ព័ត៌មានអន្ដរជាតិ

ស្លាប់ហោចណាស់ ៤៤នាក់ ក្រោយអ៊ីស្រាអែលផ្លោងគ្រាប់ដាក់ហ្គាហ្សា

បានផុស

១ year មុន

នៅ

ថ្ងៃសុក្រ ២៥ មេសា ២០២៥

ដោយ

Chheang

ការវាយប្រហារតាមអាកាសរបស់អ៊ីស្រាអែលនៅទូទាំងតំបន់ហ្គាហ្សាស្ទ្រីប បានសម្លាប់ជនជាតិប៉ាឡេស្ទីនយ៉ាងតិច ៤៤នាក់ កាលពីថ្ងៃព្រហស្បតិ៍ទី២៤ខែមេសា ដោយក្នុងចំណោមគោលដៅទាំងនោះមានប៉ុស្ដិ៍ប៉ូលិសនៅទីក្រុង Jabalia ជាកន្លែងដែលអ៊ីស្រាអែលបានផ្លោងមីស៊ីលចំនួន២គ្រាប់ដាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោធាអ៊ីស្រាអែល បានបញ្ជាក់ថា ប៉ុស្តិ៍ប៉ូលិសត្រូវបានប្រើជាមជ្ឈមណ្ឌលបញ្ជាដោយក្រុមហាម៉ាស និងក្រុមជីហាតអ៊ីស្លាម សម្រាប់រៀបចំគម្រោងវាយប្រហារលើកងកម្លាំងអ៊ីស្រាអែល។

ក្រៅតែពីទីក្រុង Jabalia ការវាយប្រហារតាមអាកាសរបស់អ៊ីស្រាអែល បានធ្វើឡើងនៅតំបន់លំនៅដ្ឋាន កន្លែងជម្លៀសខ្លួនប្រជាជន និងជុំរុំបណ្តោះអាសន្ននៅទូទាំងហ្គាហ្សា បណ្តាលឲ្យមានអ្នកស្លាប់និងរបួសជាច្រើនទៀត។ ក្រសួងសុខាភិបាលហ្កាហ្សាបានរាយការណ៍ថា ជនរងគ្រោះភាគច្រើនជាស្ត្រី និង កុមារ។

ចាប់តាំងពីបទឈប់បាញ់ក្នុងខែមករាបានដួលរលំនៅថ្ងៃទី១៨ខែមីនា ប្រតិបត្តិការយោធារបស់អ៊ីស្រាអែល បានសម្លាប់ជនជាតិប៉ាឡេស្ទីនជាង ១ ៩០០នាក់ ភាគច្រើនជាជនស៊ីវិល ហើយមនុស្សរាប់សិបម៉ឺននាក់ត្រូវបានផ្លាស់ទីលំនៅ។

កិច្ចខិតខំប្រឹងប្រែងរបស់អ្នកសម្រុះសម្រួលអារ៉ាប់ កាតា និងអេហ្ស៊ីប ដែលគាំទ្រដោយសហរដ្ឋអាមេរិក រហូតមកដល់ពេលនេះ បានបរាជ័យក្នុងការផ្សះផ្សាជម្លោះរវាងភាគីសង្រ្គាមទាំងពីរ គឺអ៊ីស្រាអែល និងក្រុមហាម៉ាស។

ការវាយប្រហារលើអ៊ីស្រាអែលដោយក្រុមហាម៉ាសក្នុងខែតុលាឆ្នាំ២០២៣ បានសម្លាប់មនុស្ស ១ ២០០នាក់ ហើយចំណាប់ខ្មាំង ២៥១នាក់ត្រូវបានចាប់ខ្លួនទៅកាន់តំបន់ហ្គាហ្សា។ ចាប់តាំងពីពេលនោះមក ប្រជាជនប៉ាឡេស្ទីនជាង ៥១ ៣០០នាក់ត្រូវបានសម្លាប់នៅក្នុងការវាយលុករបស់អ៊ីស្រាអែលនៅហ្គាហ្សា៕