ព័ត៌មានអន្ដរជាតិ
ស្ថានីយ៍អវកាសអន្តរជាតិបញ្ជូនទាំងអ្នកជំនាញ អាមេរិក និងរុស្ស៊ី ទៅទីលំហ
ស្ថានីយ៍អវកាសអន្តរជាតិ (ISS) ថ្មីៗនេះបានបាញ់បញ្ជូនយានកាំជ្រួច Space X មួយគ្រឿងដែលផ្ទុកអវកាសយានិក ៤ នាក់ រួមមានសញ្ជាតិអាមេរិក ៣ នាក់ និងរុស្ស៊ីម្នាក់ចេញពីមជ្ឈមណ្ឌលលំហអវកាស Kennedy រដ្ឋ Florida សហរដ្ឋអាមេរិកឆ្ពោះទៅកាន់ទីតាំងស្ថានីយ៍របស់ ISS ដែលស្ថិតក្នុងគន្លងទីលំហ ។
![](https://www.kampucheathmey.com/wp-content/uploads/2024/03/Space1.jpg)
ប្រភពព័ត៌មានពី BBC បានឲ្យដឹងថា អវកាសយានិកទាំង ៤ រូបនឹងបំពេញបេសកកម្មរបស់ខ្លួនលើលំហរយៈពេល ៦ ខែ ហើយក្នុងកិច្ចការស្រាវជា្រវពិសោធលើលំហអវកាសនេះ គឺមិនមានជាប់ពាក់ព័ន្ធនឹងនិន្នាការនយោបាយនោះឡើយ ពោលគឺទាំងអាមេរិក និងរុស្ស៊ីសហការគ្នាយ៉ាងជិតស្និទ្ធក្នុងកិច្ចការរួម ។
សម្រាប់អ្នកអវកាសទាំង ៤ រូបបានហោះចេញពីផែនដីនាវេលាម៉ោង ១០ និង ៥៣ នាទីព្រឹកថ្ងៃចន្ទដោយជោគជ័យនៅលើកទី ២ ពោលគឺនៅក្រោយពីការបាញ់បង្ហោះយាននៅលើកទីមួយ មិនអាចដំណើរការបាន ដោយសារខ្យល់បក់ខ្លាំង ។
![](https://www.kampucheathmey.com/wp-content/uploads/2024/03/Space3.jpg.png)
អ្នកអវកាសទាំង ៤ នាក់រួមមានលោក Matthew Dominick ជាប្រធានក្រុមដឹកនាំបេសកកម្ម ជាមួយអវកាសយានិកអាមេរិក ២ រូបទៀតគឺ Michael Barratt ជាវេជ្ជបណ្ឌិតប្រចាំការព្យាបាល និង Jeanette Epps ក៏ដូចជាអ្នកអវកាសរុស្ស៊ី Alexander Grebenkin ។ សម្រាប់អវកាសយានិកទាំង ៣ រូប គឺជាបទពិសោធលើកទី ១ ហើយទៅទីអវកាស លើកលែងតែលោក Michael Barratt ជាវេជ្ជបណ្ឌិត ជាបទពិសោធលើកទី ៣ របស់លោកទៅទីលំហ ។
ដោយឡែកសម្រាប់បេសកកម្មខាងលើនេះ អ្នកអវកាសទាំង ៤ នឹងបំពេញការងារស្រាវជ្រាវពិសោធរួមមាន ការបណ្តុះកោសិកាចម្លងសប្បនិម្មិតរបស់មនុស្សដើម្បីសិក្សាពីជំងឺ ឬភាពប្រក្រតីណាមួយនៃរាងកាយដែលមិនដំណើរការនៅក្នុងបរិស្ថានដែលមានទំនាញផែនដីតិចតួច ។
គួររំឭកដែរថា ស្ថានីយ៍អវកាសអន្តរជាតិ ISS ជាស្ថានីយ៍ទីតាំងលើលំហដែលជាកិច្ចសហប្រត្តិការរួមជាអន្តរជាតិនៃរដ្ឋាភិបាលប្រទេសធំៗនៅលើពិភពលោក ។ ស្ថានីយ៍អន្តរជាតិនេះគ្រប់គ្រង និងថែរក្សាដោយទីភ្នាក់ងារអវកាសនៃបណ្តាប្រទេសរួមមានសហរដ្ឋអាមេរិក រុស្ស៊ី ជប៉ុន កាណាដា និងបណ្តាប្រទេសអឺរ៉ុបមួយចំនួនផងដែរ ៕
![](https://www.kampucheathmey.com/wp-content/uploads/2024/03/Cosmic_pearl_pillars.jpg)
ដោយ៖ មាន រតនា
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៧ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ