Connect with us

ព័ត៌មានអន្ដរជាតិ

អត្រាអាពាហ៍ពិពាហ៍នៅចិន ហក់ឡើងវិញ, ឆ្នាំមុនមានអ្នករៀបការ ៧.៦៨លានគូ

បានផុស

នៅ

តាមសេចក្តីរាយការណ៍របស់​ South China Morning Post នៅថ្ងៃចន្ទទី១៨ខែមីនា, ចំនួនអ្នករៀបអាពាហ៍ពិពាហ៍ថ្មីថ្មោង នៅប្រទេសចិនក្នុងឆ្នាំ២០២៣ បានកើនឡើង១២.៤% បើធៀបនឹងឆ្នាំ២០២២។

(រូបថត៖ AFP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការស្ទុះងើបឡើងនៃអត្រារៀបអាពាហ៍ពិពាហ៍នេះ ត្រូវបានគេចង្អុលចំៗថា គឺបណ្តាលមកពីវិបត្តិជំងឺរាតត្បាតកូវីដ១៩ ធូរស្រាល ធ្វើឲ្យយុវជនលែងពន្យារពេលរៀបការទៀត។

ក្រោយការធ្លាក់ចុះអស់រយៈពេលជិតមួយទសវត្សរ៍ ពេលនេះចំនួនគូស្វាមីភរិយាថ្មីថ្មោង បានកើនឡើងដល់៧.៦៨លានគូកាលពីឆ្នាំមុន ពោលគឺកើនឡើង ៨៤៥ ០០០គូ ពីតួលេខឆ្នាំ២០២២ ប៉ុន្តែនៅតែទាបជាងកម្រិតកំពូលក្នុងឆ្នាំ២០១៣ ដែលពេលនោះមានគូស្វាមីភរិយាចំនួន១៣.៤៧លានគូ បានរៀបការ។

(រូបថត៖ Republic)

ទិន្នន័យនេះ កើតឡើងបន្ទាប់ពីនាយករដ្ឋមន្ត្រីចិនលោក Li Qiang សន្យាក្នុងខែមីនាថា រដ្ឋាភិបាលនឹងធ្វើការឆ្ពោះទៅរកសង្គមមួយដែលងាយនឹងបង្កកំណើតកូន ហើយលើកកម្ពស់ការអភិវឌ្ឍប្រជាជនប្រកបដោយតុល្យភាពនិងយូរអង្វែង ក៏ដូចជាកាត់បន្ថយថ្លៃចំណាយលើការសម្រាលកូន ឪពុកម្តាយ និងការអប់រំ ទៀតផង។

ស្របពេលជាមួយគ្នានោះដែរ ក្រុមអ្នកបង្កើតគោលនយោបាយ ក៏កំពុងដោះស្រាយបញ្ហា ដោយព្យាយាមធ្វើយ៉ាងណា ដើម្បីទប់ស្កាត់ការធ្លាក់ចុះចំនួនប្រជាជន ព្រោះថាអត្រាកំណើតកំពុងធ្លាក់ចុះទៅៗ ហើយមិនយូរទេ សង្គមចិន នឹងសម្បូរទៅដោយមនុស្សចាស់។

(រូបថត៖ China Daily)

ជនជាតិចិនប្រហែល៣០០លាននាក់ ត្រូវបានគេរំពឹងថានឹងចូលនិវត្តន៍ក្នុងទសវត្សរ៍ខាងមុខនេះ ដែលបើប្រៀបធៀបទៅ ចំនួននេះ គឺសឹងតែស្មើនឹងចំនួនប្រជាជនសហរដ្ឋអាមេរិកទាំងមូលទៅហើយ។

សូមបញ្ជាក់ ចំនួនប្រជាជនរបស់ប្រទេសចិន បានធ្លាក់ចុះជាលើកទីពីរជាប់ៗគ្នាក្នុងឆ្នាំ២០២៣ដោយសារអត្រាកំណើតទាប និងអត្រាមរណភាពព្រោះជំងឺរាតត្បាតកូវីដ១៩ ជាហេតុបង្កផលប៉ះពាល់រយៈពេលយូរដល់កំណើនសេដ្ឋកិច្ច៕

អត្ថបទ៖ សុខ សុវណ្ណ

ចុចអាន៖ ពិធីមង្គលការ ហ៊ិន ច័ន្ទនីរ័ត្ន និងស្វាមី រៀបចំយ៉ាងប្រណិត ក្រោមវត្តមានដ៏ខ្ពង់ខ្ពស់ សម្តេចតេជោ ហ៊ុន សែន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ នាទី មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង៤១ នាទី មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៣ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

ព័ត៌មានជាតិ៣ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានអន្ដរជាតិ៤ ម៉ោង មុន

អាមេរិក ជប៉ុន និងកូរ៉េខាងត្បូង រួមដៃគ្នាធ្វើកិច្ចសហប្រតិបត្តិការដោះស្រាយ​ការបាញ់មីស៊ីលរបស់ កូរ៉េខាងជើង

Sokha Hotels

ព័ត៌មានពេញនិយម