សហរដ្ឋអាមេរិក ក្លាយជាប្រទេសដំបូងគេ មានអ្នកស្លាប់ដោយសារកូវីដលើសកន្លះលាននាក់ – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានអន្ដរជាតិ

សហរដ្ឋអាមេរិក ក្លាយជាប្រទេសដំបូងគេ មានអ្នកស្លាប់ដោយសារកូវីដលើសកន្លះលាននាក់

Published

on

ចំនួនអ្នកស្លាប់ដោយសារជំងឺកូវីដ១៩នៅសហរដ្ឋអាមេរិក បានកើនលើស៥០០,០០០នាក់ហើយ បន្ទាប់ពីជំងឺរាតត្បាតនេះចូលវាយលុកមិនដល់រយៈពេលមួយឆ្នាំផង។ 

តួលេខនេះបានធ្វើឲ្យសហរដ្ឋអាមេរិក ក្លាយជាប្រទេសដំបូងគេ ដែលមានអ្នកស្លាប់ដោយសារជំងឺកូវីដ១៩ លើសកន្លះលាននាក់។

សហរដ្ឋអាមេរិក បានកត់ត្រាចំនួនអ្នកស្លាប់ខ្ពស់បំផុតដោយសារវីរុសកូរ៉ូណានៅលើពិភពលោក។ ខ្លួនមានតួលេខអ្នកស្លាប់លើសប្រទេសលេខ២គឺ ប្រេស៊ីលរហូតដល់ទៅទ្វេដង។ គិតត្រឹមថ្ងៃទី២២ខែកុម្ភៈម្សិលមិញនេះ ប្រេស៊ីលមានអ្នកស្លាប់ជាង២៤៦,០០០នាក់។

យោងតាមអ្នកតាមដានរបស់សាកលវិទ្យាល័យ Johns Hopkins សហរដ្ឋអាមេរិក បានរកឃើញថា សហរដ្ឋអាមេរិក មានករណីឆ្លងវីរុសនេះច្រើនជាង២៨លានករណី ចាប់តាំងពីវីរុសត្រូវបានរកឃើញដំបូងនៅក្នុងប្រទេសចិន កាលពីខែធ្នូឆ្នាំ២០១៩។

សេចក្តីរាយការណ៍ដំបូងនៃការស្លាប់ដោយសារជំងឺកូវីដ១៩នៅសហរដ្ឋអាមេរិក គឺជាអ្នករស់នៅរដ្ឋវ៉ាស៊ីនតោនក្នុងវ័យ៥០ឆ្នាំ កាលពីថ្ងៃទី២៩ខែកុម្ភៈឆ្នាំ២០២០ ដែលជាហេតុជំរុញឲ្យរដ្ឋនេះប្រកាសអាសន្ន។

នៅពេលដែលអង្គការសុខភាពពិភពលោក ប្រកាសពីជំងឺរាតត្បាតនៅថ្ងៃទី១១ខែមីនា មានតែជនជាតិអាមេរិកមួយចំនួនតូចប៉ុណ្ណោះ ដែលត្រូវបានរាយការណ៍ថា ស្លាប់ដោយសារវីរុសនេះ។

រលកនៃវិធានការរឹតត្បិតនិងសុវត្ថិភាព បានចាប់ផ្តើមពីខែមីនាប៉ុន្តែ មានរដ្ឋជាច្រើនបានបន្ធូរបន្ថយការរឹតបន្តឹងនៅត្រឹមខែមិថុនា។

ករណីឆ្លងនិងស្លាប់បានកើនឡើងជាថ្មីម្តងទៀតចាប់ពីខែតុលា ចំពេលមានការជជែកដេញដោលគ្នាជាសាធារណៈជុំវិញវិធានការនានា ដូចជាអាណត្តិពាក់ម៉ាស់និងការបិទអាជីវកម្មជាដើម។

មានជនជាតិអាមេរិកប្រមាណ២៥០,០០០នាក់ បានស្លាប់ដោយសារវីរុសនេះគិតត្រឹមថ្ងៃទី១៨ខែវិច្ឆិកា។ វាបានចំណាយពេលត្រឹមតែ៣ខែប៉ុណ្ណោះ ដែលធ្វើឲ្យតួលេខនេះកើនឡើងទ្វេដង៕

ប្រែសម្រួលដោយ៖ Vann Vann

ប្រភព៖ Business Insider

ចុចអាន៖ រាជរដ្ឋាភិបាល​​សម្រេច​បិទសាលារៀន​​ នៅ​ភ្នំពេញ​ និង​ខេត្តកណ្តាល​ពីរ​សប្តាហ៍

ចុចអាន៖ យោធិន​​ពាក់ព័ន្ធ​ក្នុង​ព្រឹត្តិការណ៍ “​សហគមន៍​២០​កុម្ភៈ​” ត្រូវយក​សំណាក និង​ធ្វើ​ច​ត្តា​ឡី​ស័ក​ទាំងអស់​​​

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services