ព័ត៌មានអន្ដរជាតិ
មន្ត្រីអាមេរិកមួយចំនួន ចាប់ផ្តើមស្តាយក្រោយ ដែលបោះឆ្នោតឲ្យលោក ត្រាំ
មន្រ្តីរដ្ឋការអាមេរិកមួយចំនួន ដែលបោះឆ្នោតឲ្យលោក ដូណាល់ ត្រាំ ចាប់ផ្តើមស្តាយក្រោយហើយ ដោយសារតែគោលនយោបាយរបស់ប្រធានាធិបតីរូបនេះ ធ្វើឲ្យប៉ះពាល់ដល់ការងារ និងសហគមន៍របស់ពួកគេ។

ជាក់ស្តែង បើយោងតាមការចុះផ្សាយរបស់ ABC News កាលពីសប្តាហ៍មុន, លោក Gabriel D’Alatri ដែលជាអតីតទាហានម៉ារីនអាមេរិក គឺស្ថិតក្នុងចំណោមទាហានជើងចាស់ជាង ៦ ០០០នាក់ដែលត្រូវបានបណ្តេញចេញពីការងារ ក្រោមគម្រោង DOGE ដែលដឹកនាំដោយលោក ត្រាំ និង Elon Musk ដើម្បីកាត់បន្ថយការចំណាយរបស់រដ្ឋ។ លោក D’Alatri បានបោះឆ្នោតឲ្យលោក ត្រាំ ប៉ុន្តែឥឡូវគាត់ប្រាប់ថា គាត់ស្តាយក្រោយណាស់ ដោយសារតែគោលនយោបាយថ្មីនេះ។
នៅឯរដ្ឋ West Virginia, មន្រ្តីអាជ្ញាធររដ្ឋបាលហិរញ្ញវត្ថុ១២៥នាក់ ក៏ត្រូវបានបណ្តេញចេញផងដែរ។ ម្នាក់ក្នុងចំណោមនោះ គឺអ្នកនាង Jennifer Piggott ដែលធ្លាប់ជាអ្នកគាំទ្រដ៏ស្មោះស្ម័គ្ររបស់លោក ត្រាំ។ ពេលនេះ អ្នកនាងស្តាយក្រោយនិងខកចិត្តជាខ្លាំង ហើយបារម្ភថា គោលនយោបាយនេះ នឹងប៉ះពាល់ដល់ជីវភាពរស់នៅរបស់ពលរដ្ឋផ្សេងទៀត។

ម្នាក់ទៀតឈ្មោះ Nathan Hooven គឺជាអតីតទ័ពអាកាសដែលមានពិការភាព ខណៈគាត់ក៏ត្រូវបណ្តេញចេញពីការងារដែរ ហើយឥឡូវស្ទើរតែបាត់បង់ក្តីសង្ឃឹមអស់ទៅហើយ។
មិនមែនត្រឹមប៉ុណ្ណឹងឡើយ នៅមានអ្នកគាំទ្រលោក ត្រាំ ជាច្រើននាក់ទៀតដែលចាប់ផ្តើមស្តាយក្រោយចំពោះការបោះឆ្នោតឲ្យគាត់ ហើយមានអារម្មណ៍ថា ពួកគេត្រូវគេក្បត់ ខណៈឥឡូវកំពុងប្រឈមនឹងផលលំបាក ក្នុងការរកការងារធ្វើ។

សូមបញ្ជាក់ថា ចាប់តាំងពីស្បថចូលកាន់អំណាចសម្រាប់អាណត្តិទីពីរជាប្រធានាធិបតីទី៤៧របស់សហរដ្ឋអាមេរិកមក លោក ត្រាំ បាននាំទៅដល់ការផ្លាស់ប្តូរយ៉ាងខ្លាំងទាំងការកែទម្រង់នយោបាយក្នុងប្រទេសនិងបង្កភាពវឹកវរលើឆាកនយោបាយអន្តរជាតិ។
ក្នុងនោះ ការកាត់បន្ថយបុគ្គលិករដ្ឋគឺជាប្រធានបទដ៏ចម្រូងចម្រាសមួយក្នុងរដ្ឋបាលអាណត្តិនេះ។ យោងតាម Reuters, បុគ្គលិករដ្ឋប្រមាណ ៧៥ ០០០នាក់បានទទួលយកការលាលែងដោយស្ម័គ្រចិត្ត ហើយការបញ្ឈប់បុគ្គលិករដ្ឋគឺមានលើស ៨៤ ០០០នាក់គិតត្រឹមពាក់កណ្តាលខែកុម្ភៈ។
ការបញ្ឈប់បុគ្គលិករដ្ឋរបស់រដ្ឋបាលត្រាំ ក៏បង្កឲ្យមានការចេញតវ៉ានៅមុខសេតវិមានដ៏កម្រផងដែរ។ លើសពីនេះទៅទៀត ព្រឹទ្ធសមាជិកនៃគណបក្សប្រជាធិបតេយ្យជាច្រើនរូបក៏បានចាប់ផ្តើមធ្វើយុទ្ធនាការប្រឆាំងលោកត្រាំ រួចហើយដែរ៕
អត្ថបទ៖ សុខ សុវណ្ណ
ចុចអាន៖ ត្រាំ ប្រកាសជួយទិញ Tesla មួយគ្រឿង ដើម្បីគាំទ្រលោក Musk ខណៈការលក់កំពុងធ្លាក់ចុះ

-
ព័ត៌មានអន្ដរជាតិ៤ ថ្ងៃ ago
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ៣ ថ្ងៃ ago
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ៥ ថ្ងៃ ago
អគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
ព័ត៌មានអន្ដរជាតិ៣ ថ្ងៃ ago
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ១ ថ្ងៃ ago
ថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន
-
ព័ត៌មានជាតិ២ ថ្ងៃ ago
កម្ពុជាប្រាប់ថៃឱ្យបញ្ឈប់រាល់សកម្មភាពឯកតោភាគីនៅក្នុងតំបន់ជម្លោះ
-
ព័ត៌មានអន្ដរជាតិ៨ ម៉ោង ago
អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ
-
បច្ចេកវិទ្យា៤ ថ្ងៃ ago
ជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង