Connect with us

ព័ត៌មានអន្ដរជាតិ

បាតុករគាំទ្រប្រជាជន ប៉ាឡេស្ទីន រាប់រយនាក់ចូលដុតស្ថានទូត អ៊ីស្រាអែល នៅ ម៉ិកស៊ិក

បានផុស

នៅ

ក្រុមបាតុករគាំទ្រប្រជាជនប៉ាឡេស្ទីនប្រមាណ ២០០ នាក់បាននាំគ្នាដុតជញ្ជាំងស្ថានទូតអ៊ីស្រាអែលនៅក្នុងទីក្រុងនៃប្រទេសម៉ិកស៊ិក បន្ទាប់ពីប៉ះទង្គិចគ្នាជាមួយប៉ូលិសបង្ក្រាបកុបកម្មដែលដាក់ពង្រាយដើម្បីការពារក្រុមបាតុករកុំមានការបង្កហិង្សាណាមួយកើតឡើង ។ នេះបើយោងតាមការចេញផ្សាយដោយសារព័ត៌មាន RT កាលពីថ្ងៃទី២៩ ខែឧសភាកន្លងទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមបាតុករបានប្រមូលផ្តុំគ្នានៅខាងក្រៅបរិវេណស្ថានទូតអ៊ីស្រាអែលក្នុងសង្កាត់ Lomas de Chapultepec កាលពីថ្ងៃពុធដើម្បីបង្ហាញការតវ៉ាប្រឆាំងនឹងសកម្មភាពដ៏សាហាវយង់ឃ្នងរបស់យោធាអ៊ីស្រាអែលទៅលើទីក្រុង Rafah ជាពិសេសគឺការវាយប្រហារតាមអាកាសរបស់រដ្ឋាភិបាលទីក្រុងហ្សេរ៊ុយសាឡិមកាលពីចុងសប្ដាហ៍កន្លងទៅដែលបានសម្លាប់ប្រជាជនប៉ាឡេស្ទីនយ៉ាងតិច ៤៥ នាក់ ។

ក្រុមបាតុករមួយចំនួនបង្ហាញការខឹងសម្បារយ៉ាងខ្លាំងក្លា ហើយបានយកក្រណាត់រុំមុខរបស់ពួកគេ រួមទាំងសកម្មភាពគប់ដុំថ្ម និងគប់ដបស្រាក្រឡុកប្រភេទ Molotov ទៅកាន់ប៉ូលិសកុបកម្មម៉ិកស៊ិក ហើយបានទាញរបាំងសម្រុកចូលទៅក្នុងបរិវេណដើម្បីដុតជញ្ជាំងស្ថានទូត ខណៈ​ប៉ូលិស​ក៏សស្រាក់សស្រាំព្យាយាម​ពន្លត់ភ្លើងដែលឆេះ​នោះផងដែរ ។

បន្ទាប់ពីមានករណីនេះហើយ រដ្ឋាភិបាលម៉ិកស៊ិកបានដាក់ពាក្យសុំអន្តរាគមន៍ទៅតុលាការយុត្តិធម៌អន្តរជាតិ (ICJ) ដើម្បីគាំទ្របណ្តឹងរបស់អាហ្រ្វិកខាងត្បូងដែលចោទប្រកាន់អ៊ីស្រាអែលពីបទ “ប្រល័យពូជសាសន៍” ប្រឆាំងនឹងប្រជាជនប៉ាឡេស្ទីននៅតំបន់ហ្គាហ្សាដែលរហូតមកដល់ពេលនេះចាយពេលជិត ៨ ខែទៅហើយ ។

ទន្ទឹមនោះ កាលពីថ្ងៃសុក្រសប្ដាហ៍មុន តុលាការ ICJ ក៏បានចេញសេចក្ដីសម្រេចបញ្ជាឲ្យអ៊ីស្រាអែលបញ្ឈប់ជាបន្ទាន់នូវការវាយលុករបស់ខ្លួនទៅលើទីក្រុង Rafah ភាគខាងត្បូងតំបន់ហ្គាហ្សា ប៉ុន្តែអ៊ីស្រាអែលហាក់បិទភ្នែកខ្ទប់ត្រចៀកមិនខ្វល់នឹងសេចក្ដីសម្រេចរបស់តុលាការដែលមានមូលដ្ឋាននៅទីក្រុងឡាអេមួយនេះឡើយ ។

គួរបញ្ជាក់ថា ក្រៅពីមានអ្នកស្លាប់បាត់បង់ជីវិតជិត ៣៦,០០០ នាក់ហើយ ការវាយប្រហាររបស់អ៊ីស្រាអែលមកលើតំបន់ហ្គាហ្សា ចាប់តាំងពីព្រឹត្តិការណ៍ ៧ តុលា ២០២៣ មកក៏បណ្ដាលឲ្យមនុស្សជិត ៨០,០០០ នាក់បានរងរបួសផងដែរ ខណៈខាងអ៊ីស្រាអែលវិញមានមនុស្សប្រមាណ ១,២០០ នាក់បានស្លាប់បាត់បង់ជីវិតដូចគ្នា ។

ស្របពេលជាមួយគ្នានេះ យោងតាមគណៈកម្មាធិការសង្គ្រោះអន្តរជាតិបានឲ្យដឹងថា ទំហំនៃវិបត្តិនៅតំបន់ហ្គាហ្សាភាគខាងត្បូងក្នុងលក្ខខណ្ឌដែលអ៊ីស្រាអែលហ៊ានបើកការវាយលុកខ្នាតយក្សទៅលើទីក្រុង Rafah មែននោះ នឹងបង្កឲ្យមានការផ្លាស់ទីលំនៅទ្រង់ទ្រាយធំបំផុតមិនធ្លាប់មានក្នុងប្រវត្តិសាស្ត្រនៅក្នុងតំបន់មួយនេះ ៕

សូមទស្សនាវីដេអូ!

ដោយ ៖ សុខ ជីវ័ន្ត

ចុចអាន ៖ អាមេរិក ចេញមុខការពារអ៊ីស្រាអែលថា ការវាយប្រហារនៅ Rafah មិនទាន់ឆ្លងផុត បន្ទាត់ក្រហមទេ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ នាទី មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ១១ នាទី មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង៤៥ នាទី មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៣ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

ព័ត៌មានជាតិ៣ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

Sokha Hotels

ព័ត៌មានពេញនិយម