ព័ត៌មានអន្ដរជាតិ
សំណើដោះដូរចំណាប់ខ្មាំងអ៊ីស្រាអែល និងអ្នកទោសប៉ាឡេស្ទីន បានទៅដល់ដៃក្រុមហាម៉ាស ហើយ
យោងតាមសេចក្តីរាយការណ៍របស់ Reuters នៅថ្ងៃអង្គារទី២៧ខែកុម្ភៈ, សំណើដោះដូរចំណាប់ខ្មាំងអ៊ីស្រាអែល ដែលឃុំខ្លួននៅតំបន់ហ្គាហ្សា ជាមួយអ្នកទោសប៉ាឡេស្ទីន គឺត្រូវបានបញ្ជូនទៅដល់ដៃក្រុមហាម៉ាសរួចហើយ។
សេចក្តីរាយការណ៍ខាងលើកើតឡើង បន្ទាប់ពីមានកិច្ចចរចាជាអន្តរជាតិរយៈពេលច្រើនថ្ងៃនៅទីក្រុងប៉ារីសនៃប្រទេសបារាំង។ ក្នុងកិច្ចប្រជុំនោះ តំណាងមកពីប្រទេសអ៊ីស្រាអែល សហរដ្ឋអាមេរិក អេហ្ស៊ីប និងកាតា បានខិតខំយ៉ាងខ្លាំង ដើម្បីធ្វើយ៉ាងណាបង្កើតកិច្ចព្រមព្រៀងសម្រាប់បទឈប់បាញ់បណ្តោះអាសន្ន ឲ្យចេញជារូបរាងឲ្យទាល់តែបាន។
ប្រភពគួរឲ្យទុកចិត្តបានមួយ ប្រាប់ទៅទីភ្នាក់ងារសារព័ត៌មាន Reuters ថា សំណើនេះបានដាក់លក្ខខណ្ឌថា រាល់ស្ត្រីជនជាតិអ៊ីស្រាអែល មនុស្សអាយុក្រោម១៩ឆ្នាំ ចំណាប់ខ្មាំងវ័យចំណាស់និងមានជំងឺ គួរតែត្រូវបានដោះលែង ជាថ្នូរនឹងអ្នកទោសប៉ាឡេស្ទីនមួយចំនួនដែរ។
លើសពីនេះ សំណើខាងលើថែមទាំងទាមទារឲ្យមានការប្តេជ្ញាចិត្ត បើកផ្លូវឲ្យរថយន្តជំនួយចំនួន៥០០គ្រឿង ចូលទៅក្នុងតំបន់ហ្គាហ្សាជារៀងរាល់ថ្ងៃ ទៀតផង។
សេចក្តីរាយការណ៍នេះ ក៏កើតឡើងផងដែរ បន្ទាប់ពីប្រធានាធិបតីអាមេរិកលោក ចូ បៃដិន បង្ហាញក្តីសង្ឃឹមថា បទឈប់បាញ់រវាងអ៊ីស្រាអែលនិងក្រុមហាម៉ាស នឹងសម្រេចបាននៅត្រឹមចុងសប្តាហ៍នេះ។
ក្នុងដំណើរមិនប្រកាសជាមុនទៅហាងការ៉េម Van Leeuwen នៅទីក្រុងញូវយ៉ក លោក បៃដិន និយាយថា “បុណ្យរ៉ាម៉ាឌននឹងមកដល់ ហើយមានកិច្ចព្រមព្រៀងដោយអ៊ីស្រាអែលដែលថា ពួកគេនឹងមិនចូលរួមក្នុងសកម្មភាពណាមួយឡើយ អំឡុងពិធីបុណ្យរ៉ាម៉ាឌន ដើម្បីទុកពេលឲ្យចំណាប់ខ្មាំងទាំងអស់ត្រូវដោះលែង”។
សូមបញ្ជាក់ជាថ្មី អ៊ីស្រាអែលនិងក្រុមហាម៉ាស បានច្បាំងគ្នានៅហ្គាហ្សា ចាប់តាំងពីខ្មាន់កាំភ្លើងមកពីក្រុមសកម្មប្រយុទ្ធប៉ាឡេស្ទីន សម្រុកចូលភាគខាងត្បូងប្រទេសអ៊ីស្រាអែល កាលពីថ្ងៃទី៧ខែតុលា ដោយសម្លាប់មនុស្សប្រមាណ១២០០នាក់ និងចាប់២៥៣នាក់ទៀត ជាចំណាប់ខ្មាំង។ ជាការសងសឹក អ៊ីស្រាអែល បានផ្តើមយុទ្ធនាការយោធាទ្រង់ទ្រាយធំ សម្លាប់ប្រជាជនប៉ាឡេស្ទីនជិត៣០០០០នាក់៕
អត្ថបទ៖ សុខ សុវណ្ណ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ