ព័ត៌មានអន្ដរជាតិ

អ្នកជាសះស្បើយពីកូវីដ អាចប្រឈមបញ្ហាតម្រងនោមធ្ងន់ធ្ងរ

បានផុស

៥ years មុន

នៅ

ថ្ងៃព្រហស្បតិ៍ ១ មេសា ២០២១

ដោយ

ការស្រាវជ្រាវដែលត្រូវបានចេញផ្សាយដោយ JAMA Network Open បានរកឃើញថា អ្នកជំងឺដែលវិវត្តទៅជាបញ្ហាក្រលៀនធ្ងន់ធ្ងរ អំឡុងពេលនៃការព្យាបាលជំងឺកូវីដ ១៩ នឹងបណ្ដាលឲ្យខ្សោយតម្រងនោមយ៉ាងធ្ងន់ធ្ងរក្នុងរយៈពេលប៉ុន្មានខែ បន្ទាប់ពីចេញពីមន្ទីរពេទ្យ ពោលគឺខ្លាំងជាងអ្នកជំងឺដែលមិនបានឆ្លងកូវីដហើយមានការខូចខាតផ្នែកសរីរាង្គដូចគ្នា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យបានបង្ហាញថា ក្នុងចំណោមអ្នកជំងឺដែលមានបញ្ហាបញ្ហាក្រលៀនធ្ងន់ធ្ងរនៅមន្ទីរពេទ្យចំនួន ៥ ក្នុងរដ្ឋ Connecticut និងកោះ Rhode អ្នកដែលត្រូវបានធ្វើរោគវិនិច្ឆ័យថាមានជំងឺកូវីដ មានការថយចុះមុខងារតម្រងនោមច្រើនជាង ១២ ដងក្នុងរយៈពេល ៦ ខែបន្ទាប់ពីចូលមន្ទីរពេទ្យជាងអ្នកដែលមិនមានមេរោគ។

សហអ្នកនិពន្ធវេជ្ជបណ្ឌិត F. Perry Wilson បាននិយាយនៅក្នុងសេចក្ដីប្រកាសព័ត៌មានមួយថា” អ្នកជំងឺកូវីដដែលមានបញ្ហាក្រលៀនធ្ងន់ធ្ងរ ខុសគ្នាពីអ្នកមានបញ្ហាតម្រងនោមស្រាល ដោយសារតែវាទាក់ទងនឹងផលប៉ះពាល់រយៈពេលវែង ” ។

សាស្ត្រាចារ្យរងផ្នែកវេជ្ជសាស្ត្រក្នុងទីក្រុង New Haven លោក Wilson និយាយថា បញ្ហាក្រលៀនធ្ងន់ធ្ងរគឺជាការថយចុះភ្លាមៗនៃមុខងារតម្រងនោម ដែលត្រូវបានរកឃើញជាធម្មតា ១៥% លើមនុស្សដែលបានចូលមន្ទីរពេទ្យ ដោយសារវាបានបង្កើនហានិភ័យនៃការស្លាប់ដល់ទៅ ១០ ដង។ ស្ថានភាពនេះច្រើនកើតមានចំពោះអ្នកជំងឺកូវីដចន្លោះពី ២៤% ទៅ ៥៧% នៅមន្ទីរពេទ្យដោយសារវីរុសវិវត្តអំឡុងពេលព្យាបាល។

ក្រុមអ្នកស្រាវជ្រាវបានវាយតម្លៃលើអត្រានៃការច្រោះ glomerular ដែលត្រូវបានប៉ាន់ស្មាននិងវាស់បរិមាណឈាមឆ្លងកាត់ glomerular នៃបំពង់តូចនៅក្នុងតម្រងនោមចំពោះអ្នកជំងឺ ១៨២ នាក់ដែលមានជំងឺខ្សោយក្រលៀនធ្ងន់ធ្ងរហើយឆ្លងកូវីដ និងអ្នកជំងឺ ១ ៤៣០ នាក់ដែលមានបញ្ហាក្រលៀនធ្ងន់ធ្ងរតែមិនមានរោគសញ្ញាកូវីដ។

មនុស្សដែលមានសុខភាពល្អមានអត្រាច្រោះប្រមាណ ៩០ ឬច្រើនជាងនេះក្នុងមួយនាទី ខណៈពេលអ្នកដែលមានបញ្ហាក្រលៀនធ្ងន់ធ្ងរនឹងថយចុះពី ១ ទៅ ២ មីលីលីត្រក្នុងមួយនាទី ជាសញ្ញានៃការបាត់បង់មុខងារតម្រងនោមធ្ងន់ធ្ងរនិងរយៈពេលវែង៕

ប្រែសម្រួល៖ សាង ស្រីល័ក្ខ

ប្រភព៖UPI

ចុចអាន៖គួរដឹង! គ្រូពេទ្យជំនាញណែនាំឲ្យអ្នកចាក់វ៉ាក់សាំងរួច ប្រើថ្នាំស្របតាមវេជ្ជបញ្ជាត្រឹមត្រូវ

ចុចអាន៖អ្នកមានជំងឺប៉ុន្មាននេះ ហាមចាក់វ៉ាក់សាំងដាច់ខាត

Related Topics: