វ៉ាក់សាំង Pfizer មានប្រសិទ្ធភាព ៩៤ភាគរយមែន ​តែ​មិនសម្រាប់វីរុស​បម្លែង​ខ្លួន
Connect with us
Helistar Cambodia - Helicopter Charter Services

ព័ត៌មានអន្ដរជាតិ

វ៉ាក់សាំង Pfizer មានប្រសិទ្ធភាព ៩៤ភាគរយមែន ​តែ​មិនសម្រាប់វីរុស​បម្លែង​ខ្លួន

Published

on

ការសិក្សា​ដ៏​ធំ​មួយ​នៃ​វ៉ាក់សាំង Pfizer-Bio NTech ដែល​ត្រូវ​បាន​ពិនិត្យ​ឡើងវិញ​បង្ហាញ​ថា ​ការ​ចាក់​វ៉ាក់សាំង​មាន​ប្រសិទ្ធភាព​ខ្ពស់​ក្នុងការការពារកូវីដ១៩ សម្រាប់​បណ្ដា​ប្រទេស​ជាច្រើន​​លើ​ពិភពលោក ​ប៉ុន្តែ​មិនមែន​លើ​វីរុស​បម្លែង​ខ្លួនឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​ស្រាវជ្រាវ​នៅ​ក្នុង​ប្រទេស​អ៊ីស្រាអែល​រយៈពេល​២ខែ បាន​ផ្ដល់​នូវ​ទិន្នន័យ​ថា Pfizer ចាក់ ២ ដង​មាន​ប្រសិទ្ធភាព ៩៤ ភាគរយ ​នៅ​ក្នុង​​ក្រុម​អាយុ​ទាំងអស់និង​ក្រុម​អ្នក​មាន​ជំងឺ​ធ្ងន់ធ្ងរ​។

ក្នុង​ចំណោម​ប្រជាជន ៩ លាន​នាក់​នៅ​អ៊ីស្រាអែល​ ដែល​ជា​ប្រទេស​មួយ​មាន​ការ​ថែទាំ​សុខភាព​ជា​សកល​ស្ទើរ​តែ​ពាក់​កណ្ដាល ​បាន​ទទួល​ការ​ចាក់​លើក​ដំបូង ​ហើយ​មួយ​ភាគ​បី​បានទទួលការ​ចាក់​ទាំង​ពីរ​ដង​ ចាប់​តាំង​ពី​ការ​ចាប់ផ្ដើម​នៅ​ថ្ងៃ​ទី ១៩ ខែ​ធ្នូ។ ប្រការ​នេះ​បាន​ធ្វើ​ឲ្យ​ប្រទេស​នេះ​ក្លាយ​ជា​ទីតាំង​ដំបូង​គេ​សម្រាប់​ការ​សិក្សា​ជាក់ស្ដែង ​លើ​សមត្ថភាព​វ៉ាក់សាំង​រួម​ជាមួយ​សមត្ថភាព​ទិន្នន័យ​កម្រិត​ខ្ពស់។

ការសិក្សា​ទៅ​លើ​មនុស្ស​ប្រហែល ១,២ លាន​នាក់​ក៏​បាន​បង្ហាញ​ថា​ ចាក់​តែ​មួយ​ដង​គឺ​មាន​ប្រសិទ្ធភាព ៥៧ ភាគរយ​ ការពារ​ប្រឆាំង​នឹង​ការ​ឆ្លង​រោគ​ បន្ទាប់​ពី​ចេញ​រោគសញ្ញា ២ សប្ដាហ៍ នេះ​បើ​យោង​តាម​ទិន្នន័យ​ដែល​ត្រូវ​បាន​ចេញផ្សាយ​នៅ​ក្នុង​ទស្សនាវដ្ដី​វេជ្ជសាស្ត្រ​អង់គ្លេស។

អ្នកនិពន្ធ​ជាន់​ខ្ពស់​លោក Ran Balicer បាន​ប្រាប់​រ៉យទ័រ​ថា ” យើង​បាន​ធ្វើ​ហើយ ​វ៉ាក់សាំង​គឺ​មាន​ប្រសិទ្ធភាព​លើ​មនុស្ស​ទូទៅ​ ” ។ លោក​បន្ថែម​ទៀត​ថា “ ​វ៉ាក់សាំង​នេះ​មាន​ប្រសិទ្ធភាព​ចំពោះ​ក្រុម​តូចៗ​ខុស​គ្នា ​ទាំង​មនុស្ស​ចាស់​និង​ក្មេង ​ឬ​ចំពោះ​មនុស្ស​ដែល​មិន​មាន​រោគសញ្ញា ” ។

អ្នក​ពិគ្រោះ​យោបល់​រដ្ឋាភិបាល​អង់គ្លេស​ក្នុង​ការ​គ្រប់គ្រង​ជំងឺ​ឆ្លង​បាន​និយាយ​ថា“ នេះ​គឺ​ជា​ដំណឹង​ដ៏​អស្ចារ្យ​មួយ​បន្ថែម​ទៀត ​ដោយ​បាន​បញ្ជាក់​ថា ​វ៉ាក់សាំង​នេះ​មាន​ប្រសិទ្ធភាព​ប្រហែល ៩០% ក្នុង​ការ​ការពារ​ការ​ឆ្លង​មេរោគ​​ចាប់ពី ៧ ថ្ងៃ​បន្ទាប់ពី​ការ​ចាក់​លើក​ទី ២ ” ។

ការ​ស្រាវជ្រាវ​ក៏​បាន​បង្ហាញ​ផង​ដែរ​ថា​ វ៉ាក់សាំង​ដែល​ត្រូវ​បាន​បង្កើត​ឡើង​ដោយ​ក្រុមហ៊ុន​ផលិត​ថ្នាំ​អាមេរិក Pfizer និង​ក្រុមហ៊ុន BioNTech របស់​ប្រទេស​អាល្លឺម៉ង់​ មាន​ប្រសិទ្ធភាព​ប្រឆាំង​នឹង​មេរោគ​ ដែល​ត្រូវ​បាន​រក​ឃើញ​ដំបូង​គេ​នៅ​ចក្រភព​អង់គ្លេស។ ក្រុម​អ្នក​ស្រាវជ្រាវក៏​បាន​សង្កត់ធ្ងន់​ថា ​ពួកគេ​មិន​អាច​ផ្ដល់​នូវ​កម្រិត​ជាក់លាក់​នៃ​ប្រសិទ្ធភាព​នោះ​ទេ ​ក្នុងពេលដែល​វ៉ារ្យង់​គឺ​ជា​វីរុស​បម្លែង​ខ្លួនថ្មី និងកំពុងតែ​លេចធ្លោ​នៅ​ក្នុង​ប្រទេស​អ៊ីស្រាអែល​ នៅ​ពេល​ធ្វើការ​សិក្សា។

យ៉ាង​ហោច​ណាស់​មាន​ការ​សិក្សា​ចំនួន ៣ ចេញ​ពី​ប្រទេស​អ៊ីស្រាអែល​ក៏​បាន​ណែនាំ​ថា​វ៉ាក់សាំង​នេះ ​អាច​កាត់​បន្ថយ​ការ​ឆ្លង​វីរុស​បាន ​ប៉ុន្តែ​អ្នក​ស្រាវជ្រាវ​បាន​ព្រមាន​ថា​ ការ​សិក្សា​កាន់​តែ​ទូលំទូលាយ​ត្រូវ​តែ​ធ្វើ​ឡើងម្ដងទៀត ​ដើម្បី​បង្កើត​ការ​សន្និដ្ឋាន​ច្បាស់លាស់​ជូន​ពិភពលោក។

រហូតមកដល់​នេះ​ ទិន្នន័យ​ភាគច្រើន​ស្ដីពី​ប្រសិទ្ធភាព​នៃ​វ៉ាក់សាំង បាន​ស្ថិតនៅ​ក្រោម​លក្ខខណ្ឌ​គ្រប់គ្រង​​ក្នុង​ការ​សាកល្បង​ក្នុង​គ្លីនិក​និង​បន្សល់​នូវ​ភាព​មិន​ច្បាស់លាស់​អំពី​លទ្ធផល៕

ប្រែសម្រួល៖ សាង ស្រីល័ក្ខ

ប្រភព៖channelnewsasia

ចុចអាន៖ក្រុមហ៊ុន Pfizer-BioNTech ធ្វើតេស្តវ៉ាក់សាំងកូវីដដូសទីបី រកប្រសិទ្ធភាពបន្ថែមប្រឆាំងវីរុសបំប្លែងខ្លួនថ្មី

ចុចអាន៖វេជ្ជបណ្ឌិតជំនាញ៖ រោគសញ្ញាកូវីដ-១៩ អាចបន្តមានរយៈពេល ៦ សប្តាហ៍ បន្ទាប់ពីធ្វើតេស្ត

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ9 mins ago

អភិបាល​ខេត្ត​ព្រៃវែង​ ចាត់​វិធានការ​ក្តៅ​ ក្រោយ​រក​ឃើញ​អ្នកវិជ្ជមាន​កូវីដ១៩ ចំនួន​៦នាក់​លួច​ចូល​ខេត្ត​

ព័ត៌មានជាតិ30 mins ago

​រដ្ឋបាល​រាជធានីភ្នំពេញ បង្ហាញ​អត្តសញ្ញាណ​អ្នកវិជ្ជមាន​កូវីដ១៩ ចំនួន១៩៨រូប ដើម្បី​ឲ្យ​អ្នកពាក់ព័ន្ធ​រួសរាន់​យក​សំណាក​ទៅធ្វើតេស្ត

ជីវិតកម្សាន្ដ52 mins ago

ចំណងស្នេហា​៤​ឆ្នាំ​របស់ វ៉ាន់ នី​ឡា មិន​ប្រែ​ព្រួល ទោះ​រង​ការ​សើចចំអក​ពី​អ្នកដទៃ​

ព័ត៌មានជាតិ2 hours ago

លោក គឹម សន្តិភាព ៖ អ្នក​ល្មើស​វិធានការ ហាមឃាត់​ការធ្វើដំណើរ ត្រូវ​ផ្ដន្ទាទោស​ពី ៣​ឆ្នាំ ទៅ​៥​ឆ្នាំ ឬ​ធ្ងន់​ជាង​នេះ

ព័ត៌មានជាតិ3 hours ago

លោកជំទាវ ម៉ែន សំអន ថ្លែងអំណរគុណ លោក ប៉ិច បូឡែន និងលោក ហុង លីម ដែលបានផ្តល់អំណោយក្នុងការចូលរួមប្រយុទ្ធប្រឆាំងនឹងកូវីដ១៩

Sokha Hotels

ព័ត៌មានពេញនិយម

Helistar Cambodia - Helicopter Charter Services