ព័ត៌មានអន្ដរជាតិ
មិនខ្លាចកូវីដ! តិចសាស់ នឹងលែងឲ្យប្រជាជនពាក់ម៉ាសទូទាំងរដ្ឋ
អភិបាលរដ្ឋតិចសាស់លោក Greg Abbott បាននិយាយកាលពីថ្ងៃអង្គារថា លោកមានផែនការដកច្បាប់ពាក់ម៉ាសនៅទូទាំងរដ្ឋ និងអនុញ្ញាតឲ្យអាជីវកម្ម និងកន្លែងនានាអាចបើកដំណើរការបាន ១០០ ភាគរយដោយលើកឡើងពីការធ្លាក់ចុះនៃការចូលសម្រាកនៅមន្ទីរពេទ្យ ខណៈមនុស្សកាន់តែច្រើនកំពុងទទួលការចាក់វ៉ាក់សាំងប្រឆាំងនឹងជំងឺកូវីដ ១៩ ។
លោក Abbott បានថ្លែងនៅក្នុងសុន្ទរកថាទៅកាន់សភាពាណិជ្ជកម្ម Lubbock ថា “មានប្រជាជនរដ្ឋតិចសាស់ច្រើនណាស់ដែលត្រូវបានគេបញ្ឈប់ពីឱកាសការងារ ។ ម្ចាស់អាជីវកម្មខ្នាតតូចជាច្រើនបានខាតបង់ប្រាក់របស់ពួកគេ ។ វាត្រូវតែបញ្ចប់ ។ ឥឡូវនេះវាដល់ពេលហើយដើម្បីបើករដ្ឋតិចសាស់ ១០០ ភាគរយ” ។
លោកបាននិយាយថា លោកនឹងចុះហត្ថលេខាលើបទបញ្ជាប្រតិបត្តិដើម្បីអនុញ្ញាតឲ្យអាជីវកម្មនៅក្នុងរដ្ឋបើក ១០០ ភាគរយនៅថ្ងៃទី ១០ ខែមីនា ហើយការពាក់ម៉ាសនឹងត្រូវបញ្ចប់នៅថ្ងៃដដែលនោះ ។
ទោះយ៉ាងណាអភិបាលរូបនេះបានកត់សម្គាល់ថា រដ្ឋនឹងមិនបោះបង់ចោលនូវការអនុវត្តប្រកបដោយសុវត្ថិភាពនៃគម្លាតសង្គមដែលប្រជាជនរដ្ឋតិចសាស់ស្ទាត់ជំនាញក្នុងរយៈពេលមួយឆ្នាំកន្លងមកនេះទេ ។
ការចាក់វ៉ាក់សាំងជិត ៥.៧ លានដូសត្រូវបានគេផ្តល់ទៅឲ្យរដ្ឋតិចសាស់ ហើយឥឡូវនេះរដ្ឋកំពុងគ្រប់គ្រងការចាក់ជិតមួយលានដូសក្នុងមួយសប្តាហ៍ ។ នេះបើយោងតាមសេចក្តីថ្លែងការណ៍របស់ការិយាល័យអភិបាលរដ្ឋ ។
គិតត្រឹមល្ងាចថ្ងៃអង្គារមនុស្សជាង ២.៦ លាននាក់នៅក្នុងរដ្ឋនេះបានឆ្លងជំងឺកូវីដ ១៩ និងជិត ៤៤,០០០ នាក់បានស្លាប់ ខណៈដែលជាង ២.៤ លាននាក់បានជាសះស្បើយ ។ បើយោងតាមសាកលវិទ្យាល័យ Johns Hopkins ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ