ព័ត៌មានអន្ដរជាតិ
អ៊ីស្រាអែលយល់ព្រមលើគម្រោងពន្យារពេលបទឈប់បាញ់ តែហាម៉ាសបដិសេធ
អ៊ីស្រាអែល នឹងអនុម័តសំណើរបស់បេសកជនពិសេសរបស់ប្រធានាធិបតីអាមេរិក សម្រាប់បទឈប់បាញ់បណ្តោះអាសន្ននៅហ្គាហ្សា សម្រាប់ពិធីបុណ្យ Ramadan និងពិធីបុណ្យ Passover។ នេះបើយោងតាមការិយាល័យនាយករដ្ឋមន្ត្រីអ៊ីស្រាអែល នៅព្រឹកថ្ងៃអាទិត្យទី២ខែមីនានេះ ប៉ុន្មានម៉ោងបន្ទាប់ពីដំណាក់កាលដំបូងនៃបទឈប់បាញ់ដែលបានព្រមព្រៀងគ្នាពីមុនមក នឹងផុតកំណត់។
ការិយាល័យរបស់នាយករដ្ឋមន្ត្រី បេនចាមីន ណេតាន់យ៉ាហ៊ូ បានប្រកាសថា នៅថ្ងៃដំបូងនៃសំណើរបស់លោក Steve Witkoff ចំណាប់ខ្មាំងពាក់កណ្តាលដែលត្រូវបានឃុំខ្លួននៅតំបន់ហ្គាហ្សាទាំងនៅរស់ និងស្លាប់ នឹងត្រូវបានដោះលែង ដោយបន្ថែមថា ចំណាប់ខ្មាំងដែលនៅសេសសល់ក៏នឹងត្រូវបានដោះលែងផងដែរ បន្ទាប់ពីបទឈប់បាញ់ជាអចិន្ត្រៃយ៍ត្រូវបានព្រមព្រៀង។
ការិយាល័យរបស់លោក ណេតាន់យ៉ាហ៊ូ បានបន្តថា លោក Witkoff បានធ្វើសំណើដើម្បីបន្តបទឈប់បាញ់បច្ចុប្បន្ន បន្ទាប់ពីដឹងថាត្រូវការពេលវេលាបន្ថែមទៀតសម្រាប់កិច្ចពិភាក្សាស្តីពីបទឈប់បាញ់ជាអចិន្ត្រៃយ៍។
អ្នកនាំពាក្យក្រុមសកម្មប្រយុទ្ធហាម៉ាស លោក Hazem Qassem កាលពីព្រឹកថ្ងៃសៅរ៍ បានប្រាប់ថា ហាម៉ាសបានច្រានចោលការលើកឡើងរបស់អ៊ីស្រាអែល ក្នុងការបន្តដំណាក់កាលទីមួយនៃបទឈប់បាញ់។
ការិយាល័យរបស់នាយករដ្ឋមន្ត្រីអ៊ីស្រាអែល បានបញ្ជាក់ថា អ៊ីស្រាអែលនឹងធ្វើការចរចាភ្លាមៗលើផែនការរបស់លោក Witkoff បើក្រុមហាម៉ាសយល់ព្រម។
ការិយាល័យរបស់លោក ណេតាន់យ៉ាហ៊ូ ក៏បាននិយាយដែរថា៖ «យោងតាមកិច្ចព្រមព្រៀង អ៊ីស្រាអែលអាចត្រឡប់ទៅប្រយុទ្ធវិញបន្ទាប់ពីថ្ងៃទី៤២ បើខ្លួនមានអារម្មណ៍ថា ការចរចាគ្មានប្រសិទ្ធភាព» ដោយចោទប្រកាន់ក្រុមហាម៉ាសថាបានរំលោភលើកិច្ចព្រមព្រៀង។
កន្លងមក ភាគីទាំងពីរបានចោទប្រកាន់គ្នាទៅវិញទៅមកពីបទបំពានលើកិច្ចព្រមព្រៀង។
អ៊ីស្រាអែល បានស្នើសុំពន្យារដំណាក់កាលទីមួយ ដោយមានលក្ខខណ្ឌលើការប្រគល់អ្នកទោសដែលនៅរស់ និងសាកសពមួយចំនួនជារៀងរាល់សប្តាហ៍។ យ៉ាងណាមិញ ក្រុមហាម៉ាសបានច្រានចោល និងទទូចឲ្យប្រកាន់ខ្ជាប់នូវកិច្ចព្រមព្រៀងនេះ ដើម្បីឈានចូលដល់ដំណាក់កាលទីពីរ និងកាតព្វកិច្ចអ៊ីស្រាអែលចំពោះអ្វីដែលបានព្រមព្រៀងគ្នាពីមុនកាលពីថ្ងៃទី១៩ខែមករា។
សូមបញ្ជាក់ថា ដំណាក់កាលដំបូងនៃកិច្ចព្រមព្រៀងឈប់បាញ់ បានបញ្ឈប់ការប្រយុទ្ធគ្នារយៈពេល ១៥ខែរវាងអ៊ីស្រាអែល និងក្រុមហាម៉ាស ហើយមានការដោះដូរចំណាប់ខ្មាំងអ៊ីស្រាអែល ៣៣នាក់ និងជនជាតិថៃ ៥នាក់ សម្រាប់អ្នកទោសនិងអ្នកជាប់ឃុំប៉ាឡេស្ទីនប្រហែល ២ ០០០នាក់។
ការពិភាក្សាអំពីបទឈប់បាញ់បាននិងកំពុងបន្ត ដែលថ្មីៗនេះធ្វើឡើងនៅទីក្រុងគែរ ប៉ុន្តែមិនបានឈានដល់កិច្ចព្រមព្រៀងណាមួយទេ៕
ដោយ៖ ឈាង
-
ព័ត៌មានអន្ដរជាតិ១ សប្តាហ៍ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
កីឡា១ សប្តាហ៍ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
សេដ្ឋកិច្ច១ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ៦ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
ព័ត៌មានជាតិ៦ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ១ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
កីឡា១ សប្តាហ៍ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi
-
ព័ត៌មានជាតិ១ សប្តាហ៍ agoចាប់ពីពេលនេះពលរដ្ឋដែលត្រូវធ្វើ ឬបន្តអត្តសញ្ញាណបណ្ណមិនចាំបាច់ត្រលប់ទីលំនៅឋានដើមឡើយ