លោកត្រាំ ប្រាប់ទៅអ្នកស្រី ផែថងថាន៖ «ថៃ ចង់បានអ្វី ខ្ញុំនឹងជួយ»

នៅថ្ងៃអង្គារទី១៩ខែវិច្ឆិកាឆ្នាំ២០២៤ នាយករដ្ឋមន្ត្រីថៃ អ្នកស្រី ផែថងថាន ស៊ីណាវ៉ាត្រា បានសន្ទនាតាមទូរស័ព្ទជាមួយប្រធានាធិបតីជាប់ឆ្នោតអាមេរិក ដូណាល់ ត្រាំ ហើយបើតាមការបញ្ជាក់ពីការិយាល័យរបស់អ្នក ផែថងថាន, មេដឹកនាំទាំងពីរបានប្តេជ្ញាជួយគ្នាទៅវិញទៅមក  ជាពិសេសលោក ត្រាំ សន្យាថា បើថៃចង់បានអ្វី សូមប្រាប់គាត់ចុះ គាត់នឹងជួយតាមលទ្ធភាពដែលអាចធ្វើទៅបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងកិច្ចសន្ទនានោះ លោក ត្រាំ បានសរសើរអ្នកស្រី ផែថងថាន មិនដាច់ពីមាត់ថា ធ្វើការបានល្អ និងសរសើរថៃថាជាប្រទេសដ៏ស្រស់ស្អាត ខណៈភាគីថៃក៏បញ្ជាក់ពីការត្រៀមលក្ខណៈ ធ្វើការជាមួយរដ្ឋបាលអាមេរិកថ្មីផងដែរ។

ប្រទេសថៃគឺជាសម្ព័ន្ធមិត្តសន្ធិសញ្ញាចាស់ជាងគេបំផុតរបស់ទីក្រុងវ៉ាស៊ីនតោនប្រចាំនៅអាស៊ី និងជាបណ្តុំនៃវត្តមានអ្នកការទូតអាមេរិកដ៏ធំបំផុតមួយនៅក្នុងតំបន់។ ប្រទេសទាំងពីរបានធ្វើសមយុទ្ធយោធារួមគ្នាជារៀងរាល់ឆ្នាំ ហើយចូលរួមក្នុងវិស័យជាច្រើនជាមួយគ្នា។

លើសពីនេះ ការនាំចេញគឺជាកត្តាជំរុញដ៏សំខាន់នៃសេដ្ឋកិច្ច ហើយសហរដ្ឋអាមេរិកនៅតែជាទិសដៅនាំចេញកំពូលរបស់ប្រទេសថៃ បន្ទាប់មកគឺប្រទេសចិន៕

អត្ថបទ៖ សុខ សុវណ្ណ

ចុចអាន៖ លោក ត្រាំ ប្រកាសប្រើកម្លាំងទ័ព បណ្តេញជនអន្តោប្រវេសន៍ខុសច្បាស់ ចេញពីទឹកដីអាមេរិក