ព័ត៌មានអន្ដរជាតិ

បាក់អគារនៅថៃ៖ អ្នកស្លាប់កើនដល់៥១នាក់ ខណៈ៤៣នាក់ទៀតបាត់ខ្លួន

បានផុស

១ នាទីute មុន

នៅ

ថ្ងៃពុធ ២៣ មេសា ២០២៥

ដោយ

សាកសពពីរនាក់ទៀតត្រូវបានរកឃើញ នាំឲ្យចំនួនអ្នកស្លាប់ក្នុងហេតុការណ៍បាក់អគារនៅថៃដោយសាររញ្ជួយដីដែលបានរកឃើញកើនដល់៥១នាក់ ជាមួយគ្នានោះ កម្មករ៤៣នាក់ទៀតនៅតែបន្តបាត់ខ្លួននៅឡើយ។ នេះបើយោងតាមការចេញផ្សាយរបស់សារប័ត៌មាន The Nation នៅថ្ងៃទី២២ខែមេសានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីជួយសង្គ្រោះបានអះអាងនៅថ្ងៃអង្គារនេះថា សាកសពពីរនាក់ទៀតត្រូវបានរកឃើញពីកម្ទេចថ្មនៃអគារកម្ពស់ ៣២ ជាន់ដែលដួលរលំនៅក្នុងខណ្ឌ Chatuchak នៃទីក្រុងបាងកក ដែលនាំឱ្យចំនួនអ្នកស្លាប់កើនឡើងដល់ ៥១ នាក់ ខណៈប្រតិបត្តិការជួយសង្គ្រោះនៅតែបន្តរកកម្មករចំនួន ៤៣នាក់ទៀតដែលបាត់ខ្លួន។

បើតាមមន្ត្រីសង្គ្រោះ សាកសពទី១ ត្រូវបានរកឃើញពីក្រោមគំនរបាក់បែក ក្នុងតំបន់ C នៅវេលាម៉ោង ៨ និង២០ នាទី យប់ តាមរយៈការជីកនិងកាត់បេតុង។ សាកសពទី២ ត្រូវបានរកឃើញនៅក្រោមគំនរបាក់បែក ក្នុងតំបន់ B ហើយត្រូវបានស្រង់ចេញបានដោយជោគជ័យនៅម៉ោងប្រហែល ៩ និង៣៧នាទីយប់។

គួរបញ្ជាក់ថាអគារការិយាល័យសវនកម្មរដ្ឋដែលកំពុងសាងសង់ (SAO) នៅលើផ្លូវ Kamphaeng Phet 2 បានដួលរលំកាលពីថ្ងៃទី ២៨ ខែមីនា បន្ទាប់ពីរងផលប៉ះពាល់ពីការរញ្ជួយដីកម្រិត ៧.៧ រ៉ិចទ័រ នៅជិតទីក្រុង Mandalay ប្រទេសមីយ៉ាន់ម៉ា ។

យោងតាមរដ្ឋបាលក្រុងបាងកក (BMA) មានជនរងគ្រោះសរុបចំនួន ១០៣នាក់ពីឧបទ្ទវហេតុនេះ។ ក្នុងនោះ ៥១នាក់ត្រូវបានគេបញ្ជាក់ថាស្លាប់ ៩នាក់របួស និង ៤៣នាក់ទៀតបាត់ខ្លួន គិតត្រឹមថ្ងៃអង្គារនេះ៕