យោធាចិន ផលិតដ្រូនឈ្លបយកការណ៍យ៉ាងទំនើបអស្ចារ្យ មានទំហំប៉ុនសត្វមូស

ប្រទេសចិន​បានដើរមួយជំហានទៀតហើយក្នុងវិស័យយោធា ដោយខ្លួនបានផលិតដ្រូនឈ្លបយកការណ៍យ៉ាងទំនើបអស្ចារ្យដែលមានទំហំប៉ុនសត្វមូសប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បង្កើតឡើងដោយសាកលវិទ្យាល័យជាតិនៃបច្ចេកវិទ្យាការពារជាតិ (NUDT) ដ្រូននេះមានបណ្តោយ២សង់ទីម៉ែត្រ ទទឹង៣សង់ទីម៉ែត្រ និងទម្ងន់មិនដល់០.២ក្រាមនោះទេ។

ដ្បិតមានទំហំតូចក៏ពិតមែន ប៉ុន្តែដ្រូននេះមានបំពាក់ដោយកាមេរ៉ា មីក្រូហ្វូន និងឧបករណ៍ចាប់សញ្ញាកម្រិតខ្ពស់ ដែលអនុញ្ញាតឲ្យវាចាប់យករូបភាព ថតសំឡេង និងអាចជ្រៀតចូលបណ្តាញនានាបានយ៉ាងងាយស្រួល ហើយវាត្រូវបានរចនាឡើងសម្រាប់បេសកកម្មបំបាំងកាយដ៏កំពូល។

ដ្រូននេះត្រូវបានបង្ហាញលើកញ្ចក់ទូរទស្សន៍ CCTV-7 ដែលជាប៉ុស្តិ៍យោធាគ្រប់គ្រងដោយរដ្ឋរបស់ប្រទេសចិន ហើយត្រូវគេមើលឃើញថា ជាការយកចិត្តទុកដាក់ខ្លាំងបំផុតរបស់ចិន លើបច្ចេកវិទ្យាសង្គ្រាមជំនាន់ក្រោយ។

ទោះបីជាយ៉ាងណាក៏ដោយ ក្រុមអ្នកផលិតមិនបានបញ្ចេញមុខងារលម្អិតនិងសមត្ថភាពផ្សេងៗទៀតរបស់ដ្រូនទេ ប៉ុន្តែដ្រូននេះក៏បង្កក្តីបារម្ភមិនធម្មតាដែរលើឆាកអន្តរជាតិ។

ក្រុមអ្នកជំនាញព្រមានថា ដ្រូននេះអាចនឹងត្រូវប្រើប្រាស់ខុសគោលការណ៍ ដើម្បីឈ្លបយកការណ៍លើបុគ្គល ជ្រៀតចូលអាជីវកម្ម លួចទិន្នន័យ ឬសម្រួលដល់ការវាយប្រហារតាមអ៊ីនធឺណិត៕

អត្ថបទ៖ សុខ សុវណ្ណ

ចុចអាន៖ ចិន ត្រៀមបញ្ចេញ យន្តហោះផ្ទុកដ្រូនដំបូងគេលើលោក ដ៏អស្ចារ្យ