ព័ត៌មានអន្ដរជាតិ
អាមេរិកបញ្ជូននាវាចម្បាំងចូលច្រកសមុទ្រតៃវ៉ាន់ មុនថ្ងៃឡើងកាន់តំណែងប្រធានាធិបតីថ្មី
នាវាចម្បាំងអាមេរិក បានធ្វើដំណើរមកដល់ច្រកសមុទ្រតៃវ៉ាន់ កាលពីថ្ងៃទី៨ ខែឧសភា ម្សិញមិញ ដែលរយៈពេលនេះគឺមិនដល់២សប្ដាហ៍នោះទេមុនការឡើងកាន់តំណែងប្រធានាធិបតីថ្មីរបស់តៃវ៉ាន់។ សកម្មភាពដូច្នោះបានធ្វើឲ្យរដ្ឋាភិបាលក្រុងប៉េកាំងក្ដៅស្លឹកត្រចៀកមិនស្ទើរនោះឡើយ។
បើតាមការចុះផ្សាយរបស់សារព័ត៌មាន The Straits Times បានឲ្យដឹងថា នាវាចម្បាំងអាមេរិក ជាប្រភេទនាវាពិឃាដ USS Halsey (DDG-97) បាញ់ទម្លាក់គ្រាប់មីស៊ីល ហើយការមកដល់ច្រកសមុទ្រតៃវ៉ាន់ គឺចំពេលវេលាល្អតែម្ដង មុនថ្ងៃចូលឡើងកាន់តំណែងថ្មីរបស់លោក Lai Ching-te នាថ្ងៃទី២០ ខែឧសភាខាងមុខ ដែលចិនតែងតែចាត់ទុករូបលោកគឺជាជនផ្ដាច់ខ្លួននិយមដ៏មានគ្រោះថ្នាក់មួយរូប។
កងនាវាចរណ៍លេខ៧ របស់អាមេរិក បាននិយាយថា ដំណើរឆ្លងកាត់ច្រកសមុទ្រតៃវ៉ាន់ គឺជាប្រតិបត្តិការប្រចាំរបស់សហរដ្ឋអាមេរិក ពោលគឺនាវាចម្បាំង ឬជួនកាលជាយន្តហោះល្បាតអាមេរិក តែងតែឆ្លងកាត់តំបន់នេះម្ដងជារៀងរាល់ខែជានិច្ច។
ពាក់ព័ន្ធនឹងរឿងនេះ ខាងយោធាចិន បានចាត់ទុកថា ការអះអាងនេះគឺជា “ការឃោសនាបំផ្លើសការពិតជាសាធារណៈ”។ យោធាចិន បន្ថែមថា ខ្លួនបានបញ្ជូនកម្លាំងជើងទឹក និងអាកាស ឲ្យឃ្លាំមើល និងព្រមាននាវាអាមេរិក ដោយផ្អែកលើច្បាប់ និងបទប្បញ្ញត្តិនាវាចរណ៍របស់ខ្លួន។ “កងទ័ពនៅក្នុងហេតុការណ៍បែបនេះរមែងស្ថិតនៅក្នុងការប្រុងប្រយ័ត្នខ្លាំងជានិច្ច ហើយនឹងការពារអធិបតេយ្យភាព និងសន្ដិសុខជាតិយ៉ាងម៉ឺងម៉ាត់ ព្រមទាំងស្ថិរភាព និងសន្ដិភាពក្នុងតំបន់” នេះជាសេចក្ដីថ្លែងការណ៍របស់កងទ័ពរំដោះប្រជាជនចិន។
ដោយឡែក ក្រសួងការពារជាតិតៃវ៉ាន់ ក៏បានប្រកាសដែរថា នាវាចម្បាំងអាមេរិកបានធ្វើដំណើរទៅភាគខាងត្បូងនៃច្រកសមុទ្ររបស់ខ្លួន ហើយទ័ពតៃវ៉ាន់បានពិនិត្យឃ្លាំមើលស្ថានភាព តែមិនរកឃើញភាពខុសប្រក្រតីអ្វីឡើយ។
សូមបញ្ជាក់ថា កំឡុងពេល៤ឆ្នាំចុងក្រោយ យោធាចិនតែងបង្កើនសកម្មភាពរបស់ខ្លួននៅក្បែរកោះតៃវ៉ាន់ជានិច្ច ដូចជា ការបញ្ជូនយន្តហោះចម្បាំងហោះរំលងខ្សែបន្ទាត់ព្រំដែនច្រកសមុទ្រតៃវ៉ាន់ ជាដើម។ បន្ទាត់ព្រំដែនច្រកសមុទ្រនេះ មិនត្រូវបានចិនទទួលស្គាល់នោះឡើយ។
ក្រោមរដ្ឋបាលគ្រប់គ្រងដោយលោកស្រី Tsai Ing-wen នៅតៃវ៉ាន់ ភាពតានតឹងជាមួយចិនហាក់មិនថមថយសោះ ខណៈដែលលោកស្រី និងរដ្ឋាភិបាលលោកស្រីតែងតែបដិសេធនឹងការអះអាងរបស់ចិន ដែលចង់បានតៃវ៉ាន់ទៅគ្រប់គ្រង។ ក្រោយចប់អាណត្តិលោកស្រី Tsai Ing-wen, លោក Lai Ching-te ដែលជាអនុប្រធានាធិបតី នឹងឡើងកាន់តំណែងបន្តជាផ្លូវការនាថ្ងៃទី២០ ខែឧសភាខាងមុខ បន្ទាប់ពីឈ្នះការបោះឆ្នោតជាតិកាលពីខែមករាកន្លងទៅ បើទោះជាមានការគំរាមពីចិនថា លោក Lai Ching-te អាចនឹងក្លាយជាអ្នកនាំភ្លើងសង្គ្រាមចូលទៅក្នុងតៃវ៉ាន់៕
ដោយ៖ ឈាង
ភរិយាលោក ស សុខា ជំរុញឱ្យកូនខ្មែរ ឈ្វេងយល់ពីអត្ថន័យ និងទស្សនវិជ្ជានៃបុណ្យវិសាខបូជា
ការបំបៅកូនដោយទឹកដោះម្តាយ ក្នុងរយៈពេលមួយម៉ោងក្រោយកំណើតអាចការពារទារកពីការឆ្លង និងកាត់បន្ថយអត្រាមរណៈ
គម្រោងអភិវឌ្ឍន៍លំនៅឋានបែបជប៉ុនដំបូងគេនៅកម្ពុជា ចាប់ផ្ដើមហើយក្នុងតំបន់ទីក្រុងរណប អ៊ឹង ស៊ីធី (ING CITY)
ស្ត្រីម្នាក់កាប់ក្មួយស្រីស្លាប់ ព្រោះនិយាយទូរសព្ទឮៗ និងចេញចូលផ្ទះយប់ជ្រៅពេក
ឧបនាយករដ្ឋមន្រ្តី ហ៊ុន ម៉ានី អញ្ជើញសម្ពោធសមិទ្ធផលក្នុងវត្តសុខារាម ខេត្តកំពង់ស្ពឺ
បញ្ចប់តំណែងពីចៅអធិការវត្តឈើទាលជ្រុំ បន្ទាប់ពីធ្លាយវីដេអូឈ្លោះជាមួយគ្រូបង្រៀនស្រុកត្បូងឃ្មុំ ២ឆ្នាំមុន
ស្ត្រីម្នាក់កាប់ក្មួយស្រីស្លាប់ ព្រោះនិយាយទូរសព្ទឮៗ និងចេញចូលផ្ទះយប់ជ្រៅពេក
គម្រោងអភិវឌ្ឍន៍លំនៅឋានបែបជប៉ុនដំបូងគេនៅកម្ពុជា ចាប់ផ្ដើមហើយក្នុងតំបន់ទីក្រុងរណប អ៊ឹង ស៊ីធី (ING CITY)
Breaking News! ទីបំផុត វៀតណាម រកបានប្រធានាធីបតីថ្មីហើយ
ភ្លៀង ខ្យល់ រន្ទះ បានបំផ្លាញផ្ទះពលរដ្ឋ និងផ្ដាច់ជីវិតក្មេងស្រីម្នាក់ នៅស្រុកមោងឬស្សី
-
ព័ត៌មានជាតិ៣ ថ្ងៃ agoក្រោយជីកព្រែកហ្វូណនតេជោរួច វៀតណាមនឹងលែងមានឥទ្ធិពលមកលើវិស័យដឹកជញ្ជូនតាមផ្លូវទឹក
-
ព័ត៌មានអន្ដរជាតិ១ សប្តាហ៍ agoព្យុះព្រះអាទិត្យ ដ៏កាចសាហាវ វាយប្រហារភពផែនដី
-
ព័ត៌មានជាតិ៦ ថ្ងៃ agoការផ្លាស់ប្ដូរមេបញ្ជាការអាវុធហត្ថស្រុកមណ្ឌលសីមា ពុំមែនកំហុសឆ្គង ឬ វិន័យទណ្ឌកម្ម នោះទេ
-
ព័ត៌មានជាតិ៣ ថ្ងៃ agoកម្ពុជាប្តេជ្ញារក្សាគម្របព្រៃឈើឲ្យបាន ៦០% នៅត្រឹមឆ្នាំ ២០៥០
-
ព័ត៌មានអន្ដរជាតិ៤ ថ្ងៃ agoស្លាប់២ របួស៣ ក្នុងករណីប្លន់រំដោះស្ដេចគ្រឿងញៀននៅបារាំង
-
ព័ត៌មានអន្ដរជាតិ៣ ថ្ងៃ agoនាយករដ្ឋមន្ត្រីស្លូវ៉ាគី កំពុងស៊ូទ្រាំជាមួយសេចក្តីស្លាប់ ក្នុងបន្ទប់សង្គ្រោះបន្ទាន់ ក្រោយការប៉ុនប៉ងធ្វើឃាត
-
ព័ត៌មានអន្ដរជាតិ៦ ថ្ងៃ agoហេតុផលនៅពីក្រោយ រុស្ស៊ី បញ្ចប់តំណែងរដ្ឋមន្ត្រីការពារជាតិ
-
ព័ត៌មានជាតិ៧ ថ្ងៃ agoមន្ទីរកសិកម្មខេត្តកែប ច្រានចោលការចោទប្រកាន់ថា មន្រ្តីកាប់សាច់សត្វប្រើសចែកគ្នាដែលងាប់ក្នុងផ្ទះអ្នកស្រុក