ព័ត៌មានអន្ដរជាតិ

ប្រជាប្រិយភាពរបស់ ហារីស និង ដូណាល់ ត្រាំ កាន់តែប្រកៀកប្រកិតគ្នា

បានផុស

២ years មុន

នៅ

ថ្ងៃពុធ ២៤ កក្កដា ២០២៤

ដោយ

ប្រជាប្រិយភាពរបស់លោកស្រី កាម៉ាឡា ហារីស បានហាក់ឡើងយ៉ាងគំហុករហូតដល់វ៉ាយ៉ាងប្រកៀកប្រកិតគ្នានូវប្រជាប្រិយភាពរបស់បេក្ខភាពប្រធានាធិបតីមកពីគណបក្សសាធារណៈ លោក ដូណាល់ ត្រាំ ដែលកើនប្រជាប្រិយភាពយ៉ាងខ្លាំងក្នុងពេលប្រជែងជាមួយប្រធានាធិបតី ចូ បៃដិន កាលពីខែមិថុនា។

ការស្ទង់មតិថ្មីចំនួនពីរនៅក្នុងសហរដ្ឋអាមេរិកបង្ហាញថា អនុប្រធានាធិបតី កាម៉ាឡា ហារីស (Kamala Harris) ដែលទំនងក្លាយជាបេក្ខភាពប្រធានាធិបតីតំណាងគណបក្សប្រជាធិបតេយ្យសម្រាប់ការបោះឆ្នោតក្នុងខែវិច្ឆិកាខាងមុខកំពុងកើនឡើងប្រជាប្រិយភាព ប្រកៀកប្រកិតគ្នា ធៀបជាមួយអតីតប្រធានាធិបតី ដូណាល់ ត្រាំ (Donald Trump) ដែលហក់ឡើងប្រជាប្រិយភាពដ៏ឆាប់រហ័ស ប៉ុន្តែការស្ទង់មតិមួយទៀត បង្ហាញថា លោកត្រាំ ដឹកមុខ។

លោក ដូណាល់ ត្រាំ និង លោកស្រី កាម៉ាឡា ហារីស។ PBS

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារព័ត៌មាន Reuters និងក្រុមហ៊ុនស្រាវជ្រាវ Ipsos បានរៀបចំការស្ទង់មតិមួយ បន្ទាប់ពីប្រធានាធិបតីវ័យជរា ចូ បៃដិន បានប្រកាសបោះបង់ការប្រកួតប្រជែងកៅអីប្រធានាធិបតីសម្រាប់ការបោះឆ្នោតប្រធានាធិបតីនៅក្នុងខែវិច្ឆិកា។

ការស្ទង់មតិថ្មីមួយបង្ហាញថា អ្នកចុះឈ្មោះបោះឆ្នោតត្រូវបានសួរថា តើពួកគេនឹងជ្រើសរើសអ្នកណាបើការបោះឆ្នោតត្រូវបានធ្វើឡើងនៅថ្ងៃនេះ?

អ្នកដែលបានឆ្លើយតបចំពោះការស្ទង់មតិនេះចំនួន៤៤ភាគរយ បានជ្រើសរើសថា ពួកគេនឹងបោះឆ្នោតឱ្យ លោកស្រី ហារីស ខណៈ៤២ភាគរយបានឆ្លើយថា ពួកគេនឹងជ្រើសរើស លោក ត្រាំ។

តួលេខស្ទង់មតិនេះ បានបង្ហាញថា លោកស្រី ហារីស បានផ្តល់ឱ្យគណបក្សប្រជាធិបតេយ្យបង្កើនប្រជាប្រិយភាពបន្តិចធៀបនឹងពេលវេលាដែលលោក ចូ បៃដិន មិនទាន់ប្រកាសដកបេក្ខភាព។

ទោះបីជាយ៉ាងណា ក្នុងអំឡុងពេលនេះ ការស្ទង់មតិមួយផ្សេងទៀតដែលធ្វើឡើងដោយទូរទស្សន៍សាធារណៈ PBS និងអ្នកផ្សេងទៀតបង្ហាញថា អ្នកឆ្លើយអំពីការសម្រេចចិត្តបោះឆ្នោត ៤៦ភាគរយនឹងបោះឆ្នោតឱ្យលោក ដូណាល់ ត្រាំ ធៀបនឹង៤៥ភាគរយនឹងបោឆ្នោតឱ្យលោកស្រី កាម៉ាឡា ហារីស។

ប្រធានាធិបតី ចូ បៃដិន និង អនុប្រធានាធិបតី កាម៉ាឡា ហារីស។ Joe Biden

បន្ទាប់ពី ចូ បៃដិន ប្រកាសបោះបង់ឱកាសប្រកួតប្រជែងកៅអីសេតវិមានភា្លម ប្រជាប្រិយភាពរបស់លោកស្រី កាម៉ាឡា ហារីស បានហក់ឡើងខ្ពស់មួយរំពេច ដែលធ្វើឱ្យលោកត្រាំ ស្ថិតក្នុងស្ថានភាពប្រកួតប្រជែងដ៏លំបាកបំផុត។ ទោះជាបែបណា បេក្ខភាពប្រធានាធិបតីមកពីគណបក្សប្រជាធិបតេយ្យរបស់លោកស្រី កាម៉ាឡា ហារីស ស្ថិតក្នុងស្ថានភាពមិនច្បាស់លាល់នៅឡើយ ដោយត្រូវរង់ចាំរហូតដល់ការសម្រេចពីសមាជគណបក្សសាធារណរដ្ឋនៅចុងខែសីហាខាងមុខ៕