ព័ត៌មានអន្ដរជាតិ

កាន់តែធ្ងន់ធ្ងរ! មនុស្សស្លាប់៣៨នាក់នៅមីយ៉ាន់ម៉ាម្សិលមិញ

បានផុស

៣ years មុន

នៅ

ថ្ងៃព្រហស្បតិ៍ ៤ មីនា ២០២១

ដោយ

យ៉ាងហោចណាស់មនុស្ស៣៨នាក់ត្រូវបានសម្លាប់នៅក្នុងប្រទេសមីយ៉ាន់ម៉ាកាលពីថ្ងៃពុធ ម្សិលមិញនេះដែលត្រូវបានអង្គការហប្រជាជាតិអធិប្បាយថាជា«ថ្ងៃថ្លុកឈាមបំផុត» ចាប់តាំងពីរដ្ឋប្រហារបានកើតឡើងមួយខែមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រេសិតអង្គការសហប្រជាជាតិប្រចាំនៅប្រទេសមីយ៉ាន់ម៉ាលោកស្រី Christine Schraner Burgener បាននិយាយថា មានរូបភាពគួរឲ្យរន្ធត់ចេញពីប្រទេសនេះ។

សាក្សីបាននិយាយថា កម្លាំងបង្ក្រាបបានបាញ់រះដោយគ្រាប់កំភ្លើងជ័រ និងគ្រាប់កាំភ្លើងពិត។

ការតវ៉ាទ្រង់ទ្រាយធំ និងទង្វើមិនគោរពស៊ីវិលត្រូវបានគេឃើញកើតមានទូទាំងប្រទេសមីយ៉ាន់ម៉ា ចាប់តាំងពីយោធាបានកាន់កាប់អំណាចតាំងពីថ្ងៃទី១ ខែកុម្ភៈ។

អ្នកតវ៉ាបានកំពុងអំពាវនាវឲ្យបញ្ឈប់ការគ្រប់គ្រងដោយរបបយោធា និងឲ្យដោះលែងមេដឹកនាំរដ្ឋាភិបាលដែលជាប់ឆ្នោតរាប់បញ្ចូលទាំងលោកស្រី អ៊ុង សានស៊ូជី ដែលត្រូវបានផ្តួលរំលំ និងឃុំឃាំងដោយរដ្ឋប្រហារ។

រដ្ឋប្រហារ និងការបង្ក្រាបបាតុកម្មដោយហឹង្សាបានបណ្តាលឲ្យមានការថ្កោលទោសពីសហគមន៍អន្តរជាតិយ៉ាងខ្លាំង។

ប្រតិកម្មជុំវិញការស្លាប់ច្រើនបំផុតនៅថ្ងៃពុធ ចក្រភពអង់គ្លេសបានអំពាវនាវឲ្យមានកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិ នៅថ្ងៃសុក្រនេះ ខណៈសហរដ្ឋអាមេរិកបាននិយាយថា ខ្លួនបានកំពុងពិចារណារចំណាត់ការបន្ថែមទៀតដើម្បីប្រឆាំងនឹងរបបយោធាមីយ៉ាន់ម៉ា។

ហឹង្សាចុងក្រោយបំផុតបានកើតឡើងមួយថ្ងៃ បន្ទាប់ពីប្រទេសជិតខាងមីយ៉ាន់ម៉ាបានជំរុញឲ្យរបបយោធាអនុវត្តការអត់ធ្មត់។

បើតាមលោកស្រី Schraner Burgener បានឲ្យដឹងថា យ៉ាងហោចណាស់មនុស្ស៥០នាក់ហើយត្រូវបានសម្លាប់រហូតមកដល់ពេលនេះ និងមនុស្សរាប់សិបនាក់បានរបួស ចាប់តាំងពីរដ្ឋប្រហារបានកើតឡើងមក៕

ប្រែសម្រួល៖ វីរបុត្រ
ប្រភព៖ BBC