Connect with us

ព័ត៌មានអន្ដរជាតិ

អាមេរិក និងប្រទេសភូមិផងរបងជាមួយ ២ ទៀត ពង្រឹងកិច្ចសហប្រតិបត្តិ​ការជនចំណាកស្រុកខុសច្បាប់

បានផុស

នៅ

សហរដ្ឋអាមេរិក ម៉ិកស៊ិក និងហ្គាតេម៉ាឡា កាលពីថ្ងៃពុធបានសន្យានឹងពង្រឹងកិច្ចសហប្រតិបត្តិការរបស់ពួកគេដើម្បីដោះស្រាយការធ្វើចំណាកស្រុកខុសច្បាប់ បន្ទាប់ពីកិច្ចចរចាថ្នាក់រដ្ឋមន្ត្រីជុំទី ១ នៅទីក្រុងវ៉ាស៊ីនតោនឌីស៊ី ដោយសារបញ្ហាចំណាកស្រុកតាមព្រំដែននៅតែបន្តកើតមានទ្រង់ទ្រាយធំលើនយោបាយរបស់អាមេរិក ។ នេះបើយោងតាមការចេញផ្សាយរបស់សារពត៌មាន CNN នៅថ្ងៃទី២៩ ខែកុម្ភៈនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសេចក្តីថ្លែងការណ៍រួមមួយ បន្ទាប់ពីកិច្ចពិភាក្សានោះ ប្រទេសទាំងបីបាននិយាយថា ពួកគេបានប្តេជ្ញាបង្កើតក្រុមការងារត្រីភាគីផ្តោតលើប្រតិបត្តិការដើម្បីកែសម្រួលសន្តិសុខ ដំណើរការអនុវត្តច្បាប់ និងហេដ្ឋារចនាសម្ព័ន្ធនៅតាមព្រំដែនអន្តរជាតិរបស់ពួកគេ ជាពិសេសអាជ្ញាធរអនុវត្តច្បាប់មកពីប្រទេសទាំងបីនឹងធ្វើការរួមគ្នាដើម្បីកំណត់គម្លាតសុវត្ថិភាព ចែករំលែកព័ត៌មាន និងបង្កើតផែនការប្រតិបត្តិការសម្របសម្រួល ។

កិច្ចពិភាក្សាថ្នាក់រដ្ឋមន្ត្រីកាលពីថ្ងៃពុធ គឺជាជុំចុងក្រោយនៃកិច្ចពិភាក្សាស្តីពីការធ្វើចំណាកស្រុក ហើយវាកើតឡើងមួយថ្ងៃ មុនពេលដែលទាំងប្រធានាធិបតី Joe Biden និងអតីតប្រធានាធិបតី Donald Trump គ្រោងនឹងទៅបំពេញទស្សនកិច្ចនៅព្រំដែនភាគខាងត្បូង ខណៈដែលបញ្ហានេះនៅតែស្ថិតក្នុងការយកចិត្តទុកដាក់យ៉ាងខ្លាំងសម្រាប់ការបោះឆ្នោតឆ្នាំ ២០២៤ ស្របពេលដែលលោក Biden ក៏កំពុងពិចារណាលើសកម្មភាពប្រតិបត្តិការដើម្បីរឹតបន្តឹងលើជនចំណាកស្រុកដែលស្វែងរកសិទ្ធិជ្រកកោននៅព្រំដែនភាគខាងត្បូងសហរដ្ឋអាមេរិក ប្រសិនបើពួកគេឆ្លងចូលខុសច្បាប់ ។

ទន្ទឹមនោះ ខ្លឹមសារនៃកិច្ចប្រជុំនេះផ្តោតលើវិស័យសំខាន់ៗមួយចំនួនរួមទាំង តម្រូវការក្នុងការបង្កើនកិច្ចខិតខំប្រឹងប្រែងរួមគ្នាដែលសម្របសម្រួលលើការគ្រប់គ្រង និងការអនុវត្តតំបន់ព្រំដែនប្រកបដោយមនុស្សធម៌ រួមទាំងនៅព្រំដែនសហរដ្ឋអាមេរិក-ម៉ិកស៊ិក និងម៉ិកស៊ិក-ហ្គាតេម៉ាឡា ដោយប្តេជ្ញាចែករំលែកទិន្នន័យអំពីលំហូរនៃការធ្វើចំណាកស្រុកផងដែរ ។

គួរបញ្ជាក់ថា ប្រទេសទាំងបីក៏បានពិភាក្សាអំពីកិច្ចខិតខំប្រឹងប្រែងដើម្បីប្រយុទ្ធប្រឆាំងនឹងការជួញដូរមនុស្ស និងសារៈសំខាន់នៃកម្មវិធីទប់ស្កាត់ការជួញដូរមនុស្សផងដែរ ហើយថែមទាំងបានប្តេជ្ញាពង្រឹងកិច្ចខិតខំប្រឹងប្រែងអនុវត្តច្បាប់រួមគ្នា រួមទាំងតាមរយៈការបង្កើនការចែករំលែកព័ត៌មាន និងធ្វើការរួមគ្នាដើម្បីស៊ើបអង្កេត ក៏ដូចជាកាត់ទោសបណ្តាញជួញដូរមនុស្ស និងបណ្តាញរត់ពន្ធជនចំណាកស្រុកផងដែរ ៕

អត្ថបទ ៖ ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ១ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ២ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ២ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៤ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម