ព័ត៌មានអន្ដរជាតិ

ស្ដេចថ្មី ម៉ាឡេស៊ី ក្លាយជាម្ចាស់ដំបូងគេ ដែលទិញរថយន្តថ្លៃបំផុតរបស់ ចិន

បានផុស

២ years មុន

នៅ

ថ្ងៃអង្គារ ១៦ មេសា ២០២៤

ដោយ

ក្សត្រស៊ុលតង់ថ្មីនៃប្រទេសម៉ាឡេស៊ីមកពីរដ្ឋ Johor និងជាមហាសេដ្ឋីដ៏មានឥទ្ធិពលបានក្លាយជាម្ចាស់រថយន្តឯកជនដំបូងគេរបស់ពិភពលោកនៃរថយន្ត Hongqi L5 ដែលជារថយន្តប្រណីត និងថ្លៃបំផុតរបស់ប្រទេសចិន។ នេះបើយោងតាមកាសែត The Straits Times បានរាយការណ៍កាលពីថ្ងៃទី១៥ ខែមេសា ឆ្នាំ២០២៤។

**ក្សត្រស៊ុលតង់ Ibrahim ជាមួយនឹងរថយន្ត Hongqi L5**

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងកិច្ចប្រជុំជាមួយឯកអគ្គរដ្ឋទូតចិនប្រចាំប្រទេសម៉ាឡេស៊ី Ouyang Yujing កាលពីថ្ងៃទី១២ ខែមេសា ព្រះមហាក្សត្របានបង្ហាញនូវយានជំនិះចុងក្រោយបង្អស់របស់ទ្រង់។ រថយន្តមួយនេះផលិតដោយ FAW Group តាំងពីឆ្នាំ ២០១៣, L5 តំណាងឲ្យកំពូលនៃភាពប្រណិតនៃការរចនារថយន្តរបស់ចិន ជាមួយនឹងតម្លៃប្រាំលានយន់ (៧០៣,០០០ ដុល្លារអាមេរិក)។ ជាពិសេសទៀតនោះ ដោយមានការអបអរសាទរចំពោះសិល្បៈហត្ថកម្មដ៏ល្អឥតខ្ចោះ និងបច្ចេកវិជ្ជាទំនើបរបស់វា រថយន្តនេះឈរជាសក្ខីភាពនៃឋានៈដ៏មានកិត្យានុភាពដ៏អស្ចារ្យមួយ។

លើសពីនេះទៀត ស្តេច Sultan Ibrahim Iskandar បានបង្ហោះរូបភាពរបស់ទ្រង់ក្នុងរយន្តទៅកាន់ប្រព័ន្ធផ្សព្វផ្សាយសង្គម ដើម្បីរំលេចការសន្ទនាប្រកបដោយផលិតភាពរវាងម៉ាឡេស៊ី និងចិន ដោយបានគូសបញ្ជាក់ពីសារៈសំខាន់នៃការរក្សាទំនាក់ទំនងទ្វេភាគីឲ្យកាន់តែរឹងមាំ។

ក្នុងនោះថែមទៀត ក្សត្ររបស់ប្រទេសម៉ាឡេស៊ី បានមានព្រះបន្ទូលនៅក្នុងការធ្វើបច្ចុប្បន្នភាពប្រព័ន្ធផ្សព្វផ្សាយសង្គមកាលពីថ្ងៃទី ១២ ខែមេសាថា “ប្រទេសចិនកាន់កាប់ទីតាំងសំខាន់ជាមហាអំណាចសេដ្ឋកិច្ចពិភពលោក និងជាដៃគូពាណិជ្ជកម្មដ៏សំខាន់សម្រាប់ម៉ាឡេស៊ី” ។

ទោះយ៉ាងណាក៏ដោយ នេះមិនមែនជាលើកទីមួយនោះទេ សម្រាប់ក្សត្រស៊ុលតង់ថ្មីនៃប្រទេសម៉ាឡេស៊ីមកពីរដ្ឋ Johor អង្គនេះ។ កាលពី២៤ ខែកុម្ភៈ ២០២៤ ទ្រង់បានទិញស្លាកលេខរថយន្តពិសេស GOLD 1 ក្នុងតម្លៃ ១.៥ លានរីងហ្គីត (៣១៤,៧០០ ដុល្លារអាមេរិក) ជាចំនួនខ្ពស់បំផុតមិនធ្លាប់មាន ដែលបានចំណាយសម្រាប់ស្លាកលេខនៅក្នុងប្រទេសថែមទៀតផង៕