ព័ត៌មានអន្ដរជាតិ
មេដឹកនាំថ្មីរបស់វៀតណាម ត្រៀមជួបប្រធានាធិបតីអាមេរិកក្នុងសប្ដាហ៍នេះ
នៅថ្ងៃពុធថ្ងៃទី២៥ខែកញ្ញា ប្រធានាធិបតីអាមេរិកលោក Joe Biden ត្រូវបានគេរំពឹងថានឹងជួបជាមួយលោក To Lam ដែលជាប្រធានាធិបតីវៀតណាម និងជាប្រធានបក្សកុម្មុយនិស្តដែលទើបឡើងកាន់តំណែងថ្មី។ នេះបើយោងតាមការចុះផ្សាយរបស់ទីភ្នាក់ងារព័ត៌មាន Reuters នៅថ្ងៃទី២៣ខែកញ្ញា។
បើតាមប្រភពរបស់ Reuters ជំនួបនេះត្រូវបានគេរំពឹងថានឹងប្រព្រឹត្តទៅនៅខាងក្រៅមហាសន្និបាតអង្គការសហប្រជាជាតិនៅទីក្រុងញូវយ៉ក។
សេតវិមានមិនមានការអត្ថាធិប្បាយភ្លាមៗពាក់ព័ន្ធនឹងជំនួបរវាងមេដឹកនាំទាំង២នោះទេ។ ចំណែកឯអ្នកនាំពាក្យក្រសួងការបរទេសវៀតណាមក៏មិនបានប្រាប់ថាតើលោក Lam នឹងជួបជាមួយលោក Biden អំឡុងពេលធ្វើដំណើរឬក៏យ៉ាងណានោះឡើយ។
លោក Biden បានខ្នះខ្នែងក្នុងការធ្វើឲ្យទំនាក់ទំនងកាន់តែស៊ីជម្រៅជាមួយប្រទេសវៀតណាម ក្នុងគោលបំណងដើម្បីទប់ទល់ជាមួយប្រទេសរុស្ស៊ី និងចិន។
កាលពីខែកញ្ញាឆ្នាំមុន លោក Biden បានទៅបំពេញទស្សនកិច្ចនៅវៀតណាម និងបានធានានូវកិច្ចព្រមព្រៀងស្តីពីឧបករណ៍ semiconductor និងវិស័យរ៉ែ ព្រមទាំងការធ្វើឲ្យប្រសើរឡើងនៃចំណងការទូតខ្ពស់បំផុតជាមួយទីក្រុងហាណូយ ដូចដែលវៀតណាមបានធ្វើជាមួយប្រទេសចិន និងរុស្ស៊ីអ៊ីចឹងដែរ។
នៅក្នុងដំណើរទស្សនកិច្ចលើកដំបូងទៅកាន់សហរដ្ឋអាមេរិកចាប់តាំងពីទទួលតំណែងជាប្រធានបក្សកុម្មុយនិស្តកាលពីដើមខែសីហា លោក Lam នឹងឡើងថ្លែងសន្ទរកថាជាលើកដំបូងនៅឯព្រឹត្តិការណ៍របស់អង្គការសហប្រជាជាតិ និងជួបជាមួយអ្នកតំណាងមកពីសាជីវកម្មអាមេរិកជាច្រើនរួមទាំងក្រុមហ៊ុន Alphabet របស់ Google និងក្រុមហ៊ុន Meta ជាដើម។
នៅក្នុងដំណើរទស្សនកិច្ចលើកនេះ លោក Lam ក៏នឹងឆៀងចូលទៅក្នុងប្រទេសគុយបា ដែលជាសម្ព័ន្ធមិត្តកុម្មុយនិស្តយូរអង្វែងរបស់វៀតណាមផងដែរ៕
ដោយ៖ ឈាង
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ៧ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានជាតិ៣ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង