ព័ត៌មានអន្ដរជាតិ
ប៉ូលិសជាន់ខ្ពស់់ថៃម្នាក់ត្រូវបានបណ្ដេញចេញពីការងារពីបទលេងល្បែងស៊ីសងខុសច្បាប់
ប្រទេសថៃបានបណ្តេញមន្ត្រីប៉ូលិសម្នាក់ក្នុងចំណោមមន្ត្រីប៉ូលិសដែលមានកេរ្តិ៍ឈ្មោះនិងតំណែងខ្ពស់របស់ប្រទេសជុំវិញការជាប់ពាក់ព័ន្ធនឹងការលេងល្បែងស៊ីសងខុសច្បាប់និងការក្លែងបន្លំលុយ។ នេះបើយោងតាមការចេញផ្សាយរបស់ទីភ្នាក់ងារព័ត៌មាន AFP នៅថ្ងៃទី១៣ខែមីនានេះ។
ប៉ូលិសថៃបាននិយាយនៅក្នុងសេចក្តីថ្លែងការណ៍មួយថា លោក Surachate Hakparn ដែលមានឈ្មោះហៅក្រៅថា «Big Joke» មានតួនាទីជាអគ្គស្នងការរងនគរបាលនៃព្រះរាជាណាចក្រថៃ ត្រូវបានបណ្តេញចេញពីការងារជាផ្លូវការកាលពីថ្ងៃអង្គារ។ ការបណ្តេញចេញនេះគឺស្របតាមនីតិវិធីវិន័យសម្រាប់មន្រ្តីដែលកំពុងស្ថិតនៅក្រោមការស៊ើបអង្កេត។
លោក Surachate ត្រូវបានចាប់បាននៅក្នុងការវាយឆ្មក់ជាបន្តបន្ទាប់របស់ប៉ូលិសក្នុងឆ្នាំ ២០២៣ ដោយផ្តោតលើបណ្តាញល្បែងអនឡាញខុសច្បាប់ដែលមានឈ្មោះថា «Betflix»។ លោកត្រូវបានចោទប្រកាន់ពីបទលាងលុយកខ្វក់ ហើយត្រូវផ្អាកពីការងារពេលដែលការស៊ើបអង្កេតកំពុងដំណើរការ ទោះបីជាលោកបដិសេដក៏ដោយ។
បើតាមលោក លោក Aek Angsananont អតីតអគ្គស្នងការរងនគរបាលជាតិ និងបច្ចុប្បន្នជាសមាជិកនៃគណៈកម្មាធិការនគរបាលជាតិ បានប្រាប់ទូរទស្សន៍ Thai PBS ថា៖ «លោក Surachate មានពេល ៣០ ថ្ងៃដើម្បីប្តឹងឧទ្ធរណ៍ប្រឆាំងនឹងការបណ្តេញចេញ»។
គួររម្លឹកថា លោក Surachate ដែលបានបម្រើការក្នុងជួរប៉ូលិសជាយូរមក និងមានទំនាក់ទំនងនឹងឥស្សរជនមានឥទ្ធិពលក្នុងរដ្ឋាភិបាលជាច្រើន។ លោកត្រូវបានតែងតាំងដោយឧបនាយករដ្ឋមន្ត្រី Prawit Wongsuwan ជាប្រធានការិយាល័យអន្តោប្រវេសន៍ក្នុងខែកញ្ញា ឆ្នាំ ២០១៨។ នៅឆ្នាំ២០១៩ លោកបានបាត់ខ្លួនគ្មានមូលហេតុ ហើយបន្ទាប់មក នាយករដ្ឋមន្ត្រី Prawit Wongsuwan បានតែងតាំងលោកជាទីប្រឹក្សាពិសេសផ្នែកយុទ្ធសាស្ត្រដល់ប៉ូលិសនៅឆ្នាំ ២០២១។
ការបណ្តេញលោក Surachate ក៏កើតឡើងប៉ុន្មានថ្ងៃបន្ទាប់ពីការស្លាប់របស់អតីតប៉ូលីស Thitisan Utthanaphon ដែលមានរហស្សនាមថា «Joe Ferrari» ដែលនិយមរថយន្តទំនើបៗ និងបានកំពុងជាប់គុកអស់មួយជីវិតពីបទឃាតកម្មលើជនសង្ស័យក្នុងអំឡុងពេលសួរចម្លើយដ៏ឃោរឃៅ។
គួរបញ្ជាក់ថាទម្រង់នៃការភ្នាល់ល្បែងភាគច្រើនគឺខុសច្បាប់នៅក្នុងប្រទេសថៃ ដោយអាជ្ញាធរបានខិតខំបិទកន្លែងល្បែងស៊ីសងខុសច្បាប់ និងគេហទំព័រភ្នាល់ល្បែងអនឡាញជាច្រើន ដែលភាគច្រើនជាកម្មសិទ្ធិរបស់បរទេស៕
អត្ថបទ៖ ប៊ុន សុភាព
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
អាកាសយានដ្ឋានអន្តរជាតិតេជោ សាងសង់យកលេខ ៩ ជាគោល ជាលេខហុងស៊ុយ បង្ហាញការរីកចម្រើនទៅមុខ
Park Bom បញ្ចេញសកម្មភាពមួយទៀត ប្ដូរឈ្មោះថ្មីសន្លាង
បុរសម្នាក់ សង្ស័យមានបញ្ហាសតិអារម្មណ៍កាន់កាំបិតគំរាមចាក់អ្នកភូមិ
ARDB សហការជាមួយធនាគារកសិកម្មចិនដើម្បី ជំរុញការផ្តល់ឥណទានលើវិស័យកសិកម្ម
Update ៖ កុមារាអាយុជាង ៣ ឆ្នាំម្នាក់ កើតជំងឺផ្តាសាយបក្សីបានទទួលមរណភាពហើយ នៅមន្ទីរពេទ្យបង្អែកខេត្តក្រចេះ
រយៈពេល៥ឆ្នាំ លំដាប់លេខ១ថៃ Tawanchai ចាញ់សន្លប់លើកដំបូង
ក្រសួងសុខាភិបាល ប្រកាសរកឃើញករណីជំងឺផ្ដាសាយបក្សីលើកុមារា អាយុ ៣ ឆ្នាំ ៦ ខែម្នាក់ នៅខេត្តក្រចេះ
បុរស ចិន ម្នាក់ ហេតុតែជាអ្នកមាន សុខចិត្តចាយលុយដុល្លារ ជួលមនុស្សយន្តជាមេផ្ទះ
អគ្គិភ័យឆេះបន្ទប់ធ្វើការនាយប៉ុស្ដិ៍បឹងកេងកងទី៣ ខូចខាតសម្ភារៈមួយចំនួន
-
KPT+១ សប្តាហ៍ agoតំបន់កោះដ៏ពេញនិយមសម្រាប់សកម្មភាពកម្សាន្ត របស់ខេត្តកោះកុង
-
ព័ត៌មានជាតិ៦ ថ្ងៃ agoអាមេរិកគ្រោងដាក់កម្ពុជាក្នុងបញ្ជីលឿង៖សម្ដេចតេជោ ថាជាសិទ្ធិរបស់គេ គ្មានអ្វីត្រូវខ្វល់ តែត្រូវកសាងប្រទេសឱ្យខ្លាំង
-
ព័ត៌មានជាតិ៦ ថ្ងៃ agoពីឆ្នាំ២០០៩ ដល់បច្ចុប្បន្ន ឥស្សរជនជាន់ខ្ពស់៥រូប ត្រូវបានតម្លើងឋានន្តរសក្ដិ ថ្នាក់នាយឧត្តមសេនីយ៍ផុតលេខ ផ្កាយមាស៥
-
ព័ត៌មានអន្ដរជាតិ៥ ថ្ងៃ agoនិយាយជាមួយពូទីនចប់ភ្លាម ត្រាំ ថា បើផ្ទុះសង្គ្រាមលោកលើកទី៣ ទ័ពអាមេរិក ក៏អាចចូលប្រយុទ្ធដែរ
-
ព័ត៌មានជាតិ៥ ថ្ងៃ agoព្រះតេជគុណ ជួន កក្កដា គ្រោងលាចាកសិក្ខាបទនៅព្រឹកនេះ
-
កីឡា៣ ថ្ងៃ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
សន្តិសុខសង្គម៧ ថ្ងៃ agoឃាត់ខ្លួនមនុស្ស៥នាក់ពាក់ព័ន្ធករណីលួចលុយពីធនាគារឯកជនមួយក្នុងទំហំទឹកប្រាក់ខ្ទង់លានដុល្លារ
-
ព័ត៌មានជាតិ១ សប្តាហ៍ agoបុណ្យកតញ្ញូតាធម៌ធ្វេីឱ្យមនុស្សគ្រប់រូបប្រែក្លាយខ្លួនជាកូនល្អ សិស្សល្អ និងពលរដ្ឋល្អក្នុងសង្គម