ព័ត៌មានអន្ដរជាតិ
នាយករដ្ឋមន្ត្រីអ៊ីស្រាអែល បញ្ជាក់ពីការស្លាប់នៃមេដឹកនាំលាក់មុខរបស់ក្រុមហាម៉ាស
នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ បានប្រកាសជាផ្លូវការអំពីការស្លាប់របស់លោក Mohammed Sinwar ដែលជាមេដឹកនាំលាក់មុខរបស់ក្រុមហាម៉ាសនៅតំបន់ហ្គាហ្សា និងជាប្អូនប្រុសបង្កើតរបស់អតីតមេដឹកនាំក្រុមសកម្មប្រយុទ្ធប៉ាឡេស្ទីន។ ការប្រកាសនេះត្រូវបានធ្វើឡើងក្នុងសម័យប្រជុំសភាអ៊ីស្រាអែលកាលពីថ្ងៃទី២៨ខែឧសភា ដែលជាការវិវឌ្ឍយ៉ាងសំខាន់ក្នុងជម្លោះដែលកំពុងបន្តរវាងអ៊ីស្រាអែល និងក្រុមហាម៉ាស។
ក្នុងអំឡុងពេលសុន្ទរកថា លោក ណេតាន់យ៉ាហូ បានរាយឈ្មោះមេដឹកនាំកំពូលក្រុមហាម៉ាសដែលត្រូវបានសម្លាប់ក្នុងអំឡុងពេលសង្គ្រាម ដោយនិយាយថា «យើងបានសម្លាប់ភេរវកររាប់ម៉ឺននាក់។ យើងបានសម្លាប់ (Mohammed) Deif, (Ismail) Haniyeh, Yahya Sinwar និង Mohammed Sinwar»។
លោក Mohammed Sinwar តាមសេចក្តីរាយការណ៍បានចូលកាន់តំណែងជាអ្នកដឹកនាំក្រុមហាម៉ាសនៅតំបន់ហ្គាហ្សាបន្ទាប់ពីការស្លាប់របស់បងប្រុសគាត់ឈ្មោះ Yahya Sinwar ក្នុងខែតុលាឆ្នាំ២០២៤។ គាត់ត្រូវបានគេជឿថាបានបាត់បង់ជីវិតនៅក្នុងការវាយប្រហារតាមអាកាសរបស់អ៊ីស្រាអែលកាលពីថ្ងៃទី១៣ខែឧសភាឆ្នាំ២០២៥ ដោយបានកំណត់គោលដៅទៅលើមជ្ឈមណ្ឌលបញ្ជាការរបស់ហាម៉ាសនៅក្រោមមន្ទីរពេទ្យអឺរ៉ុបមួយកន្លែងក្នុងតំបន់ Khan Younis ភាគខាងត្បូងហ្គាហ្សា។
លោក Mohammed Sinwar គឺជាឥស្សរជនដ៏លេចធ្លោមួយរូបនៅក្នុងក្រុមហាម៉ាស ដោយបានដើរតួយ៉ាងសំខាន់ក្នុងប្រតិបត្តិការយោធា និងការកសាងឡើងវិញនូវសមត្ថភាពរបស់ក្រុមហាម៉ាស រួមទាំងការចាប់ខ្លួនទាហានអ៊ីស្រាអែលមួយរូបឈ្មោះ Gilad Shalit ក្នុងឆ្នាំ២០០៦។
ការស្លាប់របស់លោក Mohammed Sinwar គឺជាផ្នែកនៃយុទ្ធនាការដ៏ធំរបស់អ៊ីស្រាអែល ដើម្បីរុះរើការដឹកនាំ និងហេដ្ឋារចនាសម្ព័ន្ធយោធារបស់ក្រុមហាម៉ាស ដើម្បីឆ្លើយតបទៅនឹងការវាយប្រហារថ្ងៃទី៧ខែតុលាឆ្នាំ២០២៣របស់ក្រុមនេះ ទៅលើអ៊ីស្រាអែល ដែលបណ្តាលឲ្យមានអ្នកស្លាប់ប្រមាណ ១ ២០០នាក់ និងការចាប់ខ្លួនចំណាប់ខ្មាំងប្រហែល ២៥១នាក់។ ប្រតិបត្តិការសងសឹកដោយកងកម្លាំងយោធាអ៊ីស្រាអែល បានធ្វើឲ្យមនុស្សមិនតិចជាង ៥៤ ០០០នាក់នៅហ្គាហ្សាបាត់បង់ជីវិតឡើយ ហើយធ្វើឲ្យប្រជាជនចំនួន ២,៣លាននាក់រងទុក្ខវេទនា និងត្រូវការជំនួយជាបន្ទាន់៕
ដោយ៖ ឈាង
នាយករដ្ឋមន្ត្រីអ៊ីស្រាអែល បញ្ជាក់ពីការស្លាប់នៃមេដឹកនាំលាក់មុខរបស់ក្រុមហាម៉ាស
មន្ទីរពេទ្យកាល់ម៉ែត សម្ពោធដាក់ឱ្យប្រើប្រាស់ជាផ្លូវការម៉ាស៊ីនឆ្លុះពោះវៀនតូចដែលទំនើបដំបូងគេបង្អស់នៅកម្ពុជា
លោក ឡៅ ស៊ីណាត អរគុណចំពោះអ្នកគាំទ្រ កីឡាមានឈ្នះមានចាញ់សំខាន់ធ្វើឲ្យអស់ពីសមត្ថភាព
ឈ្នះពាន UECLយប់មិញ Chelsea បានបំបែកកំណត់ត្រាធំមួយ ដែលគ្មានក្លិបណាធ្លាប់ធ្វើបាន
ពីប្រទេសជប៉ុន សម្ដេចធិបតី បានបញ្ជាឱ្យចល័តទ័ព និងអាវុធទៅកាន់ព្រំដែន ដើម្បីការពារបូរណភាពទឹកដី
អ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
សពទាហានដែលប៉ះទង្គិចមួយទាហានថៃ បានដឹកយកទៅដល់លំនៅឋាន ដើម្បីធ្វើបុណ្យតាមប្រពៃណី
សម្ដេច យ៉ន សេងយៀត នឹងធ្វើដំណើរធម្មយាត្រាថ្មើរជើងតាមជួរភ្នំក្រវាញ ៣២ថ្ងៃ ដើម្បីពុទ្ធសាសនា និងបរិស្ថាន
កូវីដនៅថៃធ្ងន់ធ្ងរ! សប្តាហ៍មុនឆ្លងជាង ៦ម៉ឺនករណី និងស្លាប់ ៨នាក់ទៀត
សម្ដេចហ៊ុន សែន ៖ ខ្ញុំមិនចង់ឃើញការប្រយុទ្ធណាមួយកើតឡើងទេ តែខ្ញុំគាំទ្រការសម្រេចររបស់ដ្ឋាភិបាល ក្នុងការបញ្ជូនទ័ពនិង អាវុធធុនធ្ងន់ទៅកាន់ព្រំដែន
-
ព័ត៌មានជាតិ៥ ថ្ងៃ agoសពទ័ពមួកខៀវកម្ពុជា២រូប កំពុងត្រូវបានបញ្ចូនមកកម្ពុជាតាមយន្តហោះ ដែលនឹងមកដល់មាតុភូមិឆាប់ៗនេះ
-
សន្តិសុខសង្គម៤ ថ្ងៃ agoនគរបាលជំនាញព្រមានចាត់វិធានការលើម្ចាស់គណនីហ្វេសប៊ុកមួយ ដែលតែងបង្ហោះព័ត៌មានក្លែងក្លាយសុំជំនួយដើម្បីផលប្រយោជន៍ផ្ទាល់ខ្លួន
-
សន្តិសុខសង្គម១ សប្តាហ៍ agoជនដៃដល់៣នាក់ត្រូវបានឃាត់ខ្លួនក្នុងករណីរំលោភសម្លាប់ក្មេងស្រីវ័យ១៥ឆ្នាំនៅខណ្ឌព្រែកព្នៅ
-
ព័ត៌មានជាតិ៣ ថ្ងៃ agoសពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
សន្តិសុខសង្គម៤ ថ្ងៃ agoតុលាការសម្រេចឃុំខ្លួនអតីតអ្នកឧកញ៉ា ហេង សិទ្ធី ដាក់ពន្ធនាគារព្រៃស
-
សន្តិសុខសង្គម២ ថ្ងៃ agoមន្ទីរធម្មការនិងសាសនា ចុះធើ្វកិច្ចសន្យាបុគ្គល២នាក់ តាំងខ្លួនជាអ្នកស្នងបារមី
-
ព័ត៌មានអន្ដរជាតិ៦ ថ្ងៃ agoកូរ៉េខាងជើង យកតង់បាំងនាវាចម្បាំងដែលលិច
-
ព័ត៌មានជាតិ១៤ ម៉ោង agoអ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ