ព័ត៌មានអន្ដរជាតិ
ព្យុះទៀតហើយនៅថៃ! ខេត្តចំនួន៨នៅភាគខាងត្បូង រងការព្រមានអាសន្នទឹកជំនន់
ខេត្តភាគខាងត្បូងចំនួន៨នៅប្រទេសថៃ ដែលនៅក្បែរឈូងសមុទ្រថៃ ត្រូវបានប្រកាសអាសន្នគ្រោះទឹកជំនន់ និងបំណាក់ដី ដោយមានការព្យាករថា ភ្លៀងធ្លាក់ខ្លាំងនឹងវាយប្រហារតំបន់ទាំងនោះ។
បើយោងតាមសារព័ត៌មាន Bangkok Post ការិយាល័យនៃនាយកដ្ឋានឧតុនិយម បានចេញការព្រមានថ្មីនៅថ្ងៃព្រហស្បតិ៍ទី១២ខែធ្នូឆ្នាំ២០២៤ សម្រាប់ខេត្តចំនួន៨ អំពីព្យុះដែលអាចកើតមានរហូតដល់ថ្ងៃចន្ទសប្ដាហ៍ក្រោយ។
ខេត្តដែលមានហានិភ័យ មានដូចជា Chumphon, Surat Thani, Nakhon Si Thammarat, Phatthalung, Songkhla, Pattani, Yala និង Narathiwat។
ខេត្តទាំង៨ ត្រូវបានណែនាំឲ្យមានវិធានការទប់ទល់នឹងគ្រោះទឹកជំនន់ភ្លាមៗ និងបំណាក់ដីនៅតំបន់ក្បែរភ្នំ ហើយទូកតូចៗត្រូវបានណែនាំមិនឲ្យចាកចេញពីឆ្នេរសមុទ្រនោះឡើយ។
អ្នកជំនាញអាកាសធាតុ បាននិយាយថា ខ្យល់បក់ពីទិសឦសានកំពុងប្រមូលផ្តុំកម្លាំងលើឈូងសមុទ្រថៃ ហើយប្រហែលជានឹងវិវត្តទៅជាព្យុះដែលនឹងបោកបក់ក្នុងតំបន់។
សូមជម្រាបថា កាលពីចុងខែវិច្ឆិកា ខេត្តទាំង៨ បានជួបប្រទះនឹងគ្រោះទឹកជំនន់ដ៏អាក្រក់បំផុតមិនធ្លាប់មានជាច្រើនទសវត្សរ៍កន្លងមកនេះ ដែលឆក់យកជីវិតមនុស្ស ៣២នាក់ និងប៉ះពាល់ប្រជាជនច្រើនជាង ៦០ម៉ឺនគ្រួសារ។ បច្ចុប្បន្ន ខេត្តទាំងនោះកំពុងស្ដារខ្លួនឡើងវិញ និងមិនទាន់ប្រែទៅជាសភាពដើមនៅឡើយទេបន្ទាប់ពីហេតុការណ៍គ្រោះធម្មជាតិដ៏សាហាវ៕
ដោយ៖ ឈាង
-
ព័ត៌មានជាតិ១ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៧ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១០ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៥ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ