Connect with us

ព័ត៌មានអន្ដរជាតិ

ប្រទេសលោកខាងលិច​ បង្កើនសម្ពាធលើយោធាមីយ៉ាន់ម៉ា

បានផុស

នៅ

សហភាពអ៊ឺរ៉ុបបាននិយាយថា ខ្លួនកំពុងពិចារណាដាក់ទណ្ឌកម្មលើប្រទេសមីយ៉ាន់ម៉ា ខណៈដែលសហរដ្ឋអាមេរិកបានដាក់ទណ្ឌកម្មលើឧត្តមសេនីយ៍ពីររូបទៀតឈ្មោះ Moe Myint Tun និង Maung Maung Kyaw ពីបទជាប់ទាក់ទងទៅនឹងរដ្ឋប្រហារយោធា។

រឿងនេះបានកើតឡើងចំពេល បណ្តាប្រទេសលោកខាងលិចកំពុងព្យាយាមដាក់សម្ពាធដល់យោធា ឲ្យចៀសវាងការបង្ក្រាបដោយហិង្សាបន្ទាប់ពីមានការតវ៉ារយៈពេលច្រើនសប្តាហ៍។

មេដឹកនាំយោធាលោកឧត្តមសេនីយ៍ Min Aung Hlaing បានអំពាវនាវឲ្យមានថាមពលដើម្បីស្តារសេដ្ឋកិច្ចប្រទេសឡើងវិញ មួយថ្ងៃបន្ទាប់ពីកូដកម្មទូទៅបានបិទអាជីវកម្ម ហើយហ្វូងមនុស្សយ៉ាងច្រើនកុះករបានប្រមូលផ្តុំគ្នាថ្វីបើមានការព្រមានពីអាជ្ញាធរថា ការប្រឈមមុខគ្នាអាចបណ្តាលឲ្យមនុស្សស្លាប់ក៏ដោយ។

អ្នករាយការណ៍ពិសេសអង្គការសហប្រជាជាតិ លោក Tom Andrews បាននិយាយថា មនុស្សរាប់លាននាក់បានដើរក្បួនកាលពីថ្ងៃចន្ទ នៅក្នុងចំនួនមិនធ្លាប់មាន បើទោះបីមានការគំរាមកំហែងពីសំណាក់យោធាក៏ដោយ។

ហ្វូងមនុស្ស បានប្រមូលផ្តុំគ្នាម្តងទៀតនៅថ្ងៃអង្គារនេះ ទោះបីជាមានចំនួនតិចក៏ដោយ។ យ៉ាងណាក្តី មិនមានរបាយការណ៍នៃការប្រឈមមុខដាក់គ្នាជាមួយកងកម្លាំងសន្តិសុខទេ។

បណ្តារដ្ឋាភិបាលអ៊ឺរ៉ុប បានបង្ហាញការគាំទ្រចំពោះអ្នកដែលចង់ថ្កោលទោសរដ្ឋប្រហារ ថ្ងៃទី១ខែកុម្ភៈនិងការដោះលែងមេដឹកនាំជាប់ឆ្នោត លោកស្រី អ៊ុងសាន ស៊ូជី។

រដ្ឋមន្រ្តីក្រសួងការបរទេសអាល្លឺម៉ង់លោក Heiko Maas បាននិយាយនៅក្នុងទីក្រុង ព្រុចសែល ថា “យើងមិនបានត្រៀមខ្លួនឈរមើលទេ។ ទណ្ឌកម្មអាចដាក់ ប្រសិនបើផ្នែកការទូតបរាជ័យ”។

សហគមន៍អ៊ឺរ៉ុប កំពុងពិចារណាដាក់ទណ្ឌកម្ម ដែលនឹងកំណត់គោលដៅលើអាជីវកម្មរបស់កងទ័ព ប៉ុន្តែប្លុកនេះបានច្រានចោលរាល់ការកាត់បន្ថយការអនុគ្រោះពាណិជ្ជកម្មរបស់ខ្លួន ដើម្បីចៀសវាងផលប៉ះពាល់ដល់កម្មករក្រីក្រ៕

ប្រែសម្រួលដោយ៖ Vann Vann

ប្រភព៖ Reuters

ចុចអាន៖ កងទ័ពមីយ៉ាន់ម៉ាព្រមានថា បាតុករកំពុងឆ្ពោះទៅរកផ្លូវស្លាប់

ចុចអាន៖ កាន់តែខ្លាំងហើយ! បាតុកម្មប្រឆាំងរដ្ឋប្រហារកំពុងផ្ទុះឡើងនៅទូទាំងប្រទេសមីយ៉ាន់ម៉ា

Helistar Cambodia - Helicopter Charter Services
Sokimex Investment Group
ព័ត៌មានជាតិ៤៧ នាទីutes មុន

កម្ពុជា ទាមទារឱ្យស៊ើបអង្កេតជាបន្ទាន់ ក្នុងឧប្បត្តិហេតុហិង្សា បណ្តាលឱ្យទាហានខ្មែរស្លាប់នៅតំបន់មុំបី

ព័ត៌មានអន្ដរជាតិ៥៧ នាទីutes មុន

តម្លៃប្រេងកើនជាង ២% នៅថ្ងៃចន្ទ ជុំវិញផលិតកម្មប្រេង OPEC+

ព័ត៌មានជាតិ១ ម៉ោង មុន

សួន​កុលាប ​និង​កេសរកូល ​ទាក់ទាញ​ទេសចរ​បំផុត​​នៅ​សួន​រុក្ខជាតិ​អង្គរ

ជីវិតកម្សាន្ដ១ ម៉ោង មុន

គូស្វាមីភរិយាអ្នកផលិតមាតិកាដ៏ល្បី បរិច្ចាគថវិកា ១ម៉ឺនដុល្លារ ជូនមន្ទីរពេទ្យចំនួនពីរ និងកងទ័ពឈរជើងនៅព្រំដែន

ព័ត៌មានជាតិ១ ម៉ោង មុន

ព្រែកជីកហ្វូនណនតេជោ ឈាន​ទៅបោះ​បង្គោល​​បន្ត​ពី​ព្រំប្រទល់​​ខេត្តតាកែវ​ដល់​ខេត្ត​កំពត​

ព័ត៌មានជាតិ៦ ម៉ោង មុន

កម្ពុជា បន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ ខណៈកម្ដៅ៣៧°C

ព័ត៌មានអន្ដរជាតិ៥ ម៉ោង មុន

អ៊ុយក្រែន វាយប្រហារមូលដ្ឋានទ័ពរុស្ស៊ី ៥កន្លែង កម្ទេចយន្តហោះចម្បាំងអស់ ៤០គ្រឿង

ព័ត៌មានជាតិ៣ ម៉ោង មុន

សម្ដេចតេជោ ឈឺចាប់ខ្លាំងបំផុតនៅពេលទាហានថៃចូលមកបាញ់សម្លាប់ទាហានខ្មែរលើដីខ្មែរដែលសម្ដេចធ្លាប់ទៅដល់​

ព័ត៌មានអន្ដរជាតិ៥ ម៉ោង មុន

មេទ័ពអាល្លឺម៉ង់ ព្រមានថា រុស្ស៊ី អាចវាយ «ណាតូ» ៤ឆ្នាំទៀត

ព័ត៌មានជាតិ៤ ម៉ោង មុន

សមាជិករដ្ឋសភា-ព្រឹទ្ធសភា ឈរគោរពវិញ្ញាណក្ខន្តព្រិន្ធបាលឯក សួន រោន ដែលពលីជីវិតពីការវាយឆ្មក់ពីពួក​ឈ្លានពាន

Sokha Hotels

ព័ត៌មានពេញនិយម