅទៀតសម្រាប់ កសិករ នឹងប៉ះពាល់ដល់បរិស្ថានរស់នៅ។

យោងតាមសមាគមអ្នកនាំចេញ និងផលិតអាហារសមុទ្រវៀតណាម (Vasep) បាននិយាយថា ការនាំចេញត្រីទីឡាព្យារបស់វៀតណាមក្នុងឆ្នាំ ២០២៣ មានទំហំទឹកប្រាក់ជាង ៦ លានដុល្លារអាមេរិក ពោលគឺធ្លាក់ចុះ ៤២% បើធៀបនឹងឆ្នាំ ២០២២។

សូមជម្រាបផងដែរថា ត្រីទីឡាព្យា គឺជាប្រភេទកសិកម្មដែលរីកលូតលាស់យ៉ាងឆាប់រហ័សជាមួយនឹងការបង្កើនផលិតកម្ម។ បច្ចុប្បន្នផលិតផលត្រីទីឡាព្យាដែលមានប្រភពមកពីប្រទេសចិន និងតៃវ៉ាន់កំពុងគ្របដណ្តប់ទីផ្សារពិភពលោក។ បើទោះបីជាការនាំចេញត្រីទីឡាព្យាពីវៀតណាមនៅតែមានកម្រិតតិចតួច ប៉ុន្តែវាក៏មាននិន្នាការរីកចម្រើនជាវិជ្ជមានក្នុងរយៈពេលប៉ុន្មានឆ្នាំចុងក្រោយនេះ ៕

ប្រែសម្រួលដោយ÷ ប៉ោ កុសល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ៣ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ៣ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៣ ម៉ោង មុន

ក្រុមហ៊ុន​ អ៊ីអនម៉ល ៖ គ្មានការសាងសង់ផ្សារទំនើបអ៊ីអន៤ នៅខណ្ឌកំបូល ដូចការចុះផ្សាយព័ត៌មានឡើយ  

ជីវិតកម្សាន្ដ៣ ម៉ោង មុន

ឃុំ ប៉ុណ្ណាដែត ស្នើមន្ត្រីចរាចរណ៍ប្រកាន់ភ្ជាប់សុជីវធម៌-ក្រមសីលធម៌ ដើម្បីជាគំរូចំពោះប្រជាពលរដ្ឋ

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

កីឡា២ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

Sokha Hotels

ព័ត៌មានពេញនិយម